२ तीमोथी 3:17 - पश्‍चिम तामाङ

¹⁷ पर्‌मेस्‍वर्‌की म्‍हीमाचे जम्‍मनो ज्‍यबे लक्‍मा स्‍य्‍हेङ्‌ब खम्‍खइ पङ्‍ज्‍यीम् धर्‌म छ्‍येः पीन्‍बल य्‍हीन्‍ब।

२ तीमोथी 3:17 Iomraidhean Croise

प्रेरीत् 9:36

ओसेम् योप्‍पा पङ्‍बे सहर्‌री तबीता पङ्‍बे डब अमकोल गीः मुबल। थेत ग्रीक् ग्‍योत्‍री डोरकास पङ्‍ब मुबल। (डोरकास पङ्‍बलम् तेङ्‍की य्‍हीन्‍ब।) थेचे खेम पङ्‍लेएनो प्रङ्‌नमात र्‌हो लज्‍यीम् ज्‍यबे लक् स्‍य्‍हेङ्‌ब मुबल।

२ कोरीन्‍थी 9:8

पर्‌मेस्‍वर्‌चे एङ्‍यीमात जम्‍मनो स्‍य्‍हेमा य्‍हक्‍को तबसम्‍म न्‍हङ्‍जेत्‍प खम्‍ब, होत्‍तज्‍यीम् एङ्‍यीमात खेम पङ्‌लेनो जम्‍मनो स्‍हेःमा योस्‍ये मुब, ओसेम् ल्‍होल्‍होमाकी लागीरीएनो ज्‍यबे लक्‍मा य्‍हक्‍को स्‍य्‍हेङ्‌ब खम्‍स्‍ये मुब।

एफीसी 2:10

तलेपङ्‍सम् ङ्‍य्‍हङ्‍माचे ज्‍यबे लक्‍मा स्‍य्‍हेङ्‌बे लागीरी पर्‌मेस्‍वर्‌चे ङ्‍य्‍हङ्‍मात येसु ख्रीस्‍ट्‍री छार् म्‍ही स्‍य्‍हेङ्‍जेत्‍ज्‍यी। ङ्‍य्‍हङ्‍माचे हुजु अनुसार् ब्रखइ पङ्‍ज्‍यीम् पर्‌मेस्‍वर्‌चे ङोन्‍ग्‍यम्‍नो हुजु ज्‍यबे लक्‍मा टोप् लजेत्‍पल मुबल।

१ तीमोथी 6:11

तर ए पर्‌मेस्‍वर्‌त सेम्‍री ङ्‌यीबे लक् स्‍य्‍हेङ्‌बे म्‍ही अज्‍यबे लक्‍मा ग्‍यम्‍चे फेज्‍यीम् टीउ। ओसेम् पर्‌मेस्‍वर्‌की ङोन्‍री ज्‍यबे लक्, सेम्‍री ङ्‌यीबे लक्, बीस्‍वासी तबे लक्, ल्‍हो-ल्‍होत म्‍होइबे लक् ओसेम् आर् यङ्‌बे लक्‍तेङ् र्‌होतेङ् थुन्‍बे लक् स्‍य्‍हेङ्‌बरी सेम् पीनो।

२ तीमोथी 2:21

खल पङ्‍लेएनो जम्‍मनो अज्‍यबे लक्‍मा ग्‍यम्‍से फेज्‍यीम् टीज्‍यी पङ्‌सम् थे ङ्‍हच्‍छ्‍यङ् स्‍हेस यङ्‌बे लक्‍री कोल्‍बे तङ्‍लो र्‌हङ्‍ब तस्‍ये मुब। तलेपङ्‌सम् थेचे र्‌हङ्‍त अज्‍यबे लक्‍मा ग्‍यम्‍से चोखो थेन्‍बल तज्‍यीम् खजु ज्‍यबे लक्‍री पङ्‌लेनो मालीक्‍चे कोल्‍ब तब।

तीतस 1:16

होलेतलेनो थेङ्‍यीमाचे पर्‌मेस्‍वर्‌त स्‍येःब पङ्‍ब, तर थेङ्‍यीमाकी लक् ग्‍यम्‍चेम् पर्‌मेस्‍वर्‌त इन्‍कार् स्‍य्‍हेङ्‌ब। थेङ्‍यीमाम् नइबतेङ् कुल्‍बे तम् अङ्‍येन्‍बलमा तब, ओसेम् तएनो ज्‍यबे लक् स्‍य्‍हेङ्‌बरी अजेःबल तब।

तीतस 2:14

येसु ख्रीस्‍ट्‍चे ङ्‌य्‍हङ्‌मात जम्‍मनो थोइ पाप ग्‍यम्‍से फेःपीन्‍जेत्‍परी र्‌हङ्‌की बुः न्‍हङ्‍न्‍जेत्‍ज्‍यी। थेङ्‌चे ङ्‌य्‍हङ्‌मात चोखो स्‍य्‍हेङ्‍जेत्‍परी र्‌हङ्‌की म्‍ही स्‍य्‍हेङ्‍जेत्‍ज्‍यी, ओसेम् ङ्‌य्‍हङ्‍मात ज्‍यबे लक् स्‍य्‍हेङ्‌बरी आर् पीन्‍बे लागीरी चोले स्‍य्‍हेङ्‍जेत्‍ज्‍यी।

तीतस 3:1

सरकारतेङ् सरकारी म्‍हीमाइ अधीन्‍री टीज्‍यीम् थेङ्‍यीमाचे कुल्‍बल ङ्‌येन्‍थोब, ओसेम् जम्‍मनो ज्‍यबे लक् स्‍य्‍हेङ्‌बरी छ्‍येज्‍यीम् टीथोब पङ्‍बे तम् बीस्‍वासीमात व्‍हल् लपीनो।

हीब्रु 10:24

ङ्‍य्‍ङ्‍मा गीःचे गीःत म्‍होइबतेङ् ज्‍यबे लक् स्‍य्‍हेङ्‌बे लागीरी खले आर् पीन्‍ब पङ्‍बे तम् म्‍हेन्‍के।

हीब्रु 13:21

एङ्‍यीमात थेङ्‌की थुः टोप लब खमखइ पङ्‌ज्‍यीम् जम्‍मनो ज्‍यबे गुन्‍मा न्‍हङ्‍खइ। ओसेम् एङ्‍यीमाचे पर्‌मेस्‍वर्‌त सेम्‍री ङ्‌यीबे लक् स्‍य्‍हेङ्‍ब खम्‍खइ पङ्‍ज्‍यीम् येसु ख्रीस्‍ट्‌चे एङ्‌यीमाकी सेम्‍री लक् स्‍य्‍हेङ्‌जेत्‍खइ। येसु ख्रीस्‍ट्‌त महीमा खेम पङ्‌लेनो महीमा तटीखइ। आमेन्।