फीलीप्‍पी 1:8 - पश्‍चिम तामाङ

⁸ एङ्‍यीमात खतु लबे सेम् ङल य्‍हक्‍को मुब, तलेपङ्‍सम् एङ्‌यीमात ङचेएनो येसु ख्रीस्‍ट्‍चे म्‍होइब र्‌हङ्‌ले म्‍होइब। ङचे चु तम् देमेन् पङ्‍टीब बी पर्‌मेस्‍वर्‌नो साक्षी मुब।

फीलीप्‍पी 1:8 Iomraidhean Croise

लुका 1:78

पर्‌मेस्‍वर्‌की ङ्‌हच्‍छ्‌यङ् क्रीपाचे लज्‍यीम् स्‍वर्‌ग ग्‍यम्‍से स्‍य्‍होकी दीनी थोल्‍ज्‍यीम् ङ्‌य्‍हङ्‌माइ जोरी य्‍हल् तस्‍ये मुब।

रोमी 1:9

ङ ङइ सेम् य्‍हङ्‌सेनो पर्‌मेस्‍वर्‌की जइ ज्‍यबे सम्‍तर् स्‍येत्‍ज्‍यीम् पर्‌मेस्‍वर्‌की सेव स्‍य्‍हेङ्‍ब, ओसेम् ङचे एङ्‍यीमात खले ङइ प्रार्‌थनारी खेम पङ्‌लेनो व्‍हल् स्‍य्‍हेङ्‍ब पङ्‍ज्‍यीम् पर्‌मेस्‍वर् ङइ साक्षी मुब।

रोमी 9:1

देरे ङ ख्रीस्‍ट्‌ल य्‍हीन्‍ब, ओसेम् ङचे भ्‍यु अपङ्। पबीत्र आत्‍माइ अधीन्‍री मुबे ङइ बीबेक्‍चेएनो ङचे भ्‍यु अपङ् पङ्‍बे साक्षी पीन्‍ब। होत्‍तज्‍यीम् ङचे पङ्‌ब छ्‍येटीबे तम् देमेन् य्‍हीन्‍ब।

२ कोरीन्‍थी 13:9

ङ्‌यीमा कम्‍जोर् तबतेङ् हुजुचे एङ्‌यीमात बङ्‍ज्‍येन् तबल ङोन्‍सम् ङ्‌यीमा तङ्‍ब। ङ्‍यीमाचेम् एङ्‍यीमा बीस्‍वास्‍री कोङ्‍खइ बी प्रार्‌थना स्‍य्‍हेङ्‌ब।

२ कोरीन्‍थी 6:12

एङ्‌यीमाकी लागीरी ङ्‍यीमाकी म्‍होइब चेक् तबल अरे, बरु एङ्‌यीमाकी म्‍होइबक ङ्‍यीमात चेक् तबल मुब।

२ कोरीन्‍थी 7:15

एङ्‍यीमाचे तीतस्‍त लोङ्‍ज्‍यीम् स्‍हेस लज्‍यीम् स्‍य्‍हेङ्‌बे स्‍वागततेङ् थेचे पङ्‍बे जम्‍मनो तम्‍मा एङ्‍यीमाचे ङ्‍येन्‍बे तम् व्‍हल् लज्‍यीम् तीतस्‍चे एङ्‌यीमात ङोन्‍ग्‍यम् बीमएनो झेन् य्‍हक्‍को म्‍होइब।

गलाती 1:20

पर्‌मेस्‍वर्‌की ङोन्‍ग्‍यम् ङ एङ्‍यीमात पङ्‍ब ङचे एङ्‍यीमात ब्रीटीबे तम्‍मा भ्‍यु अय्‍हीन्।

गलाती 3:26

तलेपङ्‍सम् बीस्‍वास् ग्‍यम्‍से एङ्‌यीमा जम्‍मनो ख्रीस्‍ट्‍तेङ् गीः तज्‍यीम् पर्‌मेस्‍वर्‌की ज जमेमा तबल मुब।

गलाती 4:19

ङइ ज्‍यीद कोलमा, एङ्‍यीमा ख्रीस्‍ट्‍की स्‍वभाब थोःज्‍यीम् अब्रगदे सम्‍म कोल न्‍हबरी ल्‍हङ्‍दु खबतेङ् तब र्‌हङ्‍बे दुख ङत तस्‍यीनो टीब।

फीलीप्‍पी 2:1

होत्‍तज्‍यीम्, ख्रीस्‍ट्‍री एङ्‍यीमाचे तेए हौसल यङ्‌बल मुब? थेङ्‌की म्‍होइबचे एङ्‌यीमात सान्‍त्‍वना पीन्‍बल मुब? एङ्‌यीमाचे पबीत्र आत्‍मातेङ् सङ्‍गती स्‍य्‍हेङ्‍बल मुब? ओसेम् गीःचे गीत दय स्‍य्‍हेङ्‌बल ओसेम् म्‍होइबल मुब?

