12 तुखीकस्त ङचे एफीसस् सहर्री पीत्पल मुब।
थेङ्यीमा एफीसस सहर्री दोःब बीसेम् पावलचे प्रीस्कीलातेङ् अकीलासत हुजुरीनो ख्लेथेन्ज्यी। ओसेम् थेम् यहुदीमा र्हुब तबे दीम्री ङ्यीज्यीम् यहुदीमातेङ् तम् ज्योप्ज्यी।
यहुदीमा ग्यम्से फेःज्यीम् य्हर्बे बेलोरी पावलचे थेङ्यीमात, “पर्मेस्वर्की थुः मुसम् ङ एङ्यीमाज दोःज्यीम् खल” बी पङ्ज्यीम् थे एफीसस ग्यम्से दोङ्गरी क्रेत्ज्यीम् य्हर्ज्यी।
अप्पोल्लोस कोरीन्थ सहर्री मुबे बेलोरी पावल एसीया प्रदेस्की गुङ्से तज्यीम् एफीसस सहर्री दोखज्यी। हुजुरी पावलचे डेत्-डेत् डबमातेङ् खदु लज्यी।
ओसेम् ङचे एङ्यीमाकी गुङ्री पर्मेस्वर्की य्हुल्की बारेरी प्रचार् स्य्हेङ्ज्यीम् ब्रज्यी, देरेम् एङ्यीमाचे ङत खेमेएनो म्रङ्स्ये अरे पङ्बे तम् ङत था मुब।
ओसेम् पावलतेङ् बक्च्य बेरीया सहर्री टीबे पुरसकी ज सोपात्रोस, थेसलोनीके सहर्री टीबे अरीस्तार्खसतेङ् सीकन्दस, डर्बी सहर्री टीबे गायसतेङ् तीमोथी ओसेम् एसीया प्रदेस्चे खबे तुखीकसतेङ् त्रोफीमस् ङ्यीबल मुबल।
ङ्य्हङ्माकी म्होइबे ओसेम् प्रभुइ लक् स्य्हेङ्बे बीस्वासीलो अले तुखीकस्चे एङ्यीमात ङ खतेब मुब ओसेम् ता स्य्हेङ्टीब पङ्बे जम्मनो तम्मा स्येत्स्ये मुब।
एङ्यीमाचे ङ्यीमा खतेब मुब पङ्बे तम् स्येःखइ ओसेम् एङ्यीमाकी सेम्री आर् यङ्खइ पङ्ज्यीम् ङचे थेत एङ्यीमाज पीत्खटीब।
ङ्य्हङ्की म्होइबे अले तुखीकसचे एङ्यीमात ङइ बारेरी जम्मनो तम्मा स्येत्स्ये मुब। थे ङ्यीमातेङ् बक्च्य प्रभुइ लक् स्य्हेङ्बे बीस्वासीलो अले य्हीन्ब।
ङ माकेडोनीयारी ङ्यीबे बेलोरी ङचे एत पङ्ब र्हङ्लेनो ए एफीसस्रीनो टीउ। ओसेम् हुजुरी भ्युकी तम्मा लोप्पे म्हीमात होले थलोपो बी कुलो।
अर्तीमसतेङ् तुखीकस् ङ्य्हीरी खल पङ्लेनो गीःत ङचे एज पीत्खब साच्चेनो ए ङत खतु लबरी खले लज्यीम् पङ्लेनो नीकोपोलीस लीङ्स्री खोउ। तलेपङ्सम् चु सेर्क ल ङचे हुजुरीनो टीबे सेम् लबल मुब।
