१ थेस्‍लोनीकी 4:4 - पश्‍चिम तामाङ

^4-5 एङ्‍यीमा जम्‍मचेनो पर्‌मेस्‍वर्‌त अस्येबे म्‍हीमाचे र्‌हङ्‌ले प्रो नापीन्‍बे सेम् थो:ज्‍यीम् अय्‍हीन्, तर पबीत्रतेङ् स्‍य्‍हेस स्‍य्‍हेङ्‌ज्‍यीम् र्‌हङ्‌की म्रीङ्‍तेङ् टीथोब।

१ थेस्‍लोनीकी 4:4 Iomraidhean Croise

प्रेरीत् 9:15

तर प्रभुचे थेत सुङ्‌ज्‍यी, “ङ्‍यीउ, तलेपङ्‍सम् ङचे थेत ङत तेन्‍बरी दम्‍बल मुब। थेचे यहुदी अय्‍हीन्‍बे म्‍हीमातेङ् ग्‍यल्‍बोमा ओसेम् इस्राएलकी म्‍हीमात ङइ मीन् थ्‍येःन लस्‍ये मुब।

रोमी 1:24

होत्‍तज्‍यीम् पर्‌मेस्‍वर्‌चे थेङ्‍यीमात थेङ्‍यीमाकी सेम्‍चे म्‍हेन्‍बे नइबे तम्‍मारीनो ख्‍लेथेन्‍जेत्‍ज्‍यी, ओसेम् थेङ्‍यीमाचे र्‌हङ्‌न्‍हङ्‌रीनो गीचे गीतेङ् पेत्‍पे लक्‍मा स्‍य्‍हेङ्‌ज्‍यी।

रोमी 12:1

होत्‍तज्‍यीम् ङइ र्‌होमा, पर्‌मेस्‍वर्‌की ङ्‍हच्‍छ्‍यङ् क्रीपा ङ्‍य्‍हङ्‍माइ जोरी मुबल तज्‍यीम् ङ एङ्‍यीमात फ्‍या लब, एङ्‍यीमाचे र्‌हङ्‍की ल्‍हीःत पर्‌मेस्‍वर्‌की ङोन्‍री पबीत्रातेङ् थेङ्‍त तङ्‍न लबे सोम्‍बो ठाकी रुप्‍री सोप्‍तीउ। एङ्‍यीमाचे चु देमेन्‍की तेन्‍ब एङ्‌यीमाचे स्‍य्‍हेङ्‌थोब।

रोमी 6:19

एङ्‍यीमाचे गोबरी गारो तबल तज्‍यीम् ङ एङ्‍यीमाचे गोनले मालीक्‍तेङ् बानाइ तम् ग्‍यम्‍से पङ्‍टीब। ङोन्‍ग्‍यम् एङ्‍यीमाचे र्‌हङ्‍त असुद्‍दतेङ् झेन् य्‍हक्‍को दुस्‍ट लक्‍माकी बाना तबरी सोप्‍तीज्‍यी। होलेनो देरेम् पबीत्र तबे लागीरी एङ्‍यीमाचे र्‌हङ्‍की जीवन् धार्‌मीक्‍ताकी बाना तबरी सोप्‍तीउ।

१ कोरीन्‍थी 6:15

एङ्‌यीमाकी ल्‍हीः ख्रीस्‍ट्‍की ल्‍हीःकी अङ्‍गमा य्‍हीन्‍ब पङ्‍बे तम् एङ्‍यीमाचे अस्‍ये? होले पङ्‌सम् ता ङचे ख्रीस्‍ट्‍की अङ्‍गत बेस्‍यइ अङ्‍ग तनलब? चोतेब खेमेएनो अतखइ!

१ कोरीन्‍थी 7:2

तर बेस्‍याइ लक् स्‍य्‍हेङ्‌बे परीक्ष य्‍हक्‍को खब, होत्‍तज्‍यीम् अपकोलमा जम्‍मलनो र्‌हङ्‍की म्रीङ् तखइ, ओसेम् अमकोलमालएनो र्‌हङ्‍की र्‌हेम्‍बो तखइ।

१ कोरीन्‍थी 7:9

तर एङ्‍यीमाचे र्‌हङ्‍की सेम् दुल्‍ब अखम्‍ज्‍यी पङ्‌सम् भ्‍या स्‍हेङो। तलेपङ्‍सम् सेम् नाअखम्‍ज्‍यीम् टीब बीमम् भ्‍या स्‍य्‍हेङ्‍बनो ज्‍यब य्‍हीन्‍ब।

२ कोरीन्‍थी 4:7

ङ्‍य्‍हङ्‍माकी सेम्‍री चु य्‍हल्‍की सर्‌ब मुब, तर ङ्‍य्‍हङ्‍मामी सेप्रइ तङ्‍लो र्‌हङ्‍ब य्‍हीन्‍ब, हुजुरी चु आत्‍मीक् सम्‍पती थेन्‍बल मुब। चु ग्‍यम्‍से स्‍येःबकी ङ्‍य्‍हङ्‍माकी जम्‍मनो सक्‍ती पर्‌मेस्‍वर् ग्‍यम्‍से खब, ङ्‍य्‍हङ्‍मा र्‌हङ् ग्‍यम्सेनो अय्‍हीन्।

फीलीप्‍पी 4:8

देरेम् ज्‍युःरी बीस्‍वासी र्‌होमा, खजु तम् देमेन् मुब, खजु तम् स्‍य्‍हेस यङ्‌बल मुब, खजु तम् ठीक् मुब, खजु तम् सुद्‍द मुब, खजु तम् म्‍होइबरी जेःबल मुब, खजु तम् म्‍हीमात सेम्‍री ङ्‌यीबल मुब, ओसेम् खजु तम् य्‍हक्‍को ज्‍यबतेङ् तोप्‍परी जेःबल मुब हुजु तम्‍मारी सेम् पीनो।

हीब्रु 13:4

जम्‍मचेनो भ्‍यात स्‍य्‍हेस स्‍य्‍हेङ्‍थोब, म्रीङ्‍तेङ्‍ र्‌हेम्‍बोइ सम्‍बन्‍ध गी:चे गीःतेङ् बीस्‍वासीलो तथोब। तलेपङ्‌सम् बेस्‍या स्‍य्‍हेङ्‍बलतेङ् ब्‍यभीचार स्‍य्‍हेङ्‍बलमात परमेस्‍वरचे सजाय न्‍हङ्‌जेत्स्‍ये मुब।

१ पत्रुस 3:7

र्‌हेम्‍बोमा, एङ्‌यीमाचेएनो र्‌हङ्‍की म्रीङ्‌मात ज्‍यबे ब्‍यबहार स्‍य्‍हेङ्‌ज्‍यीम् स्‍य्‍हेस स्‍य्‍हेङो, तलेपङ्‌सम् एङ्‌यीमाकी म्रीङ्‍मा एङ्‍यीमागदे बङ्‍ज्‍येन् अरेलेनो पर्‌मेस्‍वर्‌चे न्‍हङ्‌बे खेमेनो अबेबे जीवन् एङ्‌यी म्रीङ् र्‌हेम्‍बोमा जम्‍मचेनो यङ्‍स्‍ये मुब। एङ्‌यीमाकी प्रार्‌थनारी ताचेएनो उन्‍न अलखइ पङ्‍ज्‍यीम् चोले स्‍य्‍हेङो।