२ तीमोथी 3:12 - पश्चिम तामाङ12 येसु ख्रीस्ट्त बीस्वास् स्य्हेङ्ज्यीम् पर्मेस्वर्त सेम्री ङ्यीबे जीवन् सोबलमात म्हीमाचे दुख पीन्स्ये मुब। Faic an caibideil |
२ तीमोथी 3:12
32 Iomraidhean Croise
होत्तज्यीम् ङ एङ्यीमाज अगम्बक्तमातेङ् स्येःब खेबे म्हीमा ओसेम् धर्म लोप्पोन्मात पीत्खस्ये मुब। एङ्यीमाचे थेङ्यीमा न्हङ्री डेत्त सेत्स्ये मुब, ल्हो-ल्हो डेत्त क्रुस्री च्योलास्ये मुब, ल्हो-ल्हो डेत्त यहुदीमा र्हुब् तबे दीम्मारी कोर्रचे ग्यङ्स्ये मुब, ओसेम् एङ्यीमाचे डेत् डेत्तमी सहर् सहर्मा ग्यम्से ल्हब्ज्यीम् दुख पीन्स्ये मुब।
ङ्यीमाचे चु तम् ढुक्कले पङ्ब खम्ब, ओसेम् ङ्यीमाकी बीबेक्चेएनो गबाही पीन्ब, चु जम्बुलीङ्की म्हीमाकी ङोन्ग्यम्कीनो अय्हीन् तर एङ्यीमाकी ङोन्ग्यम्एनो ङ्यीमाचे पर्मेस्वर्चे ङोन्जेत्पे ज्यबतेङ् देमेन्की ग्यम्री ब्रबल मुब। चु देमेन्की सेम् ङ्यीमाचे पर्मेस्वर्की अनुग्रह ग्यम्से यङ्बल य्हीन्ब, म्हीइ बुद्दी ग्यम्से अय्हीन्।
ङ्य्हङ्की बीस्वासकी चु देमेन्की सम्तर् य्हक्को ङ्हच्छ्यङ् य्हीन्ब बी ङ्य्हङ्माचे स्वीकार स्य्हेङ्ब, थेङ् म्हीइ ल्हीरीनो म्रङ्युजेत्ज्यी, पबीत्र आत्माचे थेङ्त धर्मी ङोन्जेत्ज्यी, थेङ्त स्वर्गदुत्माचे म्रङ्जेत्ज्यी, जाती जातीमाकी गुङ्री थेङ्की प्रचार तज्यी, जम्बुलीङ्री थेङ्त बीस्वास् स्य्हेङ्ज्यी, थेङ्त पर्मेस्वर्चे स्वर्गरी नोम्जेत्ज्यी।
ङ पावल पर्मेस्वर्की योक्पो ओसेम् येसु ख्रीस्ट्की प्रेरीत ग्यम्से चु चीठी ब्रीटीब। पर्मेस्वर्चे दम्जेत्पलमाचे पर्मेस्वर्त तङ्न लबे ब्यबहार् स्य्हेङ्खइ पङ्ज्यीम् थेङ्यीमाकी बीस्वास् कोङ्न लबरी ओसेम् थेङ्यीमात पर्मेस्वर्की देमेन्की बारेरी लोप्परी ङत थेङ्चे दम्जेत्पल य्हीन्ब।
चु अनुग्रहचे ङ्य्हङ्त पर्मेस्वर्त सेम्री अङ्यीबे लक्तेङ् जम्बुलीङ्की स्हेःत म्होइज्यीम् थेङ्त तङ्न अलबे लक् स्य्हेङ्ब पीत्प लोप्प। ओसेम् चु अनुग्रहचे जम्बुलीङ्री र्हङ्चे र्हङ्त दुल्ज्यीम् ठीक् न्याय स्य्हेङ्बतेङ् पर्मेस्वर्त सेम्री ङ्यीबे ब्यबहार् स्य्हेङ्ज्यीम् ब्रब लोप्प।
Sanasan