१ तीमोथी 3:15 - पश्चिम तामाङ15 तलेपङ्सम् ङ एज खबरी गेःलेएनो चु चीठी ग्यम्सेनो पर्मेस्वर्की म्हेम्यमा खले चल्तीथोब बी एचे स्येको। ओसेम् पर्मेस्वर्की म्हेम्यमा सोम्बो पर्मेस्वर्की मन्डली य्हीन्ब, हुजुम् देमेन्त ते:बे थाम्तेङ् जग य्हीन्ब। Faic an caibideil |
१ तीमोथी 3:15
55 Iomraidhean Croise
ओसेम् पीलातसचे येसुत, “होले पङ्सम् ए ग्यल्बोनो य्हीन्बो स्यीम्?” बी ङ्योत्ज्यी। येसुचे सुङ्ज्यी, “ङ ग्यल्बो य्हीन्ब बी थेङ्चेनो सुङ्ज्यी। ङ चुइ लागीरी न्हबल मुबल ओसेम् जम्बुलीङ्री देमेन्की बारेरी स्येत्परी खबल य्हीन्ब। देमेन्त सेम्री ङ्यीबलमा जम्मचेनो ङइ तम् ङ्येन्ब।”
“एङ्यीमाचे चोतेब तले स्य्हेङ्बल? ङ्यीमाएनो एङ्यीमा र्हङ्बे म्हीनो य्हीन्ब। एङ्यीमाचे चु अतबे लक्मा ख्लाज्यीम् सोम्बो पर्मेस्वर्पट्टी दोःखइ बी ज्यबे सम्तर् स्येत्परी ङ्यीमा चुरी खबल य्हीन्ब। हुजु पर्मेस्वर्चेनो स्वर्ग, जम्बुलीङ् ओसेम् समुन्द्रतेङ् हुजुरी मुबे जम्मा स्हेमा स्य्हेङ्जेत्ज्यी।
पर्मेस्वर्की दीम्तेङ् ख्लमाकी गुङ्री ता डीःब? तलेपङ्सम् ङ्य्हङ्मामी सोम्बो पर्मेस्वर्की दीम् य्हीन्ब। पर्मेस्वर्चेनो सुङ्बल मुब, “ङ थेङ्यीमातेङ् टीस्ये मुब, ओसेम् थेङ्यीमातेङ् बक्च्य ब्रस्ये मुब। ङ थेङ्यीमाकी पर्मेस्वर् तस्ये मुब, ओसेम् थेङ्यीमामी ङइ म्हीमा तस्ये मुब।”
याकुब, पत्रुस ओसेम् युहन्ना थेङ्यीमा सोम् यरुसलेम्री मन्डलीइ अगुवामा मुबल। पर्मेस्वर्चे ङत न्हङ्जेत्पे अनुग्रहत स्येःज्यीम् थेङ्यीमाचे बारनबास्तेङ् ङत थेङ्यीमातेङ् बक्च्य लक् स्य्हेङ्बे र्हो पङ्ज्यीम् स्वागत स्य्हेङ्ज्यी। ङ्यी ङ्य्हीमी यहुदी अय्हीन्बे ल्हो-ल्हो म्हीमात प्रचार् स्य्हेङ्बरी ओसेम् थेङ्यीमामी यहुदीमाकी गुङ्रीनो लक् स्य्हेङ्बरी ङ्यीमाकी तम् डीःज्यी।
ङ्य्हङ्की बीस्वासकी चु देमेन्की सम्तर् य्हक्को ङ्हच्छ्यङ् य्हीन्ब बी ङ्य्हङ्माचे स्वीकार स्य्हेङ्ब, थेङ् म्हीइ ल्हीरीनो म्रङ्युजेत्ज्यी, पबीत्र आत्माचे थेङ्त धर्मी ङोन्जेत्ज्यी, थेङ्त स्वर्गदुत्माचे म्रङ्जेत्ज्यी, जाती जातीमाकी गुङ्री थेङ्की प्रचार तज्यी, जम्बुलीङ्री थेङ्त बीस्वास् स्य्हेङ्ज्यी, थेङ्त पर्मेस्वर्चे स्वर्गरी नोम्जेत्ज्यी।
तर ख्रीस्ट्की कारी ङ्य्हङ्मात सुद्द तनलबे झेन् य्हक्को ङ्हच्छ्यङ् सक्ती मुब। खेमपङ्लेनो तस्यीनो टीजेत्पे पर्मेस्वर्की आत्मा ग्यम्से सीद्द ठा रुप्री ख्रीस्ट्चे र्हङ्तनो पर्मेस्वर्त सोप्तीजेत्ज्यी। होले पङ्सम् ङ्य्हङ्माचे सोम्बो पर्मेस्वर्की सेव स्य्हेङ्ब खम्खइ पङ्ज्यीम् ख्रीस्ट्की काचे लक् अतबे पेठीम् ग्यम्से ङ्य्हङ्माकी बीबेक्त झेन् य्हक्को सुद्द तनलब खम्ब।
Sanasan