२ पत्रुस 1:8 - पश्‍चिम तामाङ

⁸ तलेपङ्‌सम् चोतेबे तम्‍मा एङ्‍यीमातेङ् य्‍हक्‍को मुज्‍यी पङ्‌सम् ङ्‍य्‍हङ्‍की प्रभु येसु ख्रीस्‍ट्‍की ज्ञान्‍री एङ्‍यीमाचे य्‍हक्‍को लक्‍मा स्‍य्‍हेङ्‌बतेङ् रोःरो रोःस्‍ये मुब।

२ पत्रुस 1:8 Iomraidhean Croise

मत्‍ती 13:22

डेत्‍मी पुजुकी जीङ्‍न्‍हङ् दोःबे ब्‍लु र्‌हङ्‍ब तब, थेङ्‍यीमाचे पर्‌मेस्‍वर्‌की फ्रोइत ङ्‍येन्‍ब, तर चु जम्‍बुलीङ्‌की स्‍य्‍हेःमाकी लागीरी छेर्‌बतेङ् बरु तबे सेम्‍चे लज्‍यीम् पर्‌मेस्‍वर्‌की फ्रोइत उप्‍प ओसेम् हुजुचे रोःरो अरो।

मत्‍ती 20:3

नौ बजेक्‍योर् थे देबेएनो बजार्‌री ङ्‌यीमम् डेत्-डेत् म्‍हीमा तेएनो अस्‍य्‍हेङ्‌नले रप्‍टीबल म्रङ्‍ज्‍यी।

मत्‍ती 20:6

देबेएनो ङ्‍येस्‍येकी पाच बजेक्‍योर् बजार्‌री ङ्‌यीमम् ल्‍होल्‍होएनो डेत्-डेत् म्‍हीमा रप्‍टीबल म्रङ्‌ज्‍यी, थेचे थेङ्‌यीमात, ‘एङ्‍यीमा तले दीन् गीःनो तेएनो अस्‍य्‍हेङ्‌नले रप्‍टीब?’ बी ङ्‌योत्‍ज्‍यी।

मत्‍ती 25:26

ओसेम् न्‍याबोचे पङ्‍ज्‍यी, ‘ओ अज्‍यबतेङ् ब्‍लेकु योक्‍पो! ङ र्‌हङ्‌चे असुःबे ग्‍लाचे अन्‍न दुत्‍पे ओसेम् र्‌हङ्‌चे ब्‍लु अब्‍लुत्‍पे ग्‍लाचे अन्‍न र्‌हुब्‍पे म्‍ही य्‍हीन्‍ब बी एचे स्‍येःबल पङ्‌सम्,

युहन्‍ना 15:2

ङतेङ् मुज्‍यीमएनो रोरो अरोबे जम्‍मनो य्‍हर्‌ङमाम् थाज्‍यीम् ख्‍लाजेत्‍प। ओसेम् रोरो रोःबे जम्‍मनो य्‍हर्‌ङमात झेन् य्‍हक्‍को रोखइ बी छेप्‍लाब।

युहन्‍ना 17:3

ओसेम् खेमेएनो अबेबे जीवन चुनो य्‍हीन्‍ब, थेङ्‍यीमाचे थेङ् गीकीनो देमेन्‍की पर्‌मेस्‍वर्‌त स्‍येब, ओसेम् थेङ्‌चे पीत्‍युजेत्‍पे येसु ख्रीस्‍ट्त स्‍येब।

युहन्‍ना 5:42

ङत था मुब एङ्‍यीमाचे पर्‌मेस्‍वर्‌त म्‍होइबल अरे।

रोमी 12:11

ब्‍लेकु अलनले लक् स्‍य्‍हेङो, सेम् य्‍हङ्‌सेनो प्रभुइ लक् स्‍य्‍हेङो।

१ कोरीन्‍थी 15:58

होत्‍तज्‍यीम् म्‍होइबे र्‌होमा, एङ्‍यीमा बीस्‍वास्‍री कोङ्‍ज्‍यीम् य्‍हङ् य्‍होङ् अतनले टीउ। प्रभुइ लक् खेम पङ्‍लेएनो स्‍य्‍हेङ्‍स्‍यीनो टीउ। तलेपङ्‍सम् एङ्‍यीमाचे स्‍येःब, प्रभुरी एङ्‍यीमाचे दुख लज्‍यीम् स्‍य्‍हेङ्‌बे लक् खेर य्‍हर्‌स्‍ये अरे।

