२ तीमोथी 1:7 - पश्‍चिम तामाङ

⁷ तलेपङ्‍सम् पर्‌मेस्‍वर्‌चे ङ्‍य्‍हङ्‍त लोङ्‍बे आत्‍मा अय्‍हीन् तर सक्‍तीतेङ् म्‍होइब ओसेम् र्‌हङ्‌चे र्‌हङ्‍त दुल्‍बे आत्‍मा न्‍हङ्‌जेत्‍पल मुब।

२ तीमोथी 1:7 Iomraidhean Croise

लुका 10:19

पुख्रीमातेङ् दीक्‍प ग्‍यल्‍बो च्‍येन्‍ज्‍यीम् ब्रबतेङ् सत्‍तुर्‌माकी जम्‍मा सक्‍तीमात डाबे अधीकार् एङ्‌यीमात पीन्‍बल मुब। ओसेम् ताचेएनो एङ्‌यीमात न्‍होङ्‌न लअखम्‍स्‍ये मुब।

लुका 15:17

“ओसेम् थेचे हुजु बेलोरी र्‌हङ्‌चे स्‍य्‍हेङ्‌टीबे लक्‍त गोज्‍यीम् र्‌हङ्‌चे र्‌हङ्‌तनो पङ्‌ज्‍यी, ‘ङइ अपइ नङ्‌बोमाचेमी फो म्रेन्‍बसम्‍म चज्‍यीमएनो ल्‍हाबसम्‍म तब। ङमी चुरी ख्रेन्‍ज्‍यीम् स्‍यीयम्‍टीब मुब।

लुका 24:49

ङइ अपचे पीन्‍ब पङ्‌ज्‍यीम् बाचा स्‍य्‍हेङ्‌बे पबीत्र आत्‍मा ङचे एङ्‌यीमात पीत्‍युस्‍ये मुब। तर स्‍वर्‌ग ग्‍यम्‍से सक्‍ती अयङ्‍गदे एङ्‌यीमा चु सहर्‌रीनो टीउ।”

लुका 8:35

ओसेम् हुजुरी ता तज्‍यी हुजु च्‍याबरी म्‍हीमा येसुज खज्‍यी। थेङ्‍यीमाचे हुजु म्‍ही ग्‍यम्‍चे म्‍हङ्‌मा डोङ्‍य्‍हर्‌ज्‍यीम्, थे येन् येन्‍ज्‍यीम्, सद्दे तज्‍यीम् येसुइ स्‍य्‍हब्‍की रेइ्‌री टीटीबल म्रङ्‌ज्‍यी, ओसेम् थेङ्‌यीमा जम्‍मनो लोङ्‌ज्‍यी।

युहन्‍ना 14:27

ङ एङ्‌यीमात सान्‍ती पीन्‍थेन्‍ब। ङ एङ्‌यीमात ङइ सान्‍ती पीन्‍ब, ओसेम् चु जम्‍बुलीङ्‌की सान्‍ती र्‌हङ्‍ब अय्‍हीन्। एङ्‌यीमाकी सेम् य्‍हक्‍को थछेरो, ओसेम् थलोङो।

प्रेरीत् 1:8

तर पबीत्र आत्‍मा एङ्‌यीमाइ जोरी ब्‍योन्‍युब बीसेम् एङ्‍यीमाचे सक्‍ती यङ्‍स्‍ये मुब। ओसेम् एङ्‍यीमाचे यरुसलेम य्‍हङ्‍स्‍ये यहुदीयातेङ् सामरीयाकी जम्‍मा ग्‍लामारी ओसेम् जम्‍बुलीङ्‌की कुन-कुन सम्‍मनो ङइ बारेरी स्‍येत्‍स्‍ये मुब।”

प्रेरीत् 10:38

ओसेम् पर्‌मेस्‍वर्‌चे नासरतकी येसुइ जोरी पबीत्र आत्‍मातेङ् सक्‍ती न्‍हङ्‍जेत्‍ज्‍यी। हुजु लीप्‍चे येसु खन बीबीनो स्‍येःज्‍यीम् ज्‍यबे लक्‍मातेङ् म्‍हङ्‍चे ननलबे म्‍हीमात फेन्‍न लजेत्‍ज्‍यी। तलेपङ्‍सम् पर्‌मेस्‍वर् थेङ्‍तेङ् बक्‍च्‍य मुबल।

प्रेरीत् 20:24

तर ङ ङइ जीवन ङइ लागीरी तइ सेइलएनो अम्‍हेन्। ङचे चोदेकीनो म्‍हेन्‍ब की ङत प्रभु येसुचे स्‍य्‍हेङो बी न्‍हङ्‌जेत्‍पे पर्‌मेस्‍वर्‌की अनुग्रहइ ज्‍यबे सम्‍तर् स्‍येत्‍पे लक् टोप् लब खम्‍खइ।

प्रेरीत् 21:13

तर पावलचे, “एङ्‍यीमा तले क्राज्‍यीम् ङइ सेम् टङ्‍नलब? तलेपङ्‍सम् जेल्‍री च्‍युप्‍परीकीनो अय्‍हीन्, तर ङ यरुसलेमरी प्रभु येसुइ लागीरी स्‍यीबरीएनो तयार मुब” बी पङ्‍ज्‍यी।

प्रेरीत् 26:11

ङचे य्‍हक्‍को खेप् थेङ्‌यीमात यहुदीमा र्‌हुब् तबे जम्‍मनो दीम्‍मारी बोरज्‍यीम् येसुत बीस्‍वास् अलखइ बी सजाय पीन्‍पुङ्‍ज्‍यी। ङ थेङ्‍यीमातेङ् य्‍हक्‍को बुमो रप्‍पल तज्‍यीम् ल्‍हो-ल्‍हो य्‍हुल्‍की सहर्‌मारीएनो ङ्‌यीज्‍यीम् ङचे थेङ्‌यीमात दुख पीन्‍ज्‍यी।

