१ थेस्‍लोनीकी 5:2 - पश्‍चिम तामाङ

² तलेपङ्‍सम् प्रभु ब्‍योन्‍युबे दीन् सेम्‍चे अम्‍हेन्‍बे बेलोरी म्‍हुन य्‍हो खब र्‌हङ्‌ले खस्‍ये मुब बी एङ्‍यीमाचे ज्‍यनले स्‍येब।

१ थेस्‍लोनीकी 5:2 Iomraidhean Croise

मत्‍ती 25:13

ओसेम् येसुचे सुङ्‌ज्‍यी, “होत्‍तज्‍यीम् एङ्‍यीमा चोङ् लज्‍यीम् टीउ, तलेपङ्‍सम् म्‍हीइ ज खजु दीन्तेङ् खजु बेलोरी युब बी एङ्‍यीमाचे स्‍येबल अरे।

लुका 21:34

“होसीयार् तज्‍यीम् टीउ, य्‍हक्‍को चबथुङ्‌ब लज्‍यीम् ङ्‌य्‍हेज्‍यीम् थब्रउ। ओसेम् चु जीवनकी लागीरी थछेरो, अय्‍हीन् पङ्‌सम् एङ्‌यीमाइ सेम् न्‍होङ्‌स्‍ये मुब। ओसेम्, हुजु दीन्‍री एङ्‌यीमा तीक्‍कुरीनो वरी स्‍यप्‍प र्‌हङ्‌ले स्‍यप्‍स्‍ये मुब।

१ कोरीन्‍थी 1:8

ङ्‍य्‍हङ्‍की प्रभु येसु ख्रीस्‍ट् दो:ज्‍यीम् ब्‍योन्‍युबे दीन्‍री एङ्‍यीमा दोस् अरेबल तखइ पङ्‍ज्‍यीम् पर्‌मेस्‍वर्‌चे ज्‍युकी दीन्‍सम्‍मनो एङ्‌यीमाकी बीस्‍वास्‍त कोङ्‍नलजेत्‍स्‍ये मुब।

१ थेस्‍लोनीकी 5:4

तर ङइ र्‌होमा, एङ्‍यीमाम् म्‍हुन्‍दुङ्‍री अरे, होले तज्‍यीम् प्रभु ब्‍योन्‍युबे दीन् एङ्‌यीमाकी लागीरी य्‍हो खब र्‌हङ्‌ले खज्‍यीम् अचम्‍म तस्‍ये अरे।

२ थेस्‍लोनीकी 2:2

एङ्‌यीमात खल्‍चे पङ्‌लेनो प्रभु ब्‍योन्‍युबे दीन् खबल मुब बी ङ्‌यीमाचे र्‌हङ्‌ले अगम्बानी ग्‍यम्‍से पङ्‌लेनो, प्रचार ग्‍यम्‍से पङ्‌लेनो, चीठी ग्‍यम्‍से पङ्‌लेनो एङ्‍यीमा थलोङो ओसेम् थथोमो।

२ पत्रुस 3:10

तर प्रभुइ दीन्मी म्‍हीमाचे सेम्‍चेनो अम्‍हेन्‍बे बेलोरी य्‍हो खब र्‌हङ्‌ले खस्‍ये मुब। हुजु दीन्‍री ङ्‍हच्‍छ्‍यङ् केत् डोङ्‍ज्‍यीम् मु म्‍हज्‍यीम् य्‍हर्‌स्‍ये मुब। ओसेम् मुरी मुबे जम्‍मनो स्‍हेमा क्रोज्‍यीम् नास् तस्‍ये मुब। जम्‍बुलीङ्‌तेङ् जम्‍बुलीङ्‌री मुबे जम्‍मनो स्‍हेमा नास् तस्‍ये मुब।

प्रकास 16:15

प्रभुचे सुङ्‍जेत्‍प, “च्‍यागो, ङ य्‍हो खब र्‌हङ्‌ले खल्‍चेएनो अछोर्‌नले खस्‍ये मुब। चोङ्‍ले टीबलतेङ् र्‌हङ्‍की येन् जोगइतीज्‍यीम् थेन्‍बे म्‍ही मोलम् यङ्‍बे म्‍ही य्‍हीन्‍ब। चोले हुजु म्‍ही क्‍लीङ्‍दो ब्रअथो, ओसेम् म्‍हीमाकी ङोन्‍ग्‍यम् पेत्‍अथो।”

प्रकास 3:3

एचे ता थेःबलतेङ् लोप्‍पल मुब हुजुत व्‍हल् लउ। हुजुत ङ्‌येन्‍ज्‍यीम् ब्रउ ओसेम् पस्‍चताप् स्‍य्‍हेङो। ए होसीयार् तज्‍यीम् अटीज्‍यी पङ्‌सम् ङ य्‍हो खब र्‌हङ्‌ले खस्‍ये मुब, ओसेम् ङ गदे बेलो खस्‍ये मुब, हुजु एचे स्‍येःस्‍ये अरे।