एफीसी 2:8 - पश्‍चिम तामाङ

⁸ तलेपङ्‍सम् पर्‌मेस्‍वर्‌की अनुग्रहचे लज्‍यीम्‍नो बीस्‍वास् ग्‍यम्‍से एङ्‍यीमाचे थर्‌ब यङ्‌बल य्‍हीन्‍ब, ओसेम् चु एङ्‌यीमाकी लक्‍मा ग्‍यम्‍से अय्‍हीन्, तर पर्‌मेस्‍वर्‌की बर्‌दान् य्‍हीन्‍ब।

एफीसी 2:8 Iomraidhean Croise

मत्‍ती 16:17

येसुचे थेत सुङ्‌ज्‍यी, “ओ योनाइ ज सीमोन, ए मोलम् यङ्‌बे म्‍ही य्‍हीन्‍ब! तलेपङ्‍सम् चु तम् एचे म्‍हीमा ग्‍यम्‍से यङ्‌बल अय्‍हीन्, तर ङइ स्‍वर्‌गइ अपचेनो एत स्‍येन लजेत्‍पल य्‍हीन्‍ब।

मत्‍ती 20:9

ओसेम् नाइकेचे पाच बजेक्‍योर् लक् सुरु स्‍य्‍हेङ्‌बलमात ङोन्‍ग्‍यम् ङ्‌होत्‍ज्‍यीम् दीन्गीकी म्‍हेल म्‍हुइकी डबल् काकर् पीन्‍ज्‍यी।

मर्‌कुस् 16:16

बीस्‍वास् स्‍य्‍हेङ्‌ज्‍यीम् बप्‍तीस्‍मा कीन्‍बलमा थर्‌स्‍ये मुब। तर बीस्‍वास् अस्‍य्‍हेङ्‌बलमाचे न्‍यायकी दीन्‍री सजाय यङ्‍स्‍ये मुब।

लुका 7:50

ओसेम् येसुचे अमकोलत सुङ्‌ज्‍यी, “एइ बीस्‍वासचे एत थर्‌न लबल मुब, सान्‍तीले य्‍हरो।”

युहन्‍ना 3:36

ओसेम् खल्‍चे पर्‌मेस्‍वर्‌की जत बीस्‍वास् लब थेतेङ् खेमेएनो अबेबे जीवन मुब। खल्‍चे जचे कुल्‍बे अर्‌ती अङ्‍येन्, थेचे खेमेएनो अबेबे जीवन् खेमेएनो यङ्‍स्‍ये अरे, तर पर्‌मेस्‍वर्‌की बोमो थेइ जोरी तस्‍यीनो टीस्‍ये मुब।

युहन्‍ना 4:10

येसुचे अमकोलत जोहाप् न्‍हङ्‌ज्‍यी, “एचे पर्‌मेस्‍वर्‌की बरदान्‍तेङ् एत यी र्‌हीत्‍पे म्‍हीत स्‍येबल य्‍हीन्‍सम् एचेक थेत र्‌हीत्‍स्‍ये मुबल, ओसेम् थेचे एत सोम्‍बो यी पीन्‍स्‍ये मुबल।”

युहन्‍ना 5:24

“देमेन्‍नो ङ एङ्‌यीमात पङ्‌ब, खल्‍चे ङइ तम् ङ्‌येन्‍ज्‍यीम् ङत पीत्‍युजेत्‍पलत बीस्‍वास् स्‍य्‍हेङ्‌ब, थेतेङ् खेमेएनो अबेबे जीवन तब। ओसेम् थे न्‍यायरी दोःस्‍ये अरे, तर स्‍यीब ग्‍यम्‍से जीवन्‍री वङ्‌ज्‍यीन्‍बल तब।

युहन्‍ना 6:35

हुजु लीप्‍चे येसुचे थेङ्‌यीमात सुङ्‌ज्‍यी, “जीवन पीन्‍बे ग्‍येङ् ङनो य्‍हीन्‍ब। ङइज खबल ख्रेन्‍स्‍ये अरे ओसेम् ङत बीस्‍वास् स्‍य्‍हेङ्‌बल खेमेएनो फीःस्‍ये अरे।

युहन्‍ना 6:37

अपचे ङत न्‍हङ्‍जेत्‍पलमा जम्‍मनो ङइज खस्‍ये मुब, ओसेम् ङइज खबलमात ङचे खेमेएनो ख्‍लास्‍ये अरे।

