२ पत्रुस 1:5 - पश्‍चिम तामाङ

⁵ होत्‍तज्‍यीम् गदे खम्‍ब होदेनो एङ्‌यीमाकी बीस्‍वास्‍री ज्‍यबे बानी बेहोर् कबो ओसेम् ज्‍यबे बनी बेहोर्‌री ज्ञान् कबो,

२ पत्रुस 1:5 Iomraidhean Croise

लुका 16:26

चोदेकीनो अय्‍हीन्, एङ्‌यीमा ङ्‌यीमाज खइ म्‍हेन्‍लेएनो खअखम्खइ, ओसेम् ङ्‌यीमाएनो एङ्‌यीमाज खइ म्‍हेन्‍लेएनो खअखम्खइ बी ङ्‌य्‍हङ्‌माकी गुङ्‌री ङ्‌हच्‍छ्‌यङ् नुप्‍पे खोल्‍च थेन्‍बल मुब।’

लुका 24:21

थेङ्‌चेनो इस्राएलीमात थर्‌नलजेत्‍प बी ङ्‌यीमाचे आस् लबल मुबल। तर थेङ्‌त क्रुस्‍री च्‍योलाबलएनो तीङ्‌यीम् सोम्‍रेत् तज्‍यी।

युहन्‍ना 6:27

क्रम्‍ज्‍यीम् य्‍हर्‌बे चबइ लागीरी लक् थस्‍य्‍हेङो, तर खेमेएनो अबेबे जीवनसम्‍म टीबे चबइ लागीरी लक् स्‍य्‍हेङो। हुजु एङ्‌यीमात म्‍हीइ जचे पीन्‍स्‍ये मुब, तलेपङ्‍सम् पर्‌मेस्‍वर् अपचेनो थेत हुजु लक् स्‍य्‍हेङ्‌बे हक् न्‍हङ्‌बल मुब।”

१ कोरीन्‍थी 14:20

म्‍होइबे र्‌होमा, कोलमाचे म्‍हेन्‍ब र्‌हङ्‌ले म्‍हेन्‍ब पीत्‍थोब। एङ्‍यीमामी ताएनो दुस्‍ट लक्‍मा अस्‍य्‍हेङ्‌बे ज्‍यीद कोलमा र्‌हङ्‍ब तथोब, तर सेम्‍री म्‍हेन्‍बतेङ् बीचार् लबरीम् सेम् च्‍यीप्‍पे म्‍हीमा र्‌हङ्‍ब तथोब।

एफीसी 5:17

होत्‍तज्‍यीम् मुर्‌ख थतउ, तर एङ्‌यीमाचे ता स्‍य्‍हेङ्‌खइ पङ्‍बे थुः प्रभुल मुब हुजु गोउ।

फीलीप्‍पी 1:9

ङइ प्रार्‌थना मुब की एङ्‌यीमाकी चु म्‍होइब ज्ञान्‍तेङ बुद्‍दीरी य्‍हक्‍को तबोर्‌स्‍यीनो टीखइ।

फीलीप्‍पी 2:12

ङइ म्‍होइबे र्‌होमा, ङ एङ्‍यीमातेङ् मुबे बेलोरी एङ्‍यीमाचे खेम पङ्‌लेनो पर्‌मेस्‍वर्‌की तम्‍मा ङ्‍येन्‍ज्‍यी, देरे ङ एङ्‍यीमा ग्‍यम्‍से थारीङ्‍ तलेएनो एङ्‍यीमाचे पर्‌मेस्‍वर्‌की तम्‍मा झेन् ङ्‌येन्‍थोब। एङ्‍यीमाचे पर्‌मेस्‍वर्‌तेङ् लोङ्‍ज्‍यीम् ओसेम् स्‍य्‍हेस लज्‍यीम् र्‌हङ्‌चे यङ्‍बे मुक्‍तीत टोप् लबरी लक् स्‍य्‍हेङ्‍स्‍यीनो टीउ।

फीलीप्‍पी 4:8

देरेम् ज्‍युःरी बीस्‍वासी र्‌होमा, खजु तम् देमेन् मुब, खजु तम् स्‍य्‍हेस यङ्‌बल मुब, खजु तम् ठीक् मुब, खजु तम् सुद्‍द मुब, खजु तम् म्‍होइबरी जेःबल मुब, खजु तम् म्‍हीमात सेम्‍री ङ्‌यीबल मुब, ओसेम् खजु तम् य्‍हक्‍को ज्‍यबतेङ् तोप्‍परी जेःबल मुब हुजु तम्‍मारी सेम् पीनो।

कलस्‍सी 1:9

होत्‍तज्‍यीम् ङ्‌यीमाचे एङ्‌यीमाकी बारेरी थ्‍येब य्‍हङ्‌सेनो ङ्‌यीमाचे खेम पङ्‌लेनो एङ्‌यीमाकी लागीरी प्रार्‌थना स्‍य्‍हेङ्‌स्‍यीनो टीब। पबीत्र आत्‍माचे न्‍हङ्‍जेत्‍पे ज्ञान्‍तेङ् गोब ग्‍यम्‍से तज्‍यीम् एङ्‍यीमाचे पर्‌मेस्‍वर्‌चे थुः लजेत्पे जम्‍मनो तम्‍मा ज्‍यनले स्‍येःब खम्‍खइ पङ्‍ज्‍यीम् प्रार्‌थना स्‍य्‍हेङ्‍स्‍यीनो टीब।

