२ पत्रुस 1:12 - पश्‍चिम तामाङ

¹² होत्‍तज्‍यीम् एङ्‍यीमाचे चु जम्‍मा तम्‍मा स्‍येःलेएनो ओसेम् एङ्‍यीमाचे यङ्‍बे देमेन्‍री कोङ्‍नले टीलेएनो ङ एङ्‍यीमात खेम पङ्‌लेनो चु तम्‍मा ह्‍वल् लपीन्‍स्‍ये मुब।

२ पत्रुस 1:12 Iomraidhean Croise

प्रेरीत् 16:5

चोले मन्‍डलीमाइ म्‍हीमाकी बीस्‍वास् कोङ्‍बोर्‌ज्‍यी। ओसेम् बीस्‍वासीमा दीन्‍लनो य्‍हक्‍को तबोर्‌ज्‍यी।

फीलीप्‍पी 3:1

ज्‍युरी बीस्‍वासी र्‌होमा, एङ्‍यीमा तङो, तलेपङ्‍सम् प्रभु एङ्‌यीमातेङ् मुब। एङ्‍यीमात ब्रीज्‍यीन्‍बे तम् देबेएनो दोःज्‍यीम् ब्रीबरी ङ नर्‌सु अल, चुचे एङ्‌यीमाकी बीस्‍वास्‍त जोगइतीब।

कलस्‍सी 1:5

एङ्‌यीमाचे ता आस् लज्‍यी हुजु एङ्‌यीमाकी लागीरी पर्‌मेस्‍वर्‌चे स्‍वर्‌गरी थेन्‍जेत्‍पल मुब। एङ्‍यीमाचे चोले बीस्‍वास् स्‍य्‍हेङ्‌ब ओसेम् म्‍होइबे लक् स्‍य्‍हेङ्‌बल य्‍हीन्‍ब। चु आस्‍की बारेरी एङ्‍यीमाचे ङोन्‍ग्‍यम्‍नो देमेन्‍की ज्‍यबे सम्‍तर् थ्‍येःबल मुब।

कलस्‍सी 2:7

ओसेम् ख्रीस्‍ट्‍रीनो एङ्‌यीमाकी टा युज्‍यीम् थेङ्‍तनो एङ्‌यीमाकी जीवन्‍की जग तबुङो। ओसेम् एङ्‍यीमात ङोन्‍ग्‍यम् लोप्‍प अनुसार् एङ्‌यीमाकी बीस्‍वास् कोङ्‍न लउ, ओसेम् थेङ्‍त व्‍होर्‌छ्‌ये पीन्‍स्‍यीनो टीउ।

१ तीमोथी 4:6

एचे चु तम्‍मा बीस्‍वासीमात लोप्‍प पङ्‌सम् एचे बीस्‍वास् स्‍य्‍हेङ्‌बे सम्‍तर्‌तेङ् देमेन्‍की फ्रोइमारी बङ्‍ज्‍येन् तज्‍यीम् ए येसु ख्रीस्‍ट्‍की ज्‍यबे योक्‍पो तस्‍ये मुब।

२ तीमोथी 1:6

होत्‍तज्‍यीम् ङ एत व्‍हल् लपीन्‍ब, ङचे एइ जोरी या थेन्‍मम् एचे यङ्‌बे पर्‌मेस्‍वर्‌की बर्‌दान्‍त ज्‍यनले थेन्‍स्‍यीनो टीउ।

हीब्रु 10:32

एङ्‍यीमाचे पर्‌मेस्‍वर्‌की य्‍हल् यङ्‍बे हुजु ङोन्‍ग्‍यम्‍की दीन्‍मात व्‍हल् लउ, होदे बेलोरी एङ्‍यीमाचे य्‍हक्‍को दुखमा नाथोलेएनो एङ्‌यीमा बीस्‍वास्‍री कोङ्‍ज्‍यीम् टीज्‍यी।

हीब्रु 13:9

भ्‍य्‍हुकी य्‍हक्‍को थोइ तम्‍मचे एङ्‌यीमात देमेन्‍की तम्‍म ग्‍यम्‍से थारीङ् अबोर्‌खइ। चब थुङ्‌बे नीयम्‍चे अय्‍हीन्, पर्‌मेस्‍वर्‌की अनुग्रह ग्‍यम्‍से एङ्‌यीमाकी सेम्‍त कोङ्‍न लब ज्‍यब य्‍हीन्‍ब। चब थुङ्‌बे नीयम् ङ्‌येन्‍बलमात हुजुचे तएनो फाइदा अस्‍य्‍हेङ्।

१ पत्रुस 5:10

जम्‍मनो अनुग्रह न्‍हङ्‌बे पर्‌मेस्‍वर्‌चे ख्रीस्‍ट्‍री र्‌हङ्‍की खेमेएनो अबेबे महीमा जुबे लागीरी एङ्‍यीमात ङ्‌होत्‍जेत्‍पल मुब। एङ्‍यीमाचे य्‍हम् दुख नाब बीसेम् थेङ्‌चेनो एङ्‍यीमात छार् स्‍य्‍हेङ्‍जेत्‍स्‍ये मुब, ओसेम् सक्‍ती न्‍हङ्‌ज्‍यीम् य्‍हङ्‌य्‍होङ् अतनले कोङ्‍नलजेत्‍स्‍ये मुब।