युहन्‍ना 6:40

तलेपङ्‍सम् ङइ अपइ थुः चुनो य्‍हीन्‍ब, थेङ्‌की जत च्‍याबलतेङ् बीस्‍वास् स्‍य्‍हेङ्‌बलमा जम्‍मचेनो खेमेएनो अबेबे जीवन् यङ्‍खइ, ओसेम् ज्‍युःकी दीन्‍री ङचे थेङ्‌यीमात सोन लस्‍ये मुब।”

युहन्‍ना 6:44

ङत पीत्‍युजेत्‍पे अपचे ङइज खबे सेम् अन्‍हङ्‍सम् खलएनो ङइज खअखम्, ओसेम् ङइज खबलमात ङचे ज्‍युःकी दीन्‍री सोन लस्‍ये मुब।

युहन्‍ना 6:65

ओसेम् देबेएनो येसुचे सुङ्‌ज्‍यी, “होत्‍तज्‍यीम् ङचे एङ्‌यीमात पङ्‌बल य्‍हीन्‍ब, ङइ अपचे ङइज खबे सेम् अन्‍हङ्‌गदे खलएनो ङइज खब अखम्।”

प्रेरीत् 13:39

येसुत बीस्‍वास् स्‍य्‍हेङ्‌बे एङ्‍यीमा जम्‍मनो पापमा ग्‍यम्‍से थर्‌ज्‍यीम् धर्‌मी म्‍हीमा तबल मुब। मोसाचे ब्रीबे पर्‌मेस्‍वर्‌की नीयम् ग्‍यम्‍से एङ्‍यीमा धर्‌मी म्‍हीमा तअखम्।

प्रेरीत् 14:27

एन्‍टीओखीयारी दोखब बीसेम् पावलतेङ् बारनाबासचे मन्‍डलीकी म्‍हीमा जम्‍मत र्‌हुब्‍ले ङ्‌होत्‍ज्‍यी। ओसेम् पर्‌मेस्‍वर्‌चे थेङ्‍य्‍ही ग्‍यम्‍से स्‍य्‍हेङ्‍जेत्‍पे लक्‍मातेङ् थेङ्‌चेनो यहुदी अय्‍हीन्‍बे म्‍हीमाचेएनो बीस्‍वास् स्‍य्‍हेङ्‌बे ग्‍यम् ङोन्‍पीन्‍जेत्‍ज्‍यी बी थेङ्‌यीमात स्‍येत्‍ज्‍यी।

प्रेरीत् 15:11

होले स्‍य्‍हेङ्‌ब अत, थेङ्‍यीमाएनो ङ्‍य्‍हङ्‍माचे र्‌हङ्‌लेनो बीस्‍वास् स्‍य्‍हेङ्‌ज्‍यीम् प्रभु येसुइ अनुग्रह यङ्‌ज्‍यीम् थर्‌बलमा य्‍हीन्‍ब।”

प्रेरीत् 16:14

हुजुरी ङ्‌यीमाइ तम् ङ्‍येन्‍बलमा न्‍हङ्‌री थीआटीरा सहरकी लीडीया पङ्‍बे अमकोल गीः मुबल। थेचे खवल ख पीङ् येन् छोङ् स्‍य्‍हेङ्‌ब मुबल। ओसेम् लीडीयाचे पर्‌मेस्‍वर्‌त तेन्‍ब मुबल। पावलचे पङ्‍बे तम् ज्‍यनले ङ्‌येन्‍ज्‍यीम् गोखइ बी प्रभुचे थेइ सेम् ठोङ्‍पीन्‍जेत्‍ज्‍यी।

प्रेरीत् 16:31

ओसेम् थेङ्‍यीमाचे, “प्रभु येसुत बीस्‍वास् स्‍य्‍हेङ्‌ज्‍यी पङ्‌सम् थेङ्‍तेङ् थेङ्‌की म्‍हेम्‍यमाचे मुक्‍ती यङ्‍स्‍ये मुब” बी पङ्‍ज्‍यी।

रोमी 10:14

तर थेङ्‍त बीस्‍वास्‍नो अस्‍य्‍हेङ्‌बे म्‍हीमाचे खले थेङ्‍की छेन् कीन्‍ब? थेङ्‍की बारेरी थ्‍येनो अथेबे म्‍हीमाचे खले थेङ्‍री बीस्‍वास् स्‍य्‍हेङ्‍ब? खल्‍चेएनो अस्‍येत्‍सम् थेङ्‌की बारेरी खले थेङ्‌यीमाचे थ्‍येःब?

