१ थेस्लोनीकी 4:3 - पश्चिम तामाङ3 एङ्यीमा पबीत्र तउ पङ्बे थुः पर्मेस्वर्ल मुब, होत्तज्यीम् एङ्यीमा ब्यभीचार् ग्यम्से थारीङ् टीउ। Faic an caibideil |
१ थेस्लोनीकी 4:3
47 Iomraidhean Croise
थेङ्यीमाकी मी म्रङ्न लपीन्बरी पीत्प। होत्तज्यीम् थेङ्यीमा म्हुन्दुङ्ग्यम्से य्हल्री, सैतान्की सक्ती ग्यम्चे पर्मेस्वर्पट्टी दोखइ। ओसेम् थेङ्यीमाकी पापमा क्षमा तस्ये मुब, ओसेम् ङत बीस्वास् स्य्हेङ्बल तज्यीम् पर्मेस्वर्चे दम्जेत्पलमाकी गुङ्री थेङ्यीमाचेएनो ग्ला यङ्स्ये मुब।’
पर्मेस्वर्चे एङ्यीमात येसु ख्रीस्ट्तेङ् गीः तनलजेत्ज्यी। पर्मेस्वर्चेनो ख्रीस्ट्त ङ्य्हङ्की लागीरी बुद्दी स्य्हेङ्जेत्ज्यी। ओसेम् ख्रीस्ट्चे ङ्य्हङ्त पर्मेस्वर्की ङोन्री धार्मीक् स्य्हेङ्जेत्ज्यी, थेङ्चेनो ङ्य्हङ्त पर्मेस्वर्की पबीत्र म्ही स्य्हेङ्जेत्ज्यी, ओसेम् पाप ग्यम्से फेःपीन्जेत्ज्यी।
एङ्यीमात खदु लबरी ङ देबेएनो खबतेङ् ङइ पर्मेस्वर्चे ङत एङ्यीमाकी ङोन्री ज्यीद तनलजेत्स्ये मुब बी ङ लोङ्बल मुब, तलेपङ्सम् एङ्यीमान्हङ्री य्हक्को र्हङ्बचेनो ङोन्ग्यम्की पाप्मा स्य्हेङ्ब पीत्पल अरे। हुजु असुद्द लक् स्य्हेङ्बल, ब्याभीचार् स्य्हेङ्बल ओसेम् सेम्री ता म्हेन्ज्यी हुजुनो स्य्हेङ्बलमाचे पस्चाताप् स्य्हेङ्ज्यीम् पर्मेस्वर्पट्टी अदोःबल तज्यीम् ङइ सेम्री य्हक्को दुख तस्ये मुब।
होत्तज्यीम् ङ्यीमाचे एङ्यीमाकी बारेरी थ्येब य्हङ्सेनो ङ्यीमाचे खेम पङ्लेनो एङ्यीमाकी लागीरी प्रार्थना स्य्हेङ्स्यीनो टीब। पबीत्र आत्माचे न्हङ्जेत्पे ज्ञान्तेङ् गोब ग्यम्से तज्यीम् एङ्यीमाचे पर्मेस्वर्चे थुः लजेत्पे जम्मनो तम्मा ज्यनले स्येःब खम्खइ पङ्ज्यीम् प्रार्थना स्य्हेङ्स्यीनो टीब।
येसु ख्रीस्ट्की लक् स्य्हेङ्बे एङ्यीमान्हङ्की इपाफ्रास पङ्बे अलेचेएनो लस्सो पीत्खबल मुब। थेचे एङ्यीमाकी लागीरी खेम पङ्लेनो प्रार्थना स्य्हेङ्स्यीनो टीब। पर्मेस्वर्चे थुः लजेत्पे जम्मनो तम्मा एङ्यीमाचे ज्यनले ङ्येन्ज्यीम् च्यीप्पे बीस्वासीमा तखइ पङ्बे प्रार्थना थेल मुब।
प्रभुचे म्होइजेत्पे र्होमा, एङ्यीमाकी लागीरी ङ्यीमाचे खेम पङ्लेनो पर्मेस्वर्त व्होर्छ्ये पीन्थोब, तलेपङ्सम् जम्बुलीङ् ठुङ्ब बीम ङोन्ग्यम् य्हङ्सेनो पबीत्र आत्माइ पबीत्र स्य्हेङ्बे लक् ग्यम्से ओसेम् देमेन्त स्य्हेङ्बे बीस्वास् ग्यम्से थर्बे लागीरी पर्मेस्वर्चे एङ्यीमात दम्जेत्ज्यी।
पर्मेस्वर् अपचे य्हक्को ङोन्ग्यम्नो थेङ्की योजना अनुसार् एङ्यीमात र्हङ्की पबीत्र म्हीमा तबरी दम्जेत्पल य्हीन्ब। येसु ख्रीस्ट्की काःचे पबीत्र तज्यीम् येसु ख्रीस्ट्चे कुल्जेत्पे अर्ती एङ्यीमाचे ङ्येन्ब खमो पङ्ज्यीम् थेङ्चे एङ्यीमात आत्मा ग्यम्से र्हङ्ल स्य्हेङ्जेत्ज्यी। एङ्यीमात अनुग्रहतेङ् सान्ती य्हक्को तखइ।
Sanasan