२ कोरीन्‍थी 13:5

एङ्‍यीमाचे ख्रीस्‍ट्‍त देमेन्‍नो बीस्‍वास् स्‍य्‍हेङ्‌बल मुब वुइ अरे बी र्‌हङ्‍चेनो जाच्‍तीज्‍यीम् च्‍यागो। होले जाच्‍तीज्‍यीम् च्‍याबतेङ् येसु ख्रीस्‍ट्‍त एङ्‍यीमातेङ् स्‍य्‍हुजेत्‍पल अयङ्‍ज्‍यी पङ्‌सम् एङ्‍यीमाचे थेङ्‍त देमेन्‍लेनो बीस्‍वास् स्‍य्‍हेङ्‍बल अरेम् बी स्‍येःथोब।

२ कोरीन्‍थी 8:2

ल्‍हो-ल्‍हो म्‍हीमाचे य्‍हक्‍को दुख पीन्‍लेएनो थेङ्‍यीमा य्‍हक्‍को तङ्‍बल मुब। ओसेम् थेङ्‍यीमा र्‌हङ् य्‍हक्‍को प्रङ्‍न मुलेएनो ल्‍हो-ल्‍होत सेम् य्‍हङ् लज्‍यीम् पीन्‍ब।

२ कोरीन्‍थी 8:7

एङ्‍यीमा बीस्‍वास् स्‍य्‍हेङ्‌बरी, लोप्‍परी, ज्ञान्‍री, ल्‍हो-ल्‍होत आर् पीन्‍बरी ओसेम् ङ्‌यीमाचे एङ्‌यीमात म्‍होइब र्‌हङ्‌ले ल्‍हो-ल्‍हो म्‍हीमात म्‍होइबरी जम्‍मनो लक्‍मारी ज्‍यब र्‌हङ्‌ले चु टङ पीन्‍ज्‍यीम् र्‌हो लबे लक्‍एनो य्‍हक्‍को स्‍य्‍हेङ्‌बे सेम् लउ बी ङ्‌यीमाचे म्‍हेन्‍ब।

२ कोरीन्‍थी 9:14

ओसेम् पर्‌मेस्‍वर्‌की ङ्‍हच्‍छ्‍यङ् अनुग्रह एङ्‌यीमातेङ् मुबे ग्‍यम्‍से थेङ्‍यीमाचे सेम् य्‍हङ्‌सेनो एङ्‌यीमाकी लागीरी प्रार्‌थना स्‍य्‍हेङ्‌स्‍ये मुब।

फीलीप्‍पी 1:9

ङइ प्रार्‌थना मुब की एङ्‌यीमाकी चु म्‍होइब ज्ञान्‍तेङ बुद्‍दीरी य्‍हक्‍को तबोर्‌स्‍यीनो टीखइ।

फीलीप्‍पी 2:5

एङ्‌यीमाकी बेहोर् येसु ख्रीस्‍ट्‍ल र्‌हङ्‍ब तखइ।

फीलीप्‍पी 3:8

होदेकीनो अय्‍हीन्, येसु ख्रीस्‍ट्त र्‌हङ्‍की प्रभु पङ्‍ज्‍यीम् स्‍येःम्‍यङ्‍बे ङ्‍य्‍हच्‍छ्‌यङ् ज्ञान्‍तेङ् व्‍हबतेङ्‍मी ल्‍होःल्‍हो जम्‍मनो तम्‍मा लक् अतबल यङ्‍ब। थेङ्‌की लागीरी ङचे जम्‍मनो स्‍हेःमात ख्‍लाज्‍यी, ओसेम् थेङ्‍त यङ्‍बे लागीरी चु जम्‍मनो तम्‍मात ख्रीदी र्‌हङ्‍ब म्‍हेन्‍बल मुब।

