एफीसी 1:7 - पश्चिम तामाङ7 पर्मेस्वर्की ङ्हच्छ्यङ् अनुग्रह अनुसार ख्रीस्ट्की का ग्यम्से ङ्य्हङ्माचे स्वतन्त्र यङ्बल मुब, ओसेम् ङ्य्हङ्माचे पाप्की क्षम यङ्बल मुब। Faic an caibideil |
एफीसी 1:7
67 Iomraidhean Croise
तलेपङ्सम् पर्मेस्वर्चे येसु ख्रीस्ट्त ठाकी रुप्री पीत्युजेत्ज्यीम् थेङ्की काः ङ्य्हङ्माकी लागीरी य्हर्पुङ्जेत्ज्यी पङ्ज्यीम् बीस्वास् स्य्हेङ्बे म्हीमाकी पाप् म्हन लजेत्पल मुब। पर्मेस्वर्चे र्हङ्चे र्हङ्त धर्मी य्हीन्ब बी ङोन्जेत्परी चोले स्य्हेङ्जेत्ज्यी। तलेपङ्सम् पर्मेस्वर्चे ख्रीस्ट् ब्योन्युब बीम ङोन्ग्यम् बोमो नाजेत्ज्यीम् म्हीमात पाप्की सजाय न्हङ्अजेत्।
पर्मेस्वर्चे एङ्यीमात येसु ख्रीस्ट्तेङ् गीः तनलजेत्ज्यी। पर्मेस्वर्चेनो ख्रीस्ट्त ङ्य्हङ्की लागीरी बुद्दी स्य्हेङ्जेत्ज्यी। ओसेम् ख्रीस्ट्चे ङ्य्हङ्त पर्मेस्वर्की ङोन्री धार्मीक् स्य्हेङ्जेत्ज्यी, थेङ्चेनो ङ्य्हङ्त पर्मेस्वर्की पबीत्र म्ही स्य्हेङ्जेत्ज्यी, ओसेम् पाप ग्यम्से फेःपीन्जेत्ज्यी।
ओसेम् एङ्यीमाकी सेम्की मीःचे थेङ्की य्हल् म्रङ्ब खम्खइ, ओसेम् पर्मेस्वर्चे एङ्यीमात तइ आस् लजेत्ज्यीम् ङ्होत्जेत्ज्यी हुजु एङ्यीमाचे गोखइ, ओसेम् थेङ्चे र्हङ्की म्हीमात न्हङ्जेत्प बी बाचा लजेत्पे आत्मीक् मोलम्मा गत्ते य्हक्को ङ्हच्छ्यङ् मुब पङ्बे तम् एङ्यीमाचे स्येःखइ बी ङ प्रार्थना स्य्हेङ्ब।
पर्मेस्वर्चे चोले स्य्हेङ्जेत्ज्यी, तलेपङ्सम् एङ्यी यहुदी अय्हीन्बे म्हीमाचेएनो थेङ्की छुम्ज्यीम् थेन्बे महीमीत तम् गोब खम्खइ पङ्बे थुः लजेत्ज्यी। ओसेम् ख्रीस्ट् एङ्यीमातेङ् स्य्हुजेत्प पङ्बे तम्नो छुम्ज्यीम् थेन्बे तम् य्हीन्ब। चु पङ्बलमी एङ्यीमाचे पर्मेस्वर्की महीमा यङस्ये मुब पङ्बल य्हीन्ब।
थेङ्यीमाचे चोले छार् व्हइ गीः कोटीब मुबल- “थेङ् चु गुइज्यीम् थेन्बे डीइ छ्येः कीन्जेत्परी ओसेम् हुजुरी ठोक्पे छाप्मा ठोङ्बरी जेःबल मुब, तलेपङ्सम् थेङ्त सेत्ज्यी ओसेम् थेङ्चे र्हङ्की काचे जम्म खलक्, ग्योत्, य्हुल् ओसेम् जाती ग्यम्से पर्मेस्वर्की लागीरी म्हीमात ग्लुजेत्ज्यी।
Sanasan