२ तीमोथी 3:2 - पश्चिम तामाङ2 तलेपङ्सम् हुजु बेलोइ म्हीमा र्हङ्तकीनो म्होइबल, टङइ लोभ स्य्हेङ्बल, ओसेम् र्हङ्चे र्हङ्त ङ्हच्छ्यङ् म्हेन्बल, अभीमानी, र्होकी नीन्द स्य्हेङ्बल, र्हङ्की अप-अमइ अर्ती अङ्येन्बल, र्हङ्त र्हो लपीन्बे म्हीत व्हल् अलबल ओसेम् अपबीत्र तस्ये मुब। Faic an caibideil |
२ तीमोथी 3:2
43 Iomraidhean Croise
“होले अयीन् एङ्यीमाचेमी सत्तुर्मात म्होइको, थेमात ज्यब स्य्हेङो। ओसेम् क्ष्या ताबमात दोःज्यीम् र्हीत्पे आस् अथेन्नले क्ष्या पीनो। होले स्य्हेङ्ज्यी पङ्सम् एङ्यीमाचे ङ्हच्छ्यङ् बक्सीस् यङ्स्ये मुब। ओसेम् एङ्यीमा जम्मन्हङ्री ङ्हच्छ्यङ् पर्मेस्वर्की ज-जमे तस्ये मुब। तलेपङ्सम् पर्मेस्वर्चे गुन् अरेबे म्हीत ओसेम् अज्यबे लक् स्य्हेङ्बे म्हीतएनो दय स्य्हेङ्जेत्प।
तोव बेलो ङोन्ग्यम्एनो थुदास पङ्बे म्ही गीःचे र्हङ्चे र्हङ्तनो ङ्हच्छ्यङ् म्ही य्हीन्ब पङ्बल मुबल। ओसेम् थेइ लीप्चे ब्रबे म्हीमा चार् सय गदे तबल मुबल। तर थेत ल्हो-ल्हो डेत्चे सेत्लाज्यी, ओसेम् थेइ तम् ङ्येन्ज्यीम् ब्रबलमा जम्मनो छर्छुर् तज्यीम् थेइ मीन्नो म्हय्हर्ज्यी।
होलेनो ब्योन् अमकोलमातेङ् छमे अमकोलमा मन्डलीइ एल्डर्माकी तम् ङ्येन्ज्यीम् ब्रथोब। ओसेम् एङ्यीमा जम्मचेनो नम्र तज्यीम् गीःचे गीःकी स्य्हप्तो स्य्हेङ्थोब। तलेपङ्सम् धर्म छ्येःचे चोले पङ्ब, “पर्मेस्वर्चे घमन्डी म्हीमाकी बीरोद् स्य्हेङ्जेत्प, तर नम्र म्हीमात अनुग्रह स्य्हेङ्जेत्प।”
खास् लज्यीम् थेङ्चे अज्यबे सेम् थोःज्यीम् नेइबे ब्यबहार् स्य्हेङ्बलतेङ् पर्मेस्वर्की अधीकार्त हेल स्य्हेङ्बलमात न्यायकी दीन्सम्म थेन्जेत्स्ये मुब। चोतेबे म्हीमाकी सेम् युङ्ब र्हङ्ले कोङ्बल तब ओसेम् र्हङ्चे र्हङ्त ङ्हच्छ्यङ् म्हेन्ब, ओसेम् थेङ्यीमा स्वर्गरी मुबलमाकी नीन्द स्य्हेङ्बरी अलोङ्।
तर चु म्हीमा र्हङ्चेनो अगोबे तम्माकी नीन्द स्य्हेङ्ब। थेङ्यीमा बुद्दी अरेबे सेम्ज्येन्मा र्हङ्ब मुब, ओसेम् र्हङ्की सेम्चे म्हेन्बलकीनो स्य्हेङ्ब। थेङ्यीमा चुङ्ज्यीम् सेत्थोःबे र्हीइ सेम्ज्येन्मा र्हङ्ब मुब, ओसेम् थेङ्यीमाएनो र्हीइ सेम्ज्येन्मा र्हङ्ले नास् स्य्हेङ्बल तस्ये मुब।
Sanasan