२ पत्रुस 1:3 - पश्‍चिम तामाङ

³ पर्‌मेस्‍वर्‌चे र्‌हङ्‍की ङ्‍हच्‍छ्‍यङ् सक्‍ती ग्‍यम्‍से ङ्‍य्‍हङ्‍मात थेङ्‌त सेम्‍री ङ्‌यीबे पबीत्र जीवन् सोबरी तोःबे स्‍हेमा जम्‍मनो न्‍हङ्‌बल मुब। तलेपङ्‍सम् र्‌हङ्‍की महीमातेङ् भलाइ ग्‍यम्‍से ङ्‍य्‍हङ्‍मात ङ्‌होत्‍जेत्‍पे पर्‌मेस्‍वर्‌त ङ्‍य्‍हङ्‍माचे स्‍येःबल मुब।

२ पत्रुस 1:3 Iomraidhean Croise

मत्‍ती 28:18

ओसेम् येसु थेङ्‌यीमाकी रेइरी खज्‍यीम् सुङ्‌ज्‍यी, “ङत स्‍वर्‌गतेङ् जम्‍बुलीङ्‌की जम्‍मनो हक् न्‍हङ्‌बल मुब।

रोमी 8:32

पर्‌मेस्‍वर्‌चे र्‌हङ्‍की जतएनो जोगइतीअजेत् तर ङ्‍य्‍हङ्‍मा जम्‍मइ लागीरी र्‌हङ्‍की जत न्‍हङ्‍जेत्‍ज्‍यी। ङ्‍य्‍हङ्‍माइ लागीरी र्‌हङ्‌की ज धरी न्‍हङ्‍जेत्‍पलचे ल्‍हो-ल्‍हो जम्‍मनो स्‍हेःमा ङ्‍य्‍हङ्‍मात न्‍हङ्‌अजेत् स्‍यीम्?

रोमी 9:24

तलेपङ्‌सम् थेङ्‌चे ङ्‌होत्‍जेत्‍पे ङ्‍य्‍हङ्‍मात यहुदी म्‍हीमा न्‍हङ्‌सेकीनो अय्‍हीन् तर यहुदी अय्‍हीन्‍बे म्‍हीमा न्‍हङ्‍सेएनो ङ्‌होत्‍जेत्‍ज्‍यी।

१ कोरीन्‍थी 1:9

पर्‌मेस्‍वर् बीस्‍वासीलो मुब। थेङ्‌चेनो र्‌हङ्‍की ज येसु ख्रीस्‍ट्, ङ्‍य्‍हङ्‍की प्रभुइ सङ्‍गतीरी एङ्‍यीमात ङ्‌होत्‍जेत्‍ज्‍यी।

२ कोरीन्‍थी 12:9

तर थेङ्‍चे ङत सुङ्‌ज्‍यी, “ङइ अनुग्रह एइ लागीरी योःब सम्‍मनो मुब, तलेपङ्‍सम् ए कम्‍जोर् तबे बेलोरी ङइ सक्‍तीनो ङ्‍हच्‍छ्‌यङ् तब।” होत्‍तज्‍यीम् ख्रीस्‍ट्‍की सक्‍ती ङतेङ् तखइ पङ्‍ज्‍यीम् ङ कम्‍जोर् तबे बेलोरी झेन् य्‍हक्‍को तङ्‌ज्‍यीम् घमन्‍ड स्‍य्‍हेङ्‌ब।

एफीसी 4:1

होत्‍तज्‍यीम् प्रभुइ लक् स्‍य्‍हेङ्‍बल तज्‍यीम् झेल्‍री च्‍युप्‍पे म्‍ही, ङ एङ्‍यीमात फ्‍या लज्‍यीम् पङ्‍ब, पर्‌मेवर्‌चे र्‌हङ्‍की म्‍हीमा तबरी दम्‍जेत्‍पे म्‍हीमाचे सोब र्‌हङ्‍बे जीवन् एङ्‌यीमाचेएनो सोउ।

एफीसी 4:4

पर्‌मेस्‍वर्‌चे एङ्‍यीमात गीःकीनो आस्‍री ङ्‍होत्‍जेत्‍प र्‌हङ्‌ले ल्‍हीःएनो गीःकीनो मुब, ओसेम् पबीत्र आत्‍माएनो गीःकीनो मुब।

