१ थेस्‍लोनीकी 4:9 - पश्‍चिम तामाङ

⁹ एङ्‍यीमा गीःचे गीःत म्‍होइबे बारेरीम् खल्‍चेएनो तए ब्रीअतो, तलेपङ्‍सम् पर्‌मेस्‍वर्‌चेनो एङ्‌यीमात गीःचे गीःत म्‍होइब लोप्‍जेत्‍पल मुब।

१ थेस्‍लोनीकी 4:9 Iomraidhean Croise

मत्‍ती 22:39

ओसेम् चुइ लीक्‍यम्‍की अर्‌तीएनो चु र्‌हङ्‍बे ङ्‍हच्‍छ्‍यङ्‌नो य्‍हीन्‍ब- ‘एचे र्‌हङ्‌की खीम्‍चेत र्‌हङ्‍त र्‌हङ्‌लेनो म्‍होइगो।’

युहन्‍ना 14:26

तर अपचे एङ्‌यीमात र्‌हो लबरी ङइ मीन्‍री पबीत्र आत्‍मात पीत्‍युजेत्‍स्‍ये मुब। थेङ्‌चे एङ्‌यीमात जम्‍मनो तम्‍मा लोप्‍जेत्‍स्‍ये मुब, ओसेम् ङचे स्‍येत्‍पे जम्‍मनो तम्‍मा एङ्‌यीमात व्‍हल् खन लजेत्‍स्‍ये मुब।

प्रेरीत् 4:32

बीस्‍वासीमा जम्‍मनो सेम्‍तेङ् लोरी गीःनो तब मुबल। ओसेम् खल्‍चेएनो “चु स्‍हे ङल य्‍हीन्‍ब” बी अपङ्नले जम्‍मचेनो थेङ्‍यीमातेङ् मुबे स्‍हेमात कुङ्‍की स्‍हे म्‍हेन्‍ब मुबल।

रोमी 12:10

दीम् गी:की अज्‍यो अलेमात र्‌हङ्‌ले गी:चे गी:त म्‍होइगो, र्‌हङ्‌त बीमम् ल्‍हो-ल्‍होत य्‍हक्‍को स्‍य्‍हेस स्‍य्‍हेङो।

२ कोरीन्‍थी 9:1

यरुसलेम्‍री मुबे बीस्‍वासीमात र्‌हो लबे टङइ बारेरी एङ्‌यीमात ङचे ब्रीटीथोब बी अम्‍हेन्।

फीलीप्‍पी 3:15

ङ्‍य्‍हङ्‍मा आत्‍मारी च्‍यीप्‍पलमा जम्‍मचेनो चोलेनो म्‍हेन्‍थोब। एङ्‍यीमान्‍हङ्‍री डेत्‍डेत्‍ल ल्‍होःल्‍हो सेम् मुसम् पर्‌मेस्‍वर्‌चेनो एङ्‍यीमात खजु तम् ठीक् मुब हुजु गोनलजेत्‍स्‍ये मुब।

१ थेस्‍लोनीकी 5:1

ङइ र्‌होमा, चु तम्‍मा खेमा ओसेम् खजु बेलोरी तब बी एङ्‌यीमात ब्रीटीअथो।

हीब्रु 10:16

“परमप्रभुचे चोले सुङ्‍जेत्‍प, ‘लीक्‍यम् खस्‍येकी दीन्‍मारी ङचे थेङ्‌यीमातेङ् स्‍य्‍हेङ्‍स्‍येकी छार् करार् चुनो य्‍हीन्‍ब, थेङ्‍यीमाकी सेम्‍री ङ ङइ नीयम्‍मा थेन्‍पीन्‍स्‍ये मुब, ओसेम् थेङ्‍यीमाकी लोरी ङ हुजुमा ब्रीपीन्‍स्‍ये मुब।’”

हीब्रु 13:1

गीःचे गीः त अज्‍यो अले अन अङत र्‌हङले म्‍होइस्‍यीनो टीउ।

१ पत्रुस 3:8

ज्‍युरी ङ पङ्‍ब, एङ्‍यीमा सेम् गी: तज्‍यीम् गीचे गीइ दुख गोउ। दीम् गी:की म्‍हेम्‍यत र्‌हङ्‌ले गी:चे गी:त म्‍होइगो ओसेम् दयालुतेङ् नम्र तउ।

१ पत्रुस 4:8

जम्‍मन्‍हङ्‍री ङ्‍हच्‍छ्‍यङ् तम्‍मी र्‌हङ्‍की सेम् य्‍हङ्‌सेनो गीःचे गीःत म्‍होइज्‍यीम् टीब य्‍हीन्‍ब, तलेपङ्‍सम् म्‍होइबचे य्‍हक्‍को पापमा गप्‍प।

२ पत्रुस 1:7

ओसेम् पर्‌मेस्‍वर्‌त सेम्‍री ङ्‌यीबे लक्‍री अज्‍यो अलेमाकी वास्‍त, अज्‍यो अलेमाकी वास्‍तरी म्‍होइब कबो।

१ युहन्‍ना 2:10

खल्‍चे र्‌हङ्‍की बीस्‍वासी र्‌होमात म्‍होइब, थे य्‍हल्‍री तब, ओसेम् र्‌हङ्‍त उन्‍नलबे तइ तमएनो थेतेङ् अत।

१ युहन्‍ना 3:11

ङ्‍य्‍हङ्‍माचे गीःचे गीःत म्‍होइथोब पङ्‍बे सम्‍तर् एङ्‍यीमाचे चु:ब य्‍हङ्‌सेनो थ्‍येःबल मुब।

१ युहन्‍ना 3:23

पर्‌मेस्‍वर्‌चे कुल्‍जेत्‍पे अर्‌तीम् चुनो य्‍हीन्‍ब- ङ्‍य्‍हङ्‍चे थेङ्‌की ज येसु ख्रीस्‍ट्‍की छेन्‍री बीस्‍वास् स्‍य्‍हेङ्‍थोःब। ओसेम् ख्रीस्‍ट्‍चे कुल्‍जेत्‍प र्‌हङ्‌लेनो ङ्‍य्‍हङ्‍माचे गीःचे गीःत म्‍होइथोब।

१ युहन्‍ना 4:21

खल्‍चे पर्‌मेस्‍वर्‌त म्‍होइब थेचे ल्‍हो-ल्‍हो बीस्‍वासी र्‌होमातएनो म्‍होइथोब। चुनो ङ्‌य्‍हङ्‍मात ख्रीस्‍ट्‍चे कुल्‍जेत्‍पे अर्‌ती य्‍हीन्‍ब।