१ पत्रुस 5:12

बीस्‍वासीलो अले सीलासत र्‌हो लबुङ्‍ज्‍यीम् ङचे चु तुन्‍ज चीठी एङ्‍यीमात ब्रीबल मुब। ङचे चु जम्‍मनो तम्‍मा पर्‌मेस्‍वर्‌की देमेन्‍की अनुग्रहकी गवाही पीन्‍बरी ओसेम् एङ्‍यीमात आर् पीन्‍बरी ब्रीबल य्‍हीन्‍ब। चु अनुग्रहरी एङ्‍यीमा कोङ्‍नले टीउ।

२ पत्रुस 1:13

ङ सोगदे सम्‍म चु तम्‍मा खेम पङ्‌लेनो एङ्‍यीमात ह्‍वल् लपीन्‍स्‍यीनो टीब ज्‍यब बी ङचे म्‍हेन्‍ब।

२ पत्रुस 1:15

ओसेम् ङ स्‍यीज्‍यीम् य्‍हर्‌लेएनो चु तम्‍मा ह्‍वल् लब खमो पङ्‍ज्‍यीम् ङचे गदे खम्‍ज्‍यी होदे एङ्‍यीमात गोनलस्‍ये मुब।

२ पत्रुस 3:1

म्‍होइबे र्‌होमा, ङचे एङ्‍यीमात ब्रीबे चु चीठी ङ्‍य्‍हीख्‍यप् कुनोल य्‍हीन्‍ब। चु चीठी ङ्‍य्‍ही ग्‍यम्सेनो एङ्‍यीमात चु तम्‍मा ज्‍यनले व्‍हल्‍लपीन्‍ज्‍यीम् एङ्‌यीमाकी सेम्‍री चोखो तम्‍मा म्‍हेन्‍बरी आर् पीन्‍बल मुब।

२ पत्रुस 3:17

तर म्‍होइबे र्‌होमा, एङ्‍यीमाचे चु तम् ङोन्‍नो स्‍येःज्‍यीन्‍बल मुब। चोङ्‍ले टीउ, होत्‍तज्‍यीम् पर्‌मेस्‍वर्‌की फ्रोइत अङ्‍येन्‍बे म्‍हीमाचे एङ्‌यीमात थोम्‍न लम्‍यङ्‍स्‍ये अरे, ओसेम् एङ्‍यीमाचे र्‌हङ्‍की कोङ्‌बे बीस्‍वास् पीत्‍स्‍ये अरे।

१ युहन्‍ना 2:21

एङ्‍यीमाचे देमेन्‍त अस्‍य्‍हे पङ्‍ज्‍यीम् ङचे चु ब्रीबल अय्‍हीन्, तर एङ्‍यीमाचे देमेन्‍त स्‍येःबल तज्‍यीम् ब्रीबल य्‍हीन्‍ब। ओसेम् देमेन् ग्‍यम्‍से भ्‍यु अडोङ् पङ्‍बे तमएनो एङ्‍यीमाचे स्‍येःब।

२ युहन्‍ना 1:2

तलेपङ्‍सम् देमेन् ङ्‍य्‍हङ्‍मातेङ् मुब, ओसेम् खेम पङ्‌लेनो ङ्‍य्‍हङ्‍मातेङ् तस्‍ये मुब।

यहुदा 1:17

तर म्‍होइबे र्‌होमा, ङ्‍य्‍हङ्‍की प्रभु येसु ख्रीस्‍ट्‍की प्रेरीतमाचे ङोन्‍नो पङ्‍बे तम्‍मात एङ्‍यीमाचे व्‍हल् लउ।

यहुदा 1:3

म्‍होइबे र्‌होमा, ङ्‍य्‍हङ्‍मा जम्‍मचेनो यङ्‍बे मुक्‍तीइ बारेरी एङ्‌यीमात ब्रीबरी ङत य्‍हक्‍को सेम् तज्‍यी, तर देरेम् खेम पङ्‍लेनोइ लागीरी तीख्‍यप् पर्‌मेस्‍वर्‌चे र्‌हङ्‍की पबीत्र म्‍हीमात न्‍हङ्‍जेत्‍पे बीस्‍वासत जोगइतीउ बी एङ्‌यीमात आर् पीन्‍बरी ब्रीनोथोब बी म्‍हेन्‍ज्‍यी।

यहुदा 1:5

एङ्‍यीमाचे चु तम् ङोन्‍नो स्‍येःबल मुलेएनो ङ देबेएनो व्‍हल् लपीन्‍ब की प्रभुचे र्‌हङ्‍की म्‍हीमात मीस्र ग्‍यम्‍से तेत्‍बजेत्‍ज्‍यी, तर बीस्‍वास् अस्‍य्‍हेङ्‍बलमात लीक्‍यम् नास् स्‍य्‍हेङ्‍जेत्‍ज्‍यी।