रोमी 10:17

होत्‍तज्‍यीम् बीस्‍वास् थ्‍येःब ग्‍यम्‍से खब, ओसेम् थ्‍येःबमी ख्रीस्‍ट्‍की बारेइ प्रचार् ग्‍यम्‍से खब।

रोमी 4:16

होत्‍तज्‍यीम् चु बाचा बीस्‍वास् ग्‍यम्‍से यङ्‍ब। चु पर्‌मेस्‍वर्‌चे ओलेन्‍नो न्‍हङ्‌बे बर्‌दान् य्‍हीन्‍ब। ओसेम् ङ्‍य्‍हङ्‍मातेङ् अब्रहाम्‍ल र्‌हङ्‍बे बीस्‍वास् मुज्‍यी पङ्‌सम् ङ्‍य्‍हङ्‍माचे मोसाचे ब्रीबे नीयम् ङ्‍येन्‍लएनो वुइ अङ्‍येन्‍लएनो चु बाचा ङ्‍य्‍हङ्‍मा जम्‍मचे पक्‍कनो यङ्‍ब। तलेपङ्‍सम् अब्राहाम बीस्‍वास् स्‍य्‍हेङ्‌बलमा जम्‍मइ लागीरी आत्‍मीक् अप य्‍हीन्‍ब।

रोमी 4:5

खल्‍चे पङ्‌लेनो र्‌हङ्‍की लक्‍मा ग्‍यम्‍से धर्‌मी तब म्‍हइब अय्‍हीन्, तर अधर्‌मीतएनो धर्‌मी तनलजेत्‍पे पर्‌मेस्‍वर्‌री बीस्‍वास् स्‍य्‍हेङ्‍सम् थेत पर्‌मेस्‍वर्‌चे थेङ्‍की ङोन्‍री धर्‌मी ङोन्‍जेत्‍स्‍ये मुब। चोले पर्‌मेस्‍वर्‌चे म्‍हीमात बीस्‍वास् ग्‍यम्‍से धर्‌मी ठार्‌तीन लजेत्‍प।

रोमी 9:16

होत्‍तज्‍यीम् पर्‌मेस्‍वर्‌की कृपा म्‍हीचे म्‍हेन्‍ब वुइ लक् स्‍य्‍हेङ्‍ब अनुसार अय्‍हङ्, तर पर्‌मेस्‍वर्‌चे र्‌हङ्‍की क्रीपा खल्‍त ङोन्‍बे थुःलजेत्‍प हुजुचेनो यङ्‍ब।

गलाती 3:14

थेङ्‍चे ङ्‍य्‍हङ्‍मात फेपीन्‍जेत्‍ज्‍यी, होत्‍तज्‍यीम् येसु ख्रीस्‍ट् ग्‍यम्‍से अब्राहामकी मोलम् यहुदी अय्‍हीन्‍बे म्‍हीमाचे यङ्‍खइ, ओसेम् पर्‌मेस्‍वर्‌चे बाचा स्‍य्‍हेङ्‍जेत्‍पे पबीत्र आत्‍मा बीस्‍वास् ग्‍यम्‍से ङ्‍य्‍हङ्‍माचे यङ्‍खइ।

गलाती 3:22

तर धर्‌म छ्‍येःचे पङ्‍ब, जम्‍मनो जम्‍बुलीङ् पापकी सक्‍तीइ दुङ्‌री मुब। होत्‍तज्‍यीम् येसु ख्रीस्‍ट्‍री बीस्‍वास् स्‍य्‍हेङ्‍बलमात पर्‌मेस्‍वर्‌चे न्‍हङ्‍ब बी बाचा स्‍य्‍हेङ्‍जेत्‍पे मोलम् बीस्‍वास् स्‍य्‍हेङ्‍बलमाचेकीनो यङ्‌बल मुब।

