4 नेइबे तम्मा, मुर्ख तम्मा ओसेम् अज्यबे ठट्ट तम्मा पङ्ब अत, होतेबे तम्मा पङ्बरी छन्द अख। तर एङ्यीमाचे पर्मेस्वर्त व्होर्छ्ये पीन्स्यीनो टीथोब।
लोभ स्य्हेङ्ब, अज्यबे लक् स्य्हेङ्ब, ठग्तीब, छरा तब, स्हेर्ब, खीसइतीब, ‘ङ र्हङ्ब खलेएनो अरे’ पङ्ब ओसेम् अम्हेन्नले लक्मा स्य्हेङ्ब।
ओसेम् प्रभुचे व्होर्छ्ये न्हङ्ज्यीम् म्हीमात ग्येङ् ख्वाजेत्पे ग्लाकी रेइरी तीबेरीयस् ग्यम्से खबे ल्हो-ल्हो दोङ्गमा दोखज्यी।
थेङ्यीमाचे पर्मेस्वर्त स्य्हेस स्य्हेङ्ब मुर्ख य्हीन्ब म्हेन्ज्यी, होत्तज्यीम् पर्मेस्वर्चे थेङ्यीमात थेङ्यीमाकी मुर्ख म्हेन्बरी ख्लेथेन्जेत्ज्यी, ओसेम् थेङ्यीमाचे खेमेएनो स्य्हेङ्ब अतबे लक्मा स्य्हेङ्ज्यी।
एङ्यीमाचे ङ्यीमात प्रार्थना स्य्हेङ्ज्यीम् र्हो लपीनो। ओसेम् एङ्यीमाचे स्य्हेङ्बे प्रार्थना सेन्जेत्ज्यीम् पर्मेस्वर्चे ङ्यीमात मोलम् न्हङ्जेत्स्ये मुब, होत्तज्यीम् य्हक्को म्हीमाचे पर्मेस्वर्त व्होर्छये पीन्स्ये मुब।
सेइ लज्यीम् अखम्बे पर्मेस्वर्की बर्दान्की लागीरी थेङ्त व्होर्छ्ये तखइ।
ङ एङ्यीमाकी लागीरी पर्मेस्वर्त खेम पङ्लेनो व्होर्छ्ये पीन्स्यीनो टीब। चोले ङचे एङ्यीमात ङइ प्रार्थनारी व्हल् लस्यीनो टीब।
एङ्यीमाकी सुङ्चे र्होत न्होङ्नलबे तम्मा थथोलो, तर एङ्यीमाचे पङ्बे तम् थ्येःबलमात ज्यब तनलबतेङ् आर् खनलबे तम्माकीनो पङ्थोब।
तइ तम्रीएनो थछेरो, तर एङ्यीमात तोःबे जम्मनो तम्री प्रार्थना स्य्हेङो, ओसेम् पर्मेस्वर्त व्होर्छ्ये पीन्ज्यीम् र्हीदो।
तर देरेम् एङ्यीमाचेएनो जम्मनो बोमो, स्हेर्ब, नीन्द स्य्हेङ्ब ओसेम् र्हङ्की सुङ् ग्यम्से अज्यबे तम्मा पङ्ब पीत्थोब।
एङ्यीमाचे लज्यीम् ङ्यीमा ङ्य्हङ्की पर्मेस्वर्की ङ्होन्सङ् तङ्ब। चुइ लागीरी पर्मेस्वर्त गदे व्होर्छ्ये पीन्लेएनो अयो।
खतेबे बेलोरी पङ्लेनो एङ्यीमाचे व्होर्छ्ये पीनो, तलेपङ्सम् येसु ख्रीस्ट्री तज्यीम् एङ्यीमाचे स्य्हेङ्थोबे पर्मेस्वर्की थुः चुनो य्हीन्ब।
होत्तज्यीम् ख्रीस्ट्चे ङत न्हङ्जेत्पे अधीकार् ग्यम्से एचे ता स्य्हेङ्थोब हुजु स्य्हेङो पङ्ज्यीम् कुल्ब खम्स्येल,
होत्तज्यीम् ङ्य्हङ्माकी सुङ् ग्यम्से येसुइ छेन्री खेम पङ्लेनो पर्मेस्वर्त तोप्के। ङ्य्हङ्माचे थेङ्नो प्रभु य्हीन्ब पङ्ज्यीम् स्वीकार् लबनो ङ्य्हङ्माचे थेङ्त पीन्थोबे ठा य्हीन्ब।
तलेपङ्सम् थेङ्यीमाचे र्हङ्चे र्हङ्त ङ्हच्छ्यङ् म्हेन्ज्यीम् लक् अतबे तम्मा य्हक्को पङ्ब, ओसेम् थेङ्यीमाचे देरेक अज्यबे ग्यम् पीत्ज्यीम् खबे म्हीमात ल्हीःकी अज्यबतेङ् नइबे लक्मा स्य्हेङ्बरी व्हम्ज्यीम् फसइतीब।
तर पर्मेस्वर्चे थेङ्की ङोन्री धर्मी मुबे लोत्त थर्नलजेत्ज्यी। लोत् म्हीमाकी अज्यबतेङ् नेइबे ब्यबहार्मा म्रङ्ज्यीम् दुखी तबल मुबल।
तर चु म्हीमाचे र्हङ्चे गोनो अगोबे तम्माल नीन्द स्य्हेङ्ब ओसेम् थेङ्यीमाकी गोबे सक्तीमी लो अरेबे सेम्ज्येन्माल र्हङ्ब तब, ओसेम् थेङ्यीमा हुजुचेनो नास् तब
थेङ्यीमा सुमुन्द्ररी रेःबे अज्यबे लोङ्बे छाल् र्हङ्ब मुब, ओसेम् र्हङ्की नेइबे तम् समुन्द्रइ कोप्स्यो र्हङ्ले ङोन्ब। थेङ्यीमा कोर्ज्यीम् ब्रबे मुइ सार् र्हङ्ब मुब, थेङ्यीमाकी लागीरी खेम बीबीनोइ लागीरी लोङ्बे म्हुन्दुङ् ग्ला थेन्बल मुब।