एफीसी 4:9 - पश्‍चिम तामाङ

⁹ देरेम् “थेङ् नम्‍तीङ्‌तोर् स्‍येःजेत्‍ज्‍यी” पङ्‍बल ता य्‍हीन्‍ब? चु पङ्‍बलमी ख्रीस्‍ट् ङोन्‍ग्‍यम् जम्‍बुलीङ्‌री फप्‍युजेत्‍ज्‍यी पङ्‍बल य्‍हीन्‍ब।

एफीसी 4:9 Iomraidhean Croise

मत्‍ती 12:40

तलेपङ्‍सम् खले योना ङ्‍हच्‍छ्‍यङ् तर्‌ङइ फो न्‍हङ् दीन् सोम् ओसेम् म्‍हुन् सोम् टीज्‍यी, होलेनो म्‍हीइ जएनो जम्‍बुलीङ्‌की फोरी दीन् सोम् ओसेम् म्‍हुन् सोम् टीस्‍ये मुब।

युहन्‍ना 20:17

येसुचे थेत सुङ्‌ज्‍यी, “ङत थछुउ, तलेपङ्‍सम् दवम् ङ अपज ङ्‌यीबल अरे। ए ङ्‌यीज्‍यीम् ङइ डबमात स्‍येत्‍पीनो, ‘ङ ङइ अपतेङ् एङ्‌यीमाकी अप ओसेम् ङइ पर्‌मेस्‍वर्‌तेङ् एङ्‌यीमाकी पर्‌मेस्‍वर्‌ज ङ्‍यीटीब।’”

युहन्‍ना 3:13

स्‍वर्‌ग ग्‍यम्‍से दुङ्‌री युबे म्‍हीइ ज बीम ल्‍हो-ल्‍हो खलएनो स्‍वर्‌गरी ङ्‌यीबल अरे।

युहन्‍ना 6:33

पर्‌मेस्‍वर्‌चे न्‍हङ्‌बे ग्‍येङ्‍मी थेनो य्‍हीन्‍ब, थे स्‍वर्‌ग ग्‍यम्‍से युज्‍यीम् जम्‍बुलीङ्‍त जीवन् पीन्‍ब।”

युहन्‍ना 6:38

तलेपङ्‍सम् ङ ङचे म्‍हेन्‍बल टोप् लबरी अय्‍हीन् तर ङत पीत्‍युजेत्‍पलइ थुः टोप् लबरी स्‍वर्‌ग ग्‍यम्‍से युबल य्‍हीन्‍ब।

युहन्‍ना 6:41

हुजु लीप्‍चे यहुदी अगुवामाचे थेङ्‌की बारेरी गन्‍गन् लब तीप्‍ज्‍यी, तलेपङ्‍सम् थेङ्‌चे, “ङ स्‍वर्‌ग ग्‍यम्‍से युबे ग्‍येङ् य्‍हीन्‍ब” बी सुङ्‌बल मुबल।

युहन्‍ना 6:51

स्‍वर्‌ग ग्‍यम्‍से युबे जीवन पीन्‍बे ग्‍येङ् ङनो य्‍हीन्‍ब। खल्‍चे चु ग्‍येङ् चज्‍यी हुजु खेम पङ्‌लेनो सोस्‍ये मुब। ङचे पीन्‍स्‍येकी ग्‍येङ् ङइ ल्‍ही य्‍हीन्‍ब। ङइ ल्‍ही जम्‍बुलीङ्‌की म्‍हीमाचे जीवन् यङ्‍खइ पङ्‍ज्‍यीम् पीन्‍स्‍ये मुब।”

युहन्‍ना 6:58

चु ग्‍येङ् स्‍वर्‌ग ग्‍यम्‍से युबल य्‍हीन्‍ब, चु ग्‍येङ् एङ्‌यीमाकी म्‍हेमेमाचे चबल र्‌हङ्‌ब अय्‍हीन्, थेङ्‍यीमाचे हुजु ग्‍येङ् चज्‍यीमएनो स्‍यीज्‍यी, तर चु ग्‍येङ् चबलमा खेम पङ्‌लेनो सोस्‍ये मुब।”

युहन्‍ना 6:62

होलेपङ्‌सम् एङ्‍यीमाचे म्‍हीइ जत ङोन्‍ग्‍यम् थे टीबे स्‍वर्‌गरी दोःबल म्रङ्‌ज्‍यी पङ्‌सम् ता लब?

युहन्‍ना 8:14

येसुचे थेङ्‌यीमात जोहाप् न्‍हङ्‌ज्‍यी, “ङइ बारेरी ङ र्‌हङ्‍चेनो पङ्‌लेनो ङइ तम् देमेन्‍नो य्‍हीन्‍ब, तलेपङ्‍सम् ङ खनचे खबल ओसेम् खन ङ्‍यीटीब बी ङत था मुब। तर एङ्‌यीमातमी हुजु तम् था अरे।

हीब्रु 2:7

“थेङ्‍चे थेत तोव बेलोइ लागीरीकीनो स्‍वर्‌गदुत्‍मा बीम चेक्‍पजकी ज्‍यीद तनलजेत्‍ज्‍यी। थेङ्‍चे थेत महीमातेङ् स्‍य्‍हेसइ क्रेःकी कुःपीन्‍जेत्‍ज्‍यी।

हीब्रु 2:9

तर य्‍हम्‍की लागीरी स्‍वर्‌गदुत्‍मा बीम ज्‍यीद तन लजेत्‍बे येसुत ङ्‍य्‍हङ्‍माचे म्रङब। ओसेम् पर्‌मेस्‍वर्‌की अनुग्रहचे लज्‍यीम् थेङ् जम्‍म म्‍हीमाकी लागीरी स्‍यीपीन्‍जेत्‍ज्‍यी। हुजु स्‍यीबे दुख नापीन्‍जेत्‍पल तज्‍यीम् पर्‌मेस्‍वर्‌चे थेङ्‌त महीमातेङ् स्‍य्‍हेसइ क्रेकी कुःपीन्‍जेत्‍ज्‍यी।