एफीसी 1:19

ओसेम् ङ्‌य्‍हङ् ख्रीस्‍ट्‍त बीस्‍वास् स्‍य्‍हेङ्‍बलमाकी लागीरी पर्‌मेस्‍वर्‌की सक्‍ती गदे ङ्‍हच्‍छ्‌यङ् मुब पङ्‍बे तम् एङ्‍यीमाचे गोब खम्‍खइ बी प्रार्‌थना स्‍य्‍हेङ्‍ब। हुजु सक्‍ती ग्‍यम्‍से पर्‌मेस्‍वर्‌चे ख्रीस्‍ट्‍त स्‍यीब ग्‍यम्‍से सोनलजेत्‍ज्‍यी, ओसेम् स्‍वर्‌गरी र्‌हङ्‍की केत् फ्‍या पट्‍टीचे टीबुङ्‍जेत्‍ज्‍यी।

एफीसी 2:10

तलेपङ्‍सम् ङ्‍य्‍हङ्‍माचे ज्‍यबे लक्‍मा स्‍य्‍हेङ्‌बे लागीरी पर्‌मेस्‍वर्‌चे ङ्‍य्‍हङ्‍मात येसु ख्रीस्‍ट्‍री छार् म्‍ही स्‍य्‍हेङ्‍जेत्‍ज्‍यी। ङ्‍य्‍हङ्‍माचे हुजु अनुसार् ब्रखइ पङ्‍ज्‍यीम् पर्‌मेस्‍वर्‌चे ङोन्‍ग्‍यम्‍नो हुजु ज्‍यबे लक्‍मा टोप् लजेत्‍पल मुबल।

एफीसी 2:5

ङ्‍य्‍हङ्‍मा पाप्‍चे लज्‍यीम् आत्‍मीक् जीवन्‍री स्‍यीबल तलेएनो थेङ्‍चे ङ्‍य्‍हङ्‍मात ख्रीस्‍ट्‍तेङ् बक्‍च्‍य सोनलजेत्‍ज्‍यी। पर्‌मेस्‍वर्‌की अनुग्रहचेनो एङ्‍यीमा थर्‌बल य्‍हीन्‍ब।

फीलीप्‍पी 1:29

एङ्‌यीमाचे ख्रीस्‍ट्‍री बीस्‍वास् स्‍य्‍हेङ्‍बकीनो अय्‍हीन्, तर थेङ्‌की लागीरी दु:ख नाज्‍यीम् थेङ्‌की स्‍य्‍हप्‍तो स्‍य्‍हेङ्‌बरी पर्‌मेस्‍वर्‌चे अनुग्रहएनो न्‍हङ्‌जेत्‍पल मुब।

कलस्‍सी 2:12

तलेपङ्‍सम् बप्‍तीस्‍मा कीन्‍बे बेलोरी एङ्‌यीमा ख्रीस्‍ट्‍तेङ् बक्‍च्‍य बुप्‍ज्‍यी ओसेम् एङ्‍यीमाचे ख्रीस्‍ट्‍त स्‍यीब ग्‍यम्‍से सोनलजेत्‍पे पर्‌मेस्‍वर्‌की सक्‍तीरी बीस्‍वास् स्‍य्‍हेङ्‍बल तज्‍यीम् एङ्‍यीमा ख्रीस्‍ट्‍तेङ् बक्‍च्‍य सोज्‍यीन्‍बल मुब।

२ थेस्‍लोनीकी 1:9

थेङ्‍यीमाचे प्रभुइ सक्‍तीसाली य्‍हल्‍तेङ् सङ्‍गती ग्‍यम्‍से फेःज्‍यीम् जुक्‍नो नास् तबे सजाय नास्‍ये मुब।

हीब्रु 6:4

तलेपङ्‍सम् तीख्‍यप् पर्‌मेस्‍वर्‌की य्‍हल् यङ्‌बलमा, स्‍वर्‌गइ बर्‌दान् यङ्‍बलमा, पबीत्र आत्‍मा यङ्‌बलमा,

१ पत्रुस 1:5

ओसेम् बीस्‍वास् ग्‍यम्‍से एङ्‌यीमात पर्‌मेस्‍वर्‌की सक्‍तीचे मुक्‍ती अयङ्‍गदे सम्‍म जोगइतीज्‍यीम् थेन्‍जेत्‍पल मुब। एङ्‌यीमाकी लागीरी टोप् लबे हुजु मुक्‍ती ज्‍युकी बेलोरी म्रङ्‍खस्‍ये मुब।