फीलीप्‍पी 3:8

होदेकीनो अय्‍हीन्, येसु ख्रीस्‍ट्त र्‌हङ्‍की प्रभु पङ्‍ज्‍यीम् स्‍येःम्‍यङ्‍बे ङ्‍य्‍हच्‍छ्‌यङ् ज्ञान्‍तेङ् व्‍हबतेङ्‍मी ल्‍होःल्‍हो जम्‍मनो तम्‍मा लक् अतबल यङ्‍ब। थेङ्‌की लागीरी ङचे जम्‍मनो स्‍हेःमात ख्‍लाज्‍यी, ओसेम् थेङ्‍त यङ्‍बे लागीरी चु जम्‍मनो तम्‍मात ख्रीदी र्‌हङ्‍ब म्‍हेन्‍बल मुब।

फीलीप्‍पी 4:8

देरेम् ज्‍युःरी बीस्‍वासी र्‌होमा, खजु तम् देमेन् मुब, खजु तम् स्‍य्‍हेस यङ्‌बल मुब, खजु तम् ठीक् मुब, खजु तम् सुद्‍द मुब, खजु तम् म्‍होइबरी जेःबल मुब, खजु तम् म्‍हीमात सेम्‍री ङ्‌यीबल मुब, ओसेम् खजु तम् य्‍हक्‍को ज्‍यबतेङ् तोप्‍परी जेःबल मुब हुजु तम्‍मारी सेम् पीनो।

कलस्‍सी 1:16

तलेपङ्‍सम् ख्रीस्‍ट् ग्‍यम्‍से तज्‍यीम् स्‍वर्‌गतेङ् जम्‍बुलीङ्‌री मुबे जम्‍मनो स्‍हेमा पर्‌मेस्‍वर्‌चे स्‍य्‍हेङ्‌जेत्‍पल मुबल। म्रङब खम्‍बलतेङ् म्रङ्‌ब अखम्‍बे स्‍हेमा, आत्‍माइ सक्‍तीमा, मालीक्‍मा, सासक्‍मा ओसेम् अधीकार् लबलमा, चु जम्‍मनो स्‍हेःमा पर्‌मेस्‍वर्‌चे ख्रीस्‍ट् ग्‍यम्सेनो ख्रीस्‍ट्‍की लागीरी स्‍य्‍हेङ्‌जेत्‍पल य्‍हीन्‍ब।

१ थेस्‍लोनीकी 2:12

ङ्‌यीमाचे एङ्‌यीमात अर्‌ती पीन्‍ब, आर् पीन्‍ब ओसेम् लोप्‍प, ओसेम् एङ्‍यीमाचे पर्‌मेस्‍वर्‌त तङ्‍न लबे जीवन् सोथोब, तलेपङ्‍सम् थेङ्‌चे एङ्‌यीमात थेङ्‌की य्‍हुल्‍तेङ् महीमारी ङ्‌होत्‍जेत्प।

१ थेस्‍लोनीकी 4:7

तलेपङ्‍सम् पर्‌मेस्‍वर्‌चे ङ्‌य्‍हङ्‌मात अपबीत्र तबे लागीरी अय्‍हीन्, तर पबीत्र जीवन सोबरी दम्‍जेत्‍पल य्‍हीन्‍ब।

२ थेस्‍लोनीकी 2:14

चुइ लागीरी ङ्‌यीमाचे स्‍येत्‍पे ज्‍यबे सम्‍तर् ग्‍यम्सेनो पर्‌मेस्‍वर्‌चे एङ्‌यीमात ङ्‌होत्‍जेत्‍ज्‍यी। ङ्‍य्‍हङ्‍की प्रभु येसु ख्रीस्‍ट्‍की महीमा एङ्‌यीमाचेएनो यङ्‍खइ पङ्‍ज्‍यीम् थेङ्‌चे एङ्‌यीमात ङ्‌होत्‍जेत्‍ज्‍यी।

१ तीमोथी 4:8

ल्‍हीः दुल्‍ज्‍यी पङ्‌सम् चेक् चेक् तम्‍मारीकीनो ज्‍यब तब तर पर्‌मेस्‍वर्‌त म्‍हन्‍दीज्‍यीम् ब्रबरी दुल्‍ज्‍यी पङ्‌सम् य्‍हक्‍को तम्‍मारी ज्‍यब तब। तलेपङ्‍सम् चुचे देरेतेङ् लीक्‍यम्‍की जीवन्‍की लागीरी ज्‍यबे बाचा स्‍य्‍हेङ्‍बल मुब।

