१ तीमोथी 3:16 - पश्चिम तामाङ16 ङ्य्हङ्की बीस्वासकी चु देमेन्की सम्तर् य्हक्को ङ्हच्छ्यङ् य्हीन्ब बी ङ्य्हङ्माचे स्वीकार स्य्हेङ्ब, थेङ् म्हीइ ल्हीरीनो म्रङ्युजेत्ज्यी, पबीत्र आत्माचे थेङ्त धर्मी ङोन्जेत्ज्यी, थेङ्त स्वर्गदुत्माचे म्रङ्जेत्ज्यी, जाती जातीमाकी गुङ्री थेङ्की प्रचार तज्यी, जम्बुलीङ्री थेङ्त बीस्वास् स्य्हेङ्ज्यी, थेङ्त पर्मेस्वर्चे स्वर्गरी नोम्जेत्ज्यी। Faic an caibideil |
१ तीमोथी 3:16
81 Iomraidhean Croise
तर देरेम् चु जम्मनो तम्मा दङ्बोनो अगम्बक्तमाचे पर्मेस्वर्चे कुल्जेत्प अनुसार् ब्रीबे तम्मा ग्यम्से स्येःनलजेत्पल मुब। ओसेम् जम्मनो यहुदी अय्हीन्बे म्हीमाचे बीस्वास् लज्यीम् पर्मेस्वर्की तम्मा ङ्येन्खइ पङ्ज्यीम् खेम पङ्लेनो मुजेत्पे पर्मेस्वर्की फ्रोइ अनुसार् चु ज्यबे सम्तर् म्हीमात स्येत्पल मुब।
म्हीइ पाप स्वभाब्चे लज्यीम् मोसाचे ब्रीबे नीयम्चे म्हीमात पाप् ग्यम्से फेःपीन्ब अखम्बे लक् पर्मेस्वर्चे स्य्हेङ्जेत्ज्यी। पर्मेस्वर्चे र्हङ्की जत पापी स्वभाब् मुबे म्हील र्हङ्बे ल्हीःरी पीत्युजेत्ज्यी। ओसेम् म्हीइ पाप्की लागीरी थेङ्त सजाय न्हङ्जेत्ज्यी, ओसेम् थेङ्की ल्हीः ग्यम्से पाप्की सक्तीत नास् स्य्हेङ्जेत्ज्यी।
होत्तज्यीम् एङ्यीमा र्हङ्की बीस्वास्री य्हङ्य्होङ् अतनले कोङ्ज्यीम् टीथोब। ओसेम् एङ्यीमाचे ज्यबे सम्तर् थ्येःबे बेलोरी यङ्बे आस्त थपीतो। एङ्यीमाचे थ्येःबे चु ज्यबे सम्तर् जम्बुलीङ्की जम्मनो ग्लाकी म्हीमात स्येत्पल मुब। ओसेम् ङ पावलएनो चु ज्यबे सम्तर् स्येत्पे लक् स्य्हेङ्बे योक्पो तबल मुब।
पर्मेस्वर्चे चोले स्य्हेङ्जेत्ज्यी, तलेपङ्सम् एङ्यी यहुदी अय्हीन्बे म्हीमाचेएनो थेङ्की छुम्ज्यीम् थेन्बे महीमीत तम् गोब खम्खइ पङ्बे थुः लजेत्ज्यी। ओसेम् ख्रीस्ट् एङ्यीमातेङ् स्य्हुजेत्प पङ्बे तम्नो छुम्ज्यीम् थेन्बे तम् य्हीन्ब। चु पङ्बलमी एङ्यीमाचे पर्मेस्वर्की महीमा यङस्ये मुब पङ्बल य्हीन्ब।
चु ज्यबे सम्तर् एङ्यीमात स्येत्पल मुब, एङ्यीमाचे ज्यबे सम्तर् थ्येःज्यीम् पर्मेस्वर्की अनुग्रहत गोबे दीन् य्हङ्से एङ्यीमाकी गुङ्री ख्रीस्ट्त बीस्वास् स्य्हेङ्बे म्हीमा य्हक्को तस्यीनो बोर्टीब, ओसेम् पर्मेस्वर्त तङ्नलबे लक्मा स्य्हेङ्टीब, होलेनो जम्बुलीङ्की जम्मनो ग्लामारी य्हक्को तस्यीनो बोर्टीब मुब।
थेङ्री पर्मेस्वर्की ङ्हच्छ्यङ् महीमाकी य्हल् सर्ब ओसेम् थेङ्नो पर्मेस्वर्की देमेन्की रुप् य्हीन्ब। ओसेम् थेङ्की सक्तीसाली फ्रोइ ग्यम्सेनो थेङ्चेनो मुतेङ जम्बुलीङ्की जम्मनो स्हेमात थाम्तीजेत्प। ओसेम् म्हीमात पाप ग्यम्से फेःपीन्बे लक् बुत्प बीसेम् थेङ् महीमीत् पर्मेस्वर्की केत् फ्या पट्टीचे स्वर्गरी स्य्हुजेत्पल मुब।
ङ्य्हङ्माकी बीस्वास् तीप्जेत्पतेङ् टोप् लजेत्पे येसुत च्यास्यीनो टीइ। क्रुस्की दुखचे लज्यीम् थेङ् ग्यप्चे सार्तीअजेत्, तर हुजुइ देब्री दुख नाब बीसेम् यङ्स्येकी तङ्बइ लागीरी म्हीमाचे क्रुस्री पेत्नलबे तम्त तएनो अय्हीन् बी म्हेन्जेत्ज्यी। देरेम् थेङ् पर्मेस्वर्की ठीःइ केत् फ्या पट्टी स्य्हुजेत्पल मुब।
अगम्बक्तमाचे स्य्हेङ्बे सेव थेङ्यीमाकी लागीरी अय्हीन्, तर एङ्यीमाकी लागीरी य्हीन्ब बी पर्मेस्वर्चे हुजु अगम्बक्तमात ङोन्जेत्पल मुबल। देरे एङ्यीमात चु ज्यबे सम्तर् स्वर्ग ग्यम्से पीत्युबे पबीत्र आत्माइ सक्तीरी प्रचार स्य्हेङ्बलमाचे स्येत्पल मुब। स्वर्गदुत्माचेएनो चु तम् गोबे सेम् लब।
हुजु लीप्चे खल्चेएनो ज्याब अखम्बे य्हक्को म्हीमाइ बदेन् ङचे म्रङ्ज्यी। थेङ्यीमा जम्मनो जाती ग्यम्से, जम्मनो खलक् ग्यम्से, जम्मनो य्हुल् ग्यम्से ओसेम् जम्मनो ग्योत् ग्यम्से मुबल। थेङ्यीमाचे तर् येन् येन्ज्यीम् यारी खजुर् पङ्बे दोङ्बोइ य्हर्ङमा थोज्यीम् ठीतेङ् थुमाइ ङोन्री रप्टीब मुबल।
Sanasan