प्रेरीत् 26:25

तर पावलचे पङ्‍ज्‍यी, “माननीया फेस्‍तस्, ङ म्‍योबल अरे, ङचे देम्‍मेन्‍की तम्‍तेङ् तबे तम् पङ्‍टीब मुब।

प्रेरीत् 6:8

स्‍तीफनस्‍चेमी पर्‌मेस्‍वर् ग्‍यम्‍से य्‍हक्‍को अनुग्रहतेङ् सक्‍ती यङ्‌बल मुबल। थेचे म्‍हीमाइ गुङ्‍री ङ्‍हच्‍छ्‍यङ् तेङेन्‍की लक्‍मा स्‍य्‍हेङ्‌ज्‍यीम् चीनोमा ङोन्‍ब मुबल।

प्रेरीत् 9:22

तर साऊलचे झन् य्‍हक्‍को प्रचार स्‍य्‍हेङ्‌ब खम्‍बोर्‌ज्‍यी। ओसेम् थेचे दमस्‍कस्‍री मुबे यहुदीमात येसुनो मुक्‍ती न्‍हङ्‌बे ख्रीस्‍ट् य्‍हीन्‍ब बी दस्‍यी पीन्‍स्‍यीनो टीबल तज्‍यीम् थेङ्‍यीमाचे तेएनो पङ्‍ब अखम्।

रोमी 5:5

चु आसाचे ङ्‍य्‍हङ्‍मात नीरास् तन अल, तलेपङ्‍सम् पर्‌मेस्‍वर्‌चे ङ्‍य्‍हङ्‍मात पबीत्र आत्‍मा न्‍हङ्‌जेत्‍पल मुब, ओसेम् पबीत्र आत्‍माचे ङ्‍य्‍हङ्‍माकी सेम्‍री पर्‌मेस्‍वर्‌की म्‍होइबचे प्‍लीङ्‍नलजेत्‍पल मुब।

रोमी 8:15

तलेपङ्‍सम् ङ्‍य्‍हङ्‍मात देबेनो बाना स्‍य्‍हेङ्‌ज्‍यीम् लोङ्‍बरी थेन्‍बे आत्‍मा अय्‍हीन् तर ङ्‍य्‍हङ्‍मात पर्‌मेस्‍वर्‌की ज जमे तन लबे आत्‍मा ङ्‍य्‍हङ्‍माचे यङ्‌बल मुब, होत्‍तज्‍यीम् ङ्‍य्‍हङ्‍माचे पर्‌मेस्‍वर्‌त “अब्‍बा, अप” पङ्‍ज्‍यीम् ङ्‍होत्‍प।

१ कोरीन्‍थी 2:4

ङचे एङ्‍यीमात लोप्‍पतेङ् प्रचार् स्‍य्‍हेङ्‌बे बेलोरी म्‍हीमाइ बुद्‍दीतेङ् व्‍हम्‍बे तम्‍की छीःमा कोल्‍ज्‍यीम् अपङ्, तर पर्‌मेस्‍वर्‌की आत्‍माइ सक्‍तीचे ङोन्‍ब र्‌हङ्‌ले स्‍येत्‍ज्‍यी।

गलाती 5:22

तर पबीत्र आत्‍माचे स्‍य्‍हेङ्‌बे लक्‍मा चुमानो य्‍हीन्‍ब- थेचे ल्‍हो-ल्‍होत म्‍होइब, थे तङ्‍ब, थे सान्‍तीरी सोब, थेचे धैर्‌य लब, थेचे दय लब, थेचे ल्‍हो-ल्‍होत ज्‍यब स्‍य्‍हेङ्‌ब, थे बीस्‍वासीलो तब,

कलस्‍सी 1:8

थेचेनो पबीत्र आत्‍माचे एङ्‌यीमात न्‍हङ्‍जेत्‍पे म्‍होइबइ बारेरी ङ्‍यीमात स्‍येत्‍ज्‍यी।

हीब्रु 2:15

येसुचे चोले स्‍य्‍हेङ्‍जेत्‍ज्‍यीम् स्‍यीब पङ्‍ज्‍यीम् खेम पङ्‌लेनो लोङ्‌ज्‍यीम् हुजु लोङ्‍बइ बान र्‌हङ्‌ले टीबलमा जम्‍मत हुजु लोङ्‍ब ग्‍यम्‍से फेःपीन्‍जेत्‍ज्‍यी।

१ पत्रुस 1:22

देरेम् एङ्‍यीमाचे देमेन्‍की फ्रोइत ङ्‌येन्‍ज्‍यीम् र्‌हङ्‍की सेम् सुद्‍द स्‍य्‍हेङ्‍बल मुब, ओसेम् र्‌हङ्‍की बीस्‍वासी र्‌होमात देमेन्‍ले म्‍होइगो, एङ्‍यीमाचे गीःचे गीःत सेम्‍न्‍हङ् य्‍हङ्‌सेनो म्‍होइगो।

१ युहन्‍ना 4:18

म्‍होइबरी लोङ्‍ब अत, सीद्‍द म्‍होइबचे लोङ्‍बत ल्‍हब्‍लाब। लोङ्‍बचे सजाय तब बी ङोन्‍ब, लोङ्‍बे म्‍हीतेङ् सीद्‍द म्‍होइब अत।