२ तीमोथी 1:9

पर्‌मेस्‍वर्‌चेनो ङ्‍य्‍हङ्‍त थर्‌ब न्‍हङ्‌ज्‍यीम् पबीत्र जीवन् सोबरी ङ्‌होत्‍जेत्‍ज्‍यी। ङ्‍य्‍हङ्‍चे स्‍य्‍हेङ्‌बे लक्‍चे लज्‍यीम् अय्‍हीन् तर थेङ्‌की थुःतेङ् अनुग्रहचे लज्‍यीम् य्‍हीन्‍ब। चु अनुग्रह ङ्‌य्‍हङ्‌मात येसु ख्रीस्‍ट्‍री जम्‍बुलीङ् ठुङ्‍ब बीम ङोन्‍ग्‍यम्‍नो न्‍हङ्‌जेत्‍पल मुबल।

हीब्रु 1:3

थेङ्‍री पर्‌मेस्‍वर्‌की ङ्‍हच्‍छ्‍यङ् महीमाकी य्‍हल् सर्‌ब ओसेम् थेङ्‍नो पर्‌मेस्‍वर्‌की देमेन्‍की रुप् य्‍हीन्‍ब। ओसेम् थेङ्‌की सक्‍तीसाली फ्रोइ ग्‍यम्सेनो थेङ्‌चेनो मुतेङ जम्‍बुलीङ्‌की जम्‍मनो स्‍हेमात थाम्‍तीजेत्‍प। ओसेम् म्‍हीमात पाप ग्‍यम्‍से फेःपीन्‍बे लक् बुत्‍प बीसेम् थेङ् महीमीत् पर्‌मेस्‍वर्‌की केत् फ्‍या पट्‍टीचे स्‍वर्‌गरी स्‍य्‍हुजेत्‍पल मुब।

१ पत्रुस 1:15

तर एङ्‌यीमात ङ्‌होत्‍जेत्‍पे पर्‌मेस्‍वर् पबीत्र मुब। होत्‍तज्‍यीम् एङ्‌यीमाएनो र्‌हङ्‍की जम्‍मनो तम्‍मारी पबीत्र तउ।

१ पत्रुस 1:5

ओसेम् बीस्‍वास् ग्‍यम्‍से एङ्‌यीमात पर्‌मेस्‍वर्‌की सक्‍तीचे मुक्‍ती अयङ्‍गदे सम्‍म जोगइतीज्‍यीम् थेन्‍जेत्‍पल मुब। एङ्‌यीमाकी लागीरी टोप् लबे हुजु मुक्‍ती ज्‍युकी बेलोरी म्रङ्‍खस्‍ये मुब।

१ पत्रुस 2:21

तलेपङ्‍सम् पर्‌मेस्‍वर्‌चे एङ्‍यीमात दुख नापरीनो दम्‍जेत्‍पल य्‍हीन्‍ब। ख्रीस्‍टचेएनो दुख नाजेत्‍ज्‍यीम् एङ्‍यीमात नमुना ङोन्‍थेन्‍जेत्‍पल मुब। होत्‍तज्‍यीम् थेङ्‍चे ङोन्‍जेत्‍पे ग्‍यम्‍से ब्रथोब।

१ पत्रुस 2:9

तर एङ्‍यीमामी पर्‌मेस्‍वर्‌चे दम्‍जेत्‍पे म्‍हीमा, ग्‍यल्‍बोइ लम्‍बुमा, ओसेम् पबीत्र जाती य्‍हीन्‍ब, एङ्‍यीमा पर्‌मेस्‍वर्‌की र्‌हङ्‍की म्‍हीमा य्‍हीन्‍ब। थेङ्‌चे एङ्‌यीमात थेङ्‌की अचम्‍मइ लक्‍माकी बारेरी प्रचार स्‍य्‍हेङ्‌बरी म्‍हुन्‍दुङ् ग्‍यम्‍से अचम्‍मइ य्‍हल्‍री नोम्‍खजेत्‍ज्‍यी।

