फीलीप्‍पी 1:18 - पश्‍चिम तामाङ

¹⁸ ता तलेनो, मुल् तम्‍मी चु य्‍हीन्‍ब: देमेन्‍लेनो स्‍य्‍हेङ्‌लेनो, स्‍य्‍हेङ्‍ब र्‌हङ्‍लेकीनो स्‍य्‍हेङ्‌लेनो, खले लज्‍यीम् पङ्‌लेनो ख्रीस्‍ट्‍की प्रचार तखइ, चु तम्‍रीनो ङ तङ्‍ब। ओसेम् ङ तङ्‍स्‍यीनो टीस्‍ये मुब,

फीलीप्‍पी 1:18 Iomraidhean Croise

मत्‍ती 23:13

“धीक्‍कार एङ्‌यी धर्‌म लोप्‍पोन्‍मातेङ् फरीसीमा! एङ्‍यीमा कपटीमा य्‍हीन्‍ब। तलेपङ्‍सम् एङ्‍यीमाचे म्‍हीमाइ ङ्‍होन्‍सङ् स्‍वर्‌गइ य्‍हुल्‍की म्रप् दुङ्‍बल मुब। एङ्‍यीमा र्‌हङएनो न्‍हङ्‌री अवङ् ओसेम् न्‍हङ्‌री वङ्‌ब म्‍हइबलमातएनो वङ्‍अपुङ्।

मर्‌कुस् 12:40

थेङ्‍यीमाचे र्‌हेम्‍बो स्‍यीबे अमकोलमाइ दीम्‍नम् ब्‍येन्‍ब, ओसेम् ङोन्‍बे लागीरी र्‌हीङ्‌बे प्रार्‌थना स्‍य्‍हेङ्‌ब। होतेबमाचे झेन् य्‍हक्‍को ङ्‍हच्‍छ्‍यङ् सजाय यङ्‍स्‍ये मुब।”

लुका 9:45

तर थेङ्‌चे ता सुङ्‌ब छ्‌याबल डबमाचे गोअखम्। चु तम्‍की अर्‌थ थेमाचे अगोखइ बी थेमा ग्‍यम्‍से छुम्‍बल मुबल। होत्‍तज्‍यीम् थेङ्‍यीमाचे चु तम् गोअखम्। ओसेम् थेङ्‌यीमा चु तम्‍की बारेरी येसुत ङ्‌योत्‍परी लोङ्‌ज्‍यी।

लुका 9:50

तर येसुचे थेत सुङ्‌ज्‍यी, “थेत होले थपङो। तलेपङ्‍सम् खल्‍चे एङ्‌यीमात बीरोद् अस्‍य्‍हेङ्‌ज्‍यी हुजु एङ्‌यीमालनो य्‍हीन्‍ब।”

रोमी 3:9

होले पङ्‌सम् ता ङ्‍यी यहुदीमा यहुदी अय्‍हीन्‍बे म्‍हीमा बीम ज्‍यब मुब? ज्‍यब अरे, तलेपङ्‍सम् ङचे यहुदीतेङ् यहुदी अय्‍हीन्‍बे म्‍हीमा ङ्‌य्‍हीनो पापीमा य्‍हीन्‍ब पङ्‍ज्‍यीम् ङोन्‍नो ङोन्‍ज्‍यीन्‍बल मुब।

रोमी 6:15

देरेम् ता ङ्‍य्‍हङ्‍मा मोसाचे ब्रीबे पर्‌मेस्‍वर्‌की नीयम्‍की अधीन्‍री अरे, तर अनुग्रहइ अधीन्‍री मुब पङ्‍ज्‍यीम् पाप स्‍य्‍हेङ्‍स्‍ये? होले खेमेएनो स्‍य्‍हेङ्‍ब अत!

१ कोरीन्‍थी 10:19

ङचे ता पङ्‍ब म्‍हइटीब? ख्‍लत पीन्‍बे चबे स्‍हेः तए य्‍हीन्‍ब? ओसेम् ख्‍लएनो तए य्‍हीन्‍ब?

१ कोरीन्‍थी 14:15

होलेपङ्‌सम् ङचे ता लब स्‍यीम्? ङ आत्‍मारी प्रार्‌थना स्‍य्‍हेङ्‍ब तर लोचेएनो ङचे गोबे छीःमारी प्रार्‌थना स्‍य्‍हेङ्‍ब। ङ आत्‍मारी कोब तर लोचेएनो ङचे गोबे छीःमारी कोब।

१ कोरीन्‍थी 15:11

होत्‍तज्‍यीम् ङचे प्रचार स्‍य्‍हेङ्‌लेनो, थेङ्‍यीमाचे प्रचार स्‍य्‍हेङ्‌लेनो, ङ्‌यीमाचे प्रचार स्‍य्‍हेङ्‌बे तम्‍मी गीःनो य्‍हीन्‍ब। ओसेम् हुजु तम्‍री एङ्‍यीमाचे बीस्‍वास् स्‍य्‍हेङ्‍बल मुब।

फीलीप्‍पी 1:19

तलेपङ्‍सम् ङचे स्‍येःब की एङ्‌यीमाकी प्रार्‌थनातेङ येसु ख्रीस्‍ट्‍की आत्‍माचे न्‍हङ्‌बे र्‌हो ग्‍यम्‍से लज्‍यीम् ङ चु दुख ग्‍यम्‍से फेःस्‍ये मुब।