कलस्‍सी 1:10

ओसेम् एङ्‍यीमाचे प्रभुत सेम्‍री ङ्‌यीबे बानी बेहोर्‌मा थोःज्‍यीम् खेम पङ्‌लेनो थेङ्‍त तङ्‍नलबे लक्‍मा स्‍य्‍हेङ्‍ब खम्‍स्‍ये मुब। ओसेम् एङ्‍यीमाचे जम्‍मनो ज्‍यबे लक्‍मा य्‍हक्‍को स्‍य्‍हेङ्‍स्‍यीनो बोर्‌स्‍ये मुब, ओसेम् एङ्‌यीमाचे पर्‌मेस्‍वर्‌की बारेरी झेन् य्‍हक्‍को गोस्‍ये मुब।

कलस्‍सी 2:7

ओसेम् ख्रीस्‍ट्‍रीनो एङ्‌यीमाकी टा युज्‍यीम् थेङ्‍तनो एङ्‌यीमाकी जीवन्‍की जग तबुङो। ओसेम् एङ्‍यीमात ङोन्‍ग्‍यम् लोप्‍प अनुसार् एङ्‌यीमाकी बीस्‍वास् कोङ्‍न लउ, ओसेम् थेङ्‍त व्‍होर्‌छ्‌ये पीन्‍स्‍यीनो टीउ।

कलस्‍सी 3:16

एङ्‌यीमाकी सेम् ख्रीस्‍ट्‍की फ्रोइचे प्‍लीङ्‍खइ। गीःचे गीःत जम्‍मनो बुद्‍दीचे लोप्‍ज्‍यीम् अर्‌ती पीनो। ओसेम् भजन सङ्‍ग्रहकी व्‍हइमा कोज्‍यीम्, भजनकी व्‍हइमा कोज्‍यीम् ओसेम् आत्‍मीक् व्‍हइमा कोज्‍यीम् पर्‌मेस्‍वर्‌त व्‍होर्‌छ्‌ये पीनो।

१ थेस्‍लोनीकी 3:12

ङ्‌यीमाचे एङ्‌यीमात म्‍होइब र्‌हङ्‌लेनो एङ्‌यीमाचेएनो गीचे गीःत ओसेम् म्‍हीमा जम्‍मतनो झेन् झेन्‍नो म्‍होइबरी प्रभुचे र्‌हो लजेत्‍खइ।

१ थेस्‍लोनीकी 4:1

ज्‍युरी ङइ र्‌होमा, एङ्‍यीमाचे ङ्‌यीमा ग्‍यम्‍से पर्‌मेस्‍वर् तङ्‍नले ब्रब लोप्‍पल मुब। ओसेम् एङ्‍यीमाचे हुजु र्‌हङ्‌लेनो ब्रटीबल मुब। देरेम् झेन्‍नो पर्‌मेस्‍वर्‌त य्‍हक्‍को तङ्‍नले ब्रस्‍यीनो टीउ बी प्रभु येसु ख्रीस्‍ट्‍की छेन्‍री एङ्‌यीमात फ्‍या लब।

२ थेस्‍लोनीकी 1:3

र्‌होमा, एङ्‌यीमाकी बीस्‍वास् य्‍हक्‍को तबोर्‌टीबल मुब। ओसेम् एङ्‍यीमाचे गीःचे गीःत झेन् य्‍हक्‍को म्‍होइस्‍यीनो टीबोर्‌बल मुब। होत्‍तज्‍यीम् एङ्‌यीमाकी लागीरी ङ्‌यीमाचे पर्‌मेस्‍वर्‌त खेम पङ्‌लेनो व्‍होर्‌छ्‍ये पीन्‍थोब।

१ तीमोथी 5:13

मीन् ब्रीबे छ्‍येःरी थेङ्‍यीमाकी मीन् मुसम् थेङ्‍यीमा ब्‍लेकु तबल तस्‍ये मुब, ल्‍होल्‍होमाकी दीम् दीम्‍री कोर्‌ज्‍यीम् ब्रबल तस्‍ये मुब, होदेकीनो अय्‍हीन् र्‌होकी तङ्‍मेन् लज्‍यीम् अथुन्‍नलबल तस्‍ये मुब, ओसेम् पङ्‍ब अतबे तम्‍माएनो पङ्‍बल तस्‍ये मुब।