१ पत्रुस 3:9

एङ्‍यीमात अज्‍यब स्‍य्‍हेङबलमात दोज्‍यीम् एङ्‍यीमाचे अज्‍यब थस्‍य्‍हेङो, एङ्‍यीमात पेत्‍न लबलमात एङ्‍यीमाचे दोज्‍यीम् थेङ्‍यीमात पेत्‍न थलउ। बरु थेङ्‍यीमात मोलम् पीनो तलेपङ्‍सम् एङ्‍यीमात पर्‌मेस्‍वर्‌चे होले स्‍य्‍हेङ्‌बे लागीरी ङ्‌होत्‍जेत्‍पल य्‍हीन्‍ब, ओसेम् एङ्‍यीमाचे मोलम् यङ्‍स्‍ये मुब।

१ पत्रुस 5:10

जम्‍मनो अनुग्रह न्‍हङ्‌बे पर्‌मेस्‍वर्‌चे ख्रीस्‍ट्‍री र्‌हङ्‍की खेमेएनो अबेबे महीमा जुबे लागीरी एङ्‍यीमात ङ्‌होत्‍जेत्‍पल मुब। एङ्‍यीमाचे य्‍हम् दुख नाब बीसेम् थेङ्‌चेनो एङ्‍यीमात छार् स्‍य्‍हेङ्‍जेत्‍स्‍ये मुब, ओसेम् सक्‍ती न्‍हङ्‌ज्‍यीम् य्‍हङ्‌य्‍होङ् अतनले कोङ्‍नलजेत्‍स्‍ये मुब।

२ पत्रुस 1:10

होत्‍तज्‍यीम् बीस्‍वासी र्‌होमा, पर्‌मेस्‍वर्‌चे एङ्‍यीमात ङ्‍होत्‍जेत्‍पलतेङ् दम्‍जेत्‍पल य्‍हीन्‍ब पङ्‍बे तम् पक्‍कले ङोनो। तलेपङ्‍सम् चु तम्‍मा स्‍य्‍हेङ्‌सम् एङ्‍यीमा बीस्‍वास्‍री खेमेएनो गुर्‌स्‍ये अरे।

२ पत्रुस 1:2

पर्‌मेस्‍वर्‌तेङ् ङ्‍य्‍हङ्‍की प्रभु येसुत स्‍येःब ग्‍यम्‍से एङ्‌यीमात य्‍हक्‍को अनुग्रहतेङ् सान्‍ती तखइ।

२ पत्रुस 1:5

होत्‍तज्‍यीम् गदे खम्‍ब होदेनो एङ्‌यीमाकी बीस्‍वास्‍री ज्‍यबे बानी बेहोर् कबो ओसेम् ज्‍यबे बनी बेहोर्‌री ज्ञान् कबो,

२ पत्रुस 1:6

ओसेम् ज्ञान्‍री र्‌हङ्‍की सेम् दुल्‍ब, र्‌हङ्‍की सेम् दुल्‍बरी धैर्‌य, धैर्‌यरी पर्‌मेस्‍वर्‌त सेम्‍री ङ्‌यीबे लक् कबो,

२ पत्रुस 1:8

तलेपङ्‌सम् चोतेबे तम्‍मा एङ्‍यीमातेङ् य्‍हक्‍को मुज्‍यी पङ्‌सम् ङ्‍य्‍हङ्‍की प्रभु येसु ख्रीस्‍ट्‍की ज्ञान्‍री एङ्‍यीमाचे य्‍हक्‍को लक्‍मा स्‍य्‍हेङ्‌बतेङ् रोःरो रोःस्‍ये मुब।

२ पत्रुस 2:20

तर थेङ्‍यीमाचे ङ्‍य्‍हङ्‍की प्रभुतेङ् मुक्‍तीदाता येसु ख्रीस्‍ट्‍त स्‍येःज्‍यीम् जम्‍बुलीङ्‌की अज्‍यबे लक्‍मा स्‍य्‍हेङ्‍ब पीत्‍लाज्‍यीम्‍एनो देबे दोःज्‍यीम् हुजु अज्‍यबे लक्‍मा स्‍य्‍हेङ्‌ज्‍यी पङ्‌सम् थेङ्‍यीमाकी लीक्‍यम्‍की गती ङोन्‍ग्‍यम्‍ल बीमएनो झेन् अज्‍यब तब।

२ पत्रुस 3:18

तर खेम पङ्‌लेनो ङ्‍य्‍हङ्‍की प्रभुतेङ् मुक्‍तीदाता येसु ख्रीस्‍ट्‍की अनुग्रहतेङ् ज्ञान्‍री य्‍हक्‍को तस्‍यीनोबोरो। देरे ओसेम् खेम पङ्‌लेनो थेङ्‍तनो तोप्‍प तखइ। आमेन्!