कलस्‍सी 2:3

ख्रीस्‍ट्‍रीनो पर्‌मेस्‍वर्‌चे जम्‍मनो ज्ञान्‍तेङ् बुद्‍दीइ सम्पत्‍ती छुम्‍जेत्‍पल मुब।

हीब्रु 11:6

बीस्‍वास् अस्‍य्‍हेङ्‍नले खल्‍चेएनो पर्‌मेस्‍वर्‌त तङ्‍नलब अखम्। तलेपङ्‍सम् पर्‌मेस्‍वर्‌ज खबलमा खल्‍चे पङ्‌लेनो पर्‌मेस्‍वर् मुब ओसेम् थेङ्‍त म्‍हइबलमात थेङ्‍चे बक्सीस् न्‍हङ्‍जेत्‍प पङ्‍ज्‍यीम् बीस्‍वास् स्‍य्‍हेङ्‌नोथोःब।

हीब्रु 12:15

चोङ्‍ले टीउ, खल्‍चेएनो पर्‌मेस्‍वर्‌की अनुग्रह अयङ्‍बल अतखइ। दुस्‍ट लक् एङ्‌यीमाकी गुङ्‍री कम्‍बे टा फीःब र्‌हङ्‌ले अफीःखइ, अय्‍हीन् पङ्‌सम् हुजुचे य्‍हक्‍को म्‍हीमात थीनलबे लक्‍तेङ् असुद्‍द तनलबे लक् स्‍य्‍हेङ्ब।

हीब्रु 6:11

एङ्‍यीमा जम्‍मचेनो र्‌हङ्‍की जम्‍मनो आस् यङ्‍बे लागीरी अस्‍यीगदे सम्‍मनो होले जम्‍मतनो र्‌हो लबे जोस् ङोन्‍स्‍यीनो टीउ पङ्‍बे सेम् ङ्‍यीमाल मुब।

१ पत्रुस 3:7

र्‌हेम्‍बोमा, एङ्‌यीमाचेएनो र्‌हङ्‍की म्रीङ्‌मात ज्‍यबे ब्‍यबहार स्‍य्‍हेङ्‌ज्‍यीम् स्‍य्‍हेस स्‍य्‍हेङो, तलेपङ्‌सम् एङ्‌यीमाकी म्रीङ्‍मा एङ्‍यीमागदे बङ्‍ज्‍येन् अरेलेनो पर्‌मेस्‍वर्‌चे न्‍हङ्‌बे खेमेनो अबेबे जीवन् एङ्‌यी म्रीङ् र्‌हेम्‍बोमा जम्‍मचेनो यङ्‍स्‍ये मुब। एङ्‌यीमाकी प्रार्‌थनारी ताचेएनो उन्‍न अलखइ पङ्‍ज्‍यीम् चोले स्‍य्‍हेङो।

२ पत्रुस 1:10

होत्‍तज्‍यीम् बीस्‍वासी र्‌होमा, पर्‌मेस्‍वर्‌चे एङ्‍यीमात ङ्‍होत्‍जेत्‍पलतेङ् दम्‍जेत्‍पल य्‍हीन्‍ब पङ्‍बे तम् पक्‍कले ङोनो। तलेपङ्‍सम् चु तम्‍मा स्‍य्‍हेङ्‌सम् एङ्‍यीमा बीस्‍वास्‍री खेमेएनो गुर्‌स्‍ये अरे।

२ पत्रुस 1:11

ओसेम् ङ्‍य्‍हङ्‍की प्रभुतेङ् मुक्‍तीदाता येसु ख्रीस्‍ट्‍की खेम पङ्‌लेनो टीबे य्‍हुल्‍री वङ्‌बे बेलोरी एङ्‍यीमात ङ्‍हच्‍छ्‍यङ् स्‍वागत स्‍य्‍हेङ्‍जेत्‍स्‍ये मुब।

२ पत्रुस 3:14

होत्‍तज्‍यीम् म्‍होइबे र्‌होमा, हुजु दीन् ब्रेन्‍बतेङ् पर्‌मेस्‍वर्‌की ङोन्‍री पबीत्रतेङ् तइ दागएनो अरेबल तबरी ओसेम् थेङ्‍तेङ् सान्‍तीले टीबरी बङ् लो।

२ पत्रुस 3:18

तर खेम पङ्‌लेनो ङ्‍य्‍हङ्‍की प्रभुतेङ् मुक्‍तीदाता येसु ख्रीस्‍ट्‍की अनुग्रहतेङ् ज्ञान्‍री य्‍हक्‍को तस्‍यीनोबोरो। देरे ओसेम् खेम पङ्‌लेनो थेङ्‍तनो तोप्‍प तखइ। आमेन्!