फीलीप्‍पी 2:26

थेल एङ्‍यीमा जम्‍मत खतु लबे य्‍हक्‍को सेम् मुब। एङ्‍यीमाचे थे नबल थ्‍येःज्‍यी रो पङ्‍ज्‍यीम् थे य्‍हक्‍को छेर्‌बल मुब।

फीलीप्‍पी 4:1

होत्‍तज्‍यीम् ङइ म्‍होइबे बीस्‍वासी र्‌होमा, ङ एङ्‍यीमात म्‍होइब, ओसेम् एङ्‌यीमात य्‍हक्‍को व्‍हल् लस्‍यीनो टीब, एङ्‍यीमाचे लज्‍यीम् ङ य्‍हक्‍को तङ्‍ब ओसेम् एङ्‍यीमानो ङइ लक्‍की बक्सीस् य्‍हीन्‍ब। ङइ म्‍होइबे बीस्‍वासी र्‌होमा, एङ्‍यीमा प्रभुरी चोलेनो कोङ्‍ज्‍यीम् टीउ।

कलस्‍सी 2:1

एङ्‍यीमातेङ् लाउडीकीयारी मुबे म्‍हीमा ओसेम् ङत अस्‍येःबे जम्‍मनो म्‍हीमाकी लागीरी ङचे गत्‍ते दुख लज्‍यीम् लक् स्‍य्‍हेङ्‍बल मुब पङ्‍बे तम् एङ्‍यीमाचे स्‍येःखइ पङ्‍बे सेम् ङल मुब।

कलस्‍सी 3:12

एङ्‍यीमा पर्‌मेस्‍वर्‌चे दम्‍जेत्‍पे, पबीत्रतेङ् थेङ्‍चे म्‍होइबे म्‍हीमा य्‍हीन्‍ब। होत्‍तज्‍यीम् एङ्‌यीमाचे करुना, दय, नम्र, सोजो ओसेम् नापत येन् येन्‍ब र्‌हङ्‌ले येन्‍थोब।

१ थेस्‍लोनीकी 2:5

एङ्‍यीमाचे स्‍येबलनो मुब, ङ्‌यीमाचे एङ्‌यीमात भ्‍युले व्‍हम्‍ज्‍यीम् तम् अल, ओसेम् तए यङ्‌बे लोभ लज्‍यीमएनो तम् अल। चु तम्‍की साक्षी पर्‌मेस्‍वर् मुब।

१ थेस्‍लोनीकी 2:8

ङ्‌यीमाचे एङ्‌यीमात य्‍हक्‍को म्‍होइबल तज्‍यीम् एङ्‌यीमात पर्‌मेस्‍वर्‌की ज्‍यबे सम्‍तर्‌कीनो स्‍येत्‍परी अय्‍हीन्, तर ङ्‌यीमा र्‌हङ्‌की जीवन पीन्‍बरीएनो तयार मुबल।

२ तीमोथी 1:4

ङ एइ मीख्‍लीत व्‍हल् लब, ङल एतेङ् खतु लबे सेम् य्‍हक्‍को मुब। एतेङ् खतु तज्‍यी पङ्‌सम् ङ य्‍हक्‍को तङ्‍स्‍येल।

फीलेमोन 1:12

ङ थेत दोःज्‍यीम् एजानो पीत्‍खटीब मुब। थेत ङचे सेम् य्‍हङ्‌सेनो य्‍हक्‍को म्‍होइब।

फीलेमोन 1:20

होत्‍तज्‍यीम् म्‍होइबे अले, प्रभुरी ङइ लागीरीएनो चु लक् स्‍य्‍हेङ्‌पीनो, चोले ख्रीस्‍ट्‍री ङइ सेम्‍एनो तङ्‍बचे प्‍लीङ्‍खइ।

१ युहन्‍ना 3:17

जम्‍बुलीङ्‌री सोबरी तोःबे स्‍हेःमा मुबलचे र्‌हङ्‍की बीस्‍वासी र्‌होमात हुजु स्‍हेः तोबल म्रङ्‍ज्‍यीमएनो सेम् कोङ्‍ज्‍यीम् अपीन्‍ज्‍यी पङ्‌सम् थेमाचे खले पर्‌मेस्‍वर्‌त म्‍होइब?