२ पत्रुस 3:1 - पश्‍चिम तामाङ

¹ म्‍होइबे र्‌होमा, ङचे एङ्‍यीमात ब्रीबे चु चीठी ङ्‍य्‍हीख्‍यप् कुनोल य्‍हीन्‍ब। चु चीठी ङ्‍य्‍ही ग्‍यम्सेनो एङ्‍यीमात चु तम्‍मा ज्‍यनले व्‍हल्‍लपीन्‍ज्‍यीम् एङ्‌यीमाकी सेम्‍री चोखो तम्‍मा म्‍हेन्‍बरी आर् पीन्‍बल मुब।

२ पत्रुस 3:1 Iomraidhean Croise

मत्‍ती 5:8

ज्‍यबे सेम् थोबलमा मोलम् यङ्‍बलमा य्‍हीन्‍ब, तलेपङ्‍सम् थेङ्‍यीमाचे पर्‌मेस्‍वर्‌त म्रङ्‌स्‍ये मुब।

२ कोरीन्‍थी 13:2

ङ ङ्‍य्‍हीख्‍यप्‍कुनो एङ्‍यीमाज खबे बेलोरी ङचे एङ्‍यीमात चेतावनी पीन्‍बल र्‌हङ्‌ले देरेम् ङ हुजुरी अरेलेएनो ङ एङ्‍यीमात चेतावनी पीन्‍टीब। ङ देबेएनो खबतेङ् ङोन्‍ग्‍यम् पाप् स्‍य्‍हेङ्‌बलमा ओसेम् ल्‍हो-ल्‍होमा खल्‍तेएनो सजाय पीन्‍बरी बाकी पीत्‍स्‍ये अरे।

१ तीमोथी 5:22

खल्‍तएनो मन्‍डलीइ लक् स्‍य्‍हेङ्‌बे जीम्‍मा पीन्‍बरी चप् चप् थलउ। ल्‍होल्‍होचे पाप स्‍य्‍हेङ्‌बे बेलोरी थेङ्‍यीमातेङ् थडीःको, र्‌हङ्‍त पबीत्र थेनो।

२ तीमोथी 1:6

होत्‍तज्‍यीम् ङ एत व्‍हल् लपीन्‍ब, ङचे एइ जोरी या थेन्‍मम् एचे यङ्‌बे पर्‌मेस्‍वर्‌की बर्‌दान्‍त ज्‍यनले थेन्‍स्‍यीनो टीउ।

हीब्रु 6:9

म्‍होइबे र्‌होमा, ङ्‌यीमाचे चोले पङ्‌लेनो एङ्‍यीमाचेमी ज्‍यबे लक्‍मा स्‍य्‍हेङ्‍टीबल मुब पङ्‍बे तम्‍री ङ्‌यीमा पक्‍क मुब। एङ्‍यीमा मुक्‍ती यङ्‍बे म्‍हीमा य्‍हीन्‍ब बी हुजु लक्‍मा ग्‍यम्‍से ङोन्‍ब।

१ पत्रुस 1:22

देरेम् एङ्‍यीमाचे देमेन्‍की फ्रोइत ङ्‌येन्‍ज्‍यीम् र्‌हङ्‍की सेम् सुद्‍द स्‍य्‍हेङ्‍बल मुब, ओसेम् र्‌हङ्‍की बीस्‍वासी र्‌होमात देमेन्‍ले म्‍होइगो, एङ्‍यीमाचे गीःचे गीःत सेम्‍न्‍हङ् य्‍हङ्‌सेनो म्‍होइगो।

१ पत्रुस 2:11

म्‍होइबे र्‌होमा, चु जम्‍बुलीङ्‌री एङ्‍यीमा ल्‍हो-ल्‍हो य्‍हुल्‍की म्‍हीमा ओसेम् र्‌होइ य्‍हुल्‍री य्‍हम्‍की लागीरी टीबे म्‍हीमा र्‌हङ्‍ब य्‍हीन्‍ब। ङ एङ्‌यीमात फ्‍या लब, ल्‍हीःकी लागीरी र्‌हङ्‍की सेम्‍चे म्‍हेन्‍बे अज्‍यबे लक्‍मा थस्‍य्‍हेङो। होतेबे सेम् खेम पङ्‌लेनो आत्‍माइ बीरुद्‍दरी तब।

२ पत्रुस 3:14

होत्‍तज्‍यीम् म्‍होइबे र्‌होमा, हुजु दीन् ब्रेन्‍बतेङ् पर्‌मेस्‍वर्‌की ङोन्‍री पबीत्रतेङ् तइ दागएनो अरेबल तबरी ओसेम् थेङ्‍तेङ् सान्‍तीले टीबरी बङ् लो।

२ पत्रुस 3:17

तर म्‍होइबे र्‌होमा, एङ्‍यीमाचे चु तम् ङोन्‍नो स्‍येःज्‍यीन्‍बल मुब। चोङ्‍ले टीउ, होत्‍तज्‍यीम् पर्‌मेस्‍वर्‌की फ्रोइत अङ्‍येन्‍बे म्‍हीमाचे एङ्‌यीमात थोम्‍न लम्‍यङ्‍स्‍ये अरे, ओसेम् एङ्‍यीमाचे र्‌हङ्‍की कोङ्‌बे बीस्‍वास् पीत्‍स्‍ये अरे।

२ पत्रुस 3:8

तर म्‍होइबे र्‌होमा, एङ्‍यीमाचे चु तम् गीः व्‍हल् लथोब। प्रभुइ लागीरी तीरेत् हजार बर्‌स र्‌हङ्‍ब ओसेम् हजार बर्‌स तीरेत र्‌हङ्‍ब तब।

यहुदा 1:5

एङ्‍यीमाचे चु तम् ङोन्‍नो स्‍येःबल मुलेएनो ङ देबेएनो व्‍हल् लपीन्‍ब की प्रभुचे र्‌हङ्‍की म्‍हीमात मीस्र ग्‍यम्‍से तेत्‍बजेत्‍ज्‍यी, तर बीस्‍वास् अस्‍य्‍हेङ्‍बलमात लीक्‍यम् नास् स्‍य्‍हेङ्‍जेत्‍ज्‍यी।