तीतस 3:14

ओसेम् ङ्‍य्‍हङ्‍की म्‍हीमाचे तोःबे म्‍हीमात पीन्‍ज्‍यीम् ज्‍यबे लक् स्‍य्‍हेङ्‌ब लोप्‍थोब। थेङ्‍यीमा ज्‍यबे लक् अस्‍य्‍हेङ्‍नले टीब अत।

फीलेमोन 1:6

एचे बीस्‍वासीमातेङ् सङ्‍गतीमा य्‍हक्‍को स्‍य्‍हेङ्‌खइ ओसेम् पर्‌मेस्‍वर्‌चे ङ्‍य्‍हङ्‍मात न्‍हङ्‍जेत्‍पे जम्‍मनो ज्‍यबे तम्‍मा एङ्‍यीमाचे ज्‍यनले गोब खम्‍बे सक्‍ती यङ्‍खइ बी ङचे प्रार्‌थना स्‍य्‍हेङ्‍ब, तलेपङ्‍सम् ङ्‍य्‍हङ्‍माचे ख्रीस्‍ट्‍री बीस्‍वास् स्‍य्‍हेङ्‍ब।

हीब्रु 6:12

एङ्‍यीमा ब्‍लेगु थतउ, तर खेम पङ्‌लेनो बीस्‍वास् स्‍य्‍हेङ्‌स्‍यीनो टीज्‍यीम् पर्‌मेस्‍वर्‌चे न्‍हङ्‍ब बी बाचा स्‍य्‍हेङ्‍जेत्‍पे स्‍हेमा यङ्‍स्‍येलमा र्‌हङ्‍ब तउ पङ्‍बे सेम् ङ्‍यीमाल मुब।

२ पत्रुस 1:2

पर्‌मेस्‍वर्‌तेङ् ङ्‍य्‍हङ्‍की प्रभु येसुत स्‍येःब ग्‍यम्‍से एङ्‌यीमात य्‍हक्‍को अनुग्रहतेङ् सान्‍ती तखइ।

२ पत्रुस 1:3

पर्‌मेस्‍वर्‌चे र्‌हङ्‍की ङ्‍हच्‍छ्‍यङ् सक्‍ती ग्‍यम्‍से ङ्‍य्‍हङ्‍मात थेङ्‌त सेम्‍री ङ्‌यीबे पबीत्र जीवन् सोबरी तोःबे स्‍हेमा जम्‍मनो न्‍हङ्‌बल मुब। तलेपङ्‍सम् र्‌हङ्‍की महीमातेङ् भलाइ ग्‍यम्‍से ङ्‍य्‍हङ्‍मात ङ्‌होत्‍जेत्‍पे पर्‌मेस्‍वर्‌त ङ्‍य्‍हङ्‍माचे स्‍येःबल मुब।

२ पत्रुस 2:20

तर थेङ्‍यीमाचे ङ्‍य्‍हङ्‍की प्रभुतेङ् मुक्‍तीदाता येसु ख्रीस्‍ट्‍त स्‍येःज्‍यीम् जम्‍बुलीङ्‌की अज्‍यबे लक्‍मा स्‍य्‍हेङ्‍ब पीत्‍लाज्‍यीम्‍एनो देबे दोःज्‍यीम् हुजु अज्‍यबे लक्‍मा स्‍य्‍हेङ्‌ज्‍यी पङ्‌सम् थेङ्‍यीमाकी लीक्‍यम्‍की गती ङोन्‍ग्‍यम्‍ल बीमएनो झेन् अज्‍यब तब।

२ पत्रुस 3:18

तर खेम पङ्‌लेनो ङ्‍य्‍हङ्‍की प्रभुतेङ् मुक्‍तीदाता येसु ख्रीस्‍ट्‍की अनुग्रहतेङ् ज्ञान्‍री य्‍हक्‍को तस्‍यीनोबोरो। देरे ओसेम् खेम पङ्‌लेनो थेङ्‍तनो तोप्‍प तखइ। आमेन्!