१ तीमोथी 4:14 - पश्‍चिम तामाङ

¹⁴ पर्‌मेस्‍वर्‌चे एत न्‍हङ्‍जेत्‍पे बरदान्‍त लक् अतबल थम्‍हेनो। हुजु बर्‌दान् एल्‍डरमाचे एइजोरी या थेन्‍ब बीसेम् अगम्बानी तज्‍यीम् यङ्‌बल य्‍हीन्‍ब।

१ तीमोथी 4:14 Iomraidhean Croise

प्रेरीत् 11:30

चोले थेङ्‍यीमाचे टङ र्‌हुब्‍ज्‍यी। ओसेम् बारनाबासतेङ् साउलकी या ग्‍यम्‍से यरुसलेमकी मन्‍डलीइ अगुवामाज पीत्‍ज्‍यी।

प्रेरीत् 13:3

होत्‍तज्‍यीम् थेङ्‍यीमाचे ङ्‌यीम्‍बु टीज्‍यीम् प्रार्‌थना स्‍य्‍हेङ्‌ज्‍यी। ओसेम् थेङ्‌य्‍हीइ जोरी या थेन्‍ज्‍यीम् प्रभुइ लक् स्‍य्‍हेङ्‌बरी पीत्‍ज्‍यी।

प्रेरीत् 19:6

हुजु लीप्‍चे पावलचे थेङ्‍यीमाइ जोरी या थेन्‍पीन्‍मम् पबीत्र आत्‍मा थेङ्‍यीमाइ जोरी ब्‍योन्‍युज्‍यी। ओसेम् थेङ्‍यीमाचे अस्‍येःबे ग्‍योत्‍मारी अगम्बानी पङ्‍ब तीप्‍ज्‍यी।

प्रेरीत् 22:5

गोदोब्‍न्‍हङ्‍की ङ्‍हच्‍छ्‍यङ् लम्‍बुतेङ् जम्‍म सभाचेएनो चु लक् ङचे स्‍य्‍हेङ्‌बल य्‍हीन्‍ब बी पङ्‍ब खम्‍ब। ङत एङ्‌यीमाचेनो दमस्‍कस्‍री मुबे यहुदी अज्‍यो-अलेमाकी मीन्‍री पत्र न्‍हङ्‌ज्‍यी। ओसेम् अधीकार् यङ्‌ज्‍यीम् हुजु ग्‍लाकी बीस्‍वासीमात चुङ्‌ज्‍यीम् खीःज्‍यीम् यरुसलेमरी बज्‍यीम् सजाय पीन्‍बरी ङ दमस्‍कस्‍री ङ्‌यीबल मुबल।

प्रेरीत् 6:6

ओसेम् थेङ्‍यीमाचे हुजुमा ङ्‍यीस्‍तनो प्रेरीतमाज बज्‍यी। ओसेम् प्रेरीतमाचे थेङ्‌यीमाकी जोरी या थेन्‍ज्‍यीम् प्रार्‌थना स्‍य्‍हेङ्‍पीन्‍ज्‍यी।

प्रेरीत् 8:17

ओसेम् पत्रुसतेङ् युहन्‍नाचे थेङ्‍यीमाइ जोरी या थेन्‍ज्‍यीम् प्रार्‌थना स्‍य्‍हेङ्‌ब बीसेम् थेङ्‍यीमाचे पबीत्र आत्‍मा यङ्‌ज्‍यी।

१ थेस्‍लोनीकी 5:19

पबीत्र आत्‍माचे एङ्‌यीमाकी गुङ्‍री लक् स्‍य्‍हेङ्‌बे बेलोरी थर्‌होदो।

१ तीमोथी 1:18

ङइ देमेन्‍की ज र्‌हङ्‍बे तीमोथी, ङोन्‍ग्‍यम् एइ बारेरी अगम्बानीमा पङ्‍ब र्‌हङ्‌लेनो ङ एत चु तम् कुल्‍टीब। स्‍यीपइमाचे ज्‍यनले छेत्‍प र्‌हङ्‌लेनो भ्‍युकी तम्‍माइ बीरोद् स्‍य्‍हेङ्‌बरी एचे चु तम्‍मा व्‍हल् लउ।

१ तीमोथी 4:15

एचे चु तम्‍मा जम्‍मनो सेम य्‍हङ्‍से म्‍हेन्‍ज्‍यीम् स्‍य्‍हेङ्‍स्‍यीनो टीउ, हुजु लीप्‍चे एचे ज्‍यनले स्‍य्‍हेङ्‍टीबे लक्‍मारी ज्‍यब तबोर्‌टीबल जम्‍मचे म्रङ्‌खइ।

१ तीमोथी 5:17

मन्‍डलीइ स्‍य्‍हप्‍तो ज्‍यनले स्‍य्‍हेङ्‌बे एल्‍डरमाचे य्‍हक्‍को स्‍य्‍हेस यङ्‍थोब। थेङ्‍यीमा न्‍हङ्‍रीएनो खल्‍चे पर्‌मेस्‍वर्‌की फ्रोइ लोप्‍पतेङ् प्रचारकी लक् स्‍य्‍हेङ्‌ब थेचे य्‍हक्‍को स्‍य्‍हेस यङ्‍थोब।

१ तीमोथी 5:19

ङ्‍य्‍ही वुइ सोम् साक्षी अयङ्‍गदे मन्‍डलीकी एल्‍डरता ल्‍हइतीबे दोस् ङ्‍येन्‍नो थङ्‍येनो।

१ तीमोथी 5:22

खल्‍तएनो मन्‍डलीइ लक् स्‍य्‍हेङ्‌बे जीम्‍मा पीन्‍बरी चप् चप् थलउ। ल्‍होल्‍होचे पाप स्‍य्‍हेङ्‌बे बेलोरी थेङ्‍यीमातेङ् थडीःको, र्‌हङ्‍त पबीत्र थेनो।

१ तीमोथी 6:12

बीस्‍वासकी जीवन छर्‌बोर्‌बे बेलोरी खेमेएनो अबेबे जीवन्‍त चुङ्‌ज्‍यीम् टीउ। चुइ लागीरीनो एत पर्‌मेस्‍वर्‌चे ङ्‌होत्‍जेत्‍पल य्‍हीन्‍ब, ओसेम् एचेएनो य्‍हक्‍को म्‍हीमाकी ङोन्‍ग्‍यम् एइ बीस्‍वासकी साक्षी पीन्‍बल मुब।

२ तीमोथी 1:6

होत्‍तज्‍यीम् ङ एत व्‍हल् लपीन्‍ब, ङचे एइ जोरी या थेन्‍मम् एचे यङ्‌बे पर्‌मेस्‍वर्‌की बर्‌दान्‍त ज्‍यनले थेन्‍स्‍यीनो टीउ।