१ तीमोथी 4:1 - पश्चिम तामाङ1 पबीत्र आत्माचे गोनलेनो सुङ्ब, लीक्क्यम्की बेलोरी डेत्डेत् म्हीमाचे बीस्वास् स्य्हेङ्ब पीत्लास्ये मुब। ओसेम् थेङ्यीमाचे भ्युकी आत्मामातेङ् म्हङ्माचे पङ्बे तम्मा ङ्येन्स्ये मुब। Faic an caibideil |
१ तीमोथी 4:1
64 Iomraidhean Croise
ओसेम् जीवनकी उदेस्यकी बारेरी खेत्पे इपीक्युरीतेङ् स्तोइकीकी म्हीमान्हङ्की डेत्-डेत्चेएनो पावलत ङ्योत्प थी:ब लज्यी। थेङ्यीमा न्हङ्री डेत्-डेत्चे पङ्ज्यी, “चु म्हीचे र्हङ्चे तइ बारेरी तम् पङ्टीब बी स्येःबल अरे।” ओसेम् डेत्चेम्, “चु म्हीचे ल्हो-ल्हो य्हुल्की ख्ल लुमाकी बारेरी लोप्टीब र्हङ्ले म्रङ्मु” बी पङ्ज्यी। पावलचे येसुइ बारेरी ओसेम् थेङ् स्यीब ग्यम्से सोज्यीम् रेःबे बारेरी तम् लोप्टीबल तज्यीम् थेङ्यीमाचे चोले पङ्बल य्हीन्ब।
दङ्बो इस्राएलीमाकी गुङ्री भ्युकी तम् लोप्पे अगम्बक्तमा डोङ्ज्यी, होलेनो एङ्यीमाकी गुङ्रीएनो भ्युकी तम् लोप्पे लोप्पोन्मा डोङ्स्ये मुब। थेङ्यीमाचे न्होङ्नलबे भ्युकी तम्मा न्हङ्न्हङ्री लोप्स्ये मुब, ओसेम् थेङ्यीमाचे र्हङ्त थर्नलजेत्पे प्रभुत बीस्वास् स्य्हेङ्ब पीत्स्ये मुब। होत्तज्यीम् थेङ्यीमाचे ग्योनेनो र्हङ्की जोरी र्हङ्चेनो नास् बस्ये मुब।
तलेपङ्सम् पर्मेस्वर्त म्हन्अदीबे डेत्डेत् म्हीमा एङ्यीमाकी गुङ्री खुसुक्ले वङ्ज्यीन्बल मुब। ओसेम् पर्मेस्वर्चे न्हङ्जेत्पे अनुग्रहत थेङ्यीमाचे अज्यबे लक् स्य्हेङ्बरी कोल्पुङो पङ्ब, ओसेम् येसु ख्रीस्ट्त गीःकीनो मुबे ङ्य्हङ्की मालीक्तेङ प्रभु य्हीन्ब पङ्ज्यीम्एनो म्हन्अदी। होतेबे म्हीमा दोसी ठार्तीब बी दङ्बोनो धर्म छ्येःरी ब्रीबल मुबल।
दोस्रो दुस्ट सेम्ज्येन्त हुजु पहीलो दुस्ट सेम्ज्येन्की लागीरी लक् स्य्हेङ्बरी अचम्मइ चीनोमा ङोन्पुङ्ज्यी। हुजु चीनोमा ग्यम्सेनो दोस्रो दुस्ट सेम्ज्येन्चे जम्बुलीङ्की म्हीमात लुज्यी। ओसेम् तर्वाल्चे थाज्यीम् स्यीयम्ब गदेनो तज्यीम्एनो सोबे हुजु पहीलो दुस्ट सेम्ज्येन्त स्य्हेस पीन्बरी हुजु पहीलो दुस्ट सेम्ज्येन्की ख्ल स्य्हेङो पङ्ज्यीम् दोस्रो दुस्ट सेम्ज्येन्चे जम्बुलीङ्की म्हीमात हुकुम् पीन्ज्यी।
बत्तीइ य्हल् देरे य्हङ्से हुजुरी खेमेएनो म्रङ्स्ये अरे। ओसेम् छार् म्रीङ् र्हेम्बोइ केत्तएनो हुजुरी खेमेएनो थेःस्ये अरे। तलेपङ्सम् हुजु सहर्री छोङ् स्य्हेङ्बे म्हीमा जम्बुलीङ्की ङ्हच्छ्यङ्-ङ्हच्छ्यङ् म्हीमा मुबल, ओसेम् थेइ जादुमाचे जम्बुलीङ्की जम्मनो म्हीमात छल् स्य्हेङ्ज्यी।
हुजु दुस्ट सेम्ज्येन्तेङ् हुजु भ्युकी अगम्बक्त थेङ्हीतनो चुङ्ज्यी। हुजु भ्युकी अगम्बक्तचे दुस्ट सेम्ज्येन्की लागीरी अचम्मइ लक्मा ङोन्ज्यी। थेचे हुजु लक्मा ग्यम्सेनो हुजु दुस्ट सेम्ज्येन्की छाप् कीन्बलतेङ् हुजुइ ख्लत तेन्बलमात छल् लबल मुबल। हुजु ङ्हीतनो लुम्टीबे मेतेङ् गन्धक्की ग्येन्हङ् सोम्बोनो ख्लापीत्ज्यी।
Sanasan