२ पत्रुस 2:1 - पश्चिम तामाङ1 दङ्बो इस्राएलीमाकी गुङ्री भ्युकी तम् लोप्पे अगम्बक्तमा डोङ्ज्यी, होलेनो एङ्यीमाकी गुङ्रीएनो भ्युकी तम् लोप्पे लोप्पोन्मा डोङ्स्ये मुब। थेङ्यीमाचे न्होङ्नलबे भ्युकी तम्मा न्हङ्न्हङ्री लोप्स्ये मुब, ओसेम् थेङ्यीमाचे र्हङ्त थर्नलजेत्पे प्रभुत बीस्वास् स्य्हेङ्ब पीत्स्ये मुब। होत्तज्यीम् थेङ्यीमाचे ग्योनेनो र्हङ्की जोरी र्हङ्चेनो नास् बस्ये मुब। Faic an caibideil |
२ पत्रुस 2:1
73 Iomraidhean Croise
मोसाचे ब्रीबे पर्मेस्वर्की नीयम् अङ्येन्बल तज्यीम् ङ्य्हङ्मात फोःथोबे केम्लङ् ख्रीस्ट्चे ङ्य्हङ्माकी लागीरी नाजेत्ज्यी, ओसेम् थेङ्चे ङ्य्हङ्मात हुजु केम्लङ् ग्यम्से फेःपीन्जेत्पल मुब। तलेपङ्सम् धर्म छ्येःरी, “दोङ्बोरी च्योलाबलमा जम्मनो केम्लङ् फोःबल तब” बी ब्रीबल मुब।
तलेपङ्सम् पर्मेस्वर्त म्हन्अदीबे डेत्डेत् म्हीमा एङ्यीमाकी गुङ्री खुसुक्ले वङ्ज्यीन्बल मुब। ओसेम् पर्मेस्वर्चे न्हङ्जेत्पे अनुग्रहत थेङ्यीमाचे अज्यबे लक् स्य्हेङ्बरी कोल्पुङो पङ्ब, ओसेम् येसु ख्रीस्ट्त गीःकीनो मुबे ङ्य्हङ्की मालीक्तेङ प्रभु य्हीन्ब पङ्ज्यीम्एनो म्हन्अदी। होतेबे म्हीमा दोसी ठार्तीब बी दङ्बोनो धर्म छ्येःरी ब्रीबल मुबल।
दोस्रो दुस्ट सेम्ज्येन्त हुजु पहीलो दुस्ट सेम्ज्येन्की लागीरी लक् स्य्हेङ्बरी अचम्मइ चीनोमा ङोन्पुङ्ज्यी। हुजु चीनोमा ग्यम्सेनो दोस्रो दुस्ट सेम्ज्येन्चे जम्बुलीङ्की म्हीमात लुज्यी। ओसेम् तर्वाल्चे थाज्यीम् स्यीयम्ब गदेनो तज्यीम्एनो सोबे हुजु पहीलो दुस्ट सेम्ज्येन्त स्य्हेस पीन्बरी हुजु पहीलो दुस्ट सेम्ज्येन्की ख्ल स्य्हेङो पङ्ज्यीम् दोस्रो दुस्ट सेम्ज्येन्चे जम्बुलीङ्की म्हीमात हुकुम् पीन्ज्यी।
थेङ्यीमाचे चोले छार् व्हइ गीः कोटीब मुबल- “थेङ् चु गुइज्यीम् थेन्बे डीइ छ्येः कीन्जेत्परी ओसेम् हुजुरी ठोक्पे छाप्मा ठोङ्बरी जेःबल मुब, तलेपङ्सम् थेङ्त सेत्ज्यी ओसेम् थेङ्चे र्हङ्की काचे जम्म खलक्, ग्योत्, य्हुल् ओसेम् जाती ग्यम्से पर्मेस्वर्की लागीरी म्हीमात ग्लुजेत्ज्यी।
Sanasan