१ थेस्‍लोनीकी 4:1 - पश्‍चिम तामाङ

¹ ज्‍युरी ङइ र्‌होमा, एङ्‍यीमाचे ङ्‌यीमा ग्‍यम्‍से पर्‌मेस्‍वर् तङ्‍नले ब्रब लोप्‍पल मुब। ओसेम् एङ्‍यीमाचे हुजु र्‌हङ्‌लेनो ब्रटीबल मुब। देरेम् झेन्‍नो पर्‌मेस्‍वर्‌त य्‍हक्‍को तङ्‍नले ब्रस्‍यीनो टीउ बी प्रभु येसु ख्रीस्‍ट्‍की छेन्‍री एङ्‌यीमात फ्‍या लब।

१ थेस्‍लोनीकी 4:1 Iomraidhean Croise

युहन्‍ना 15:2

ङतेङ् मुज्‍यीमएनो रोरो अरोबे जम्‍मनो य्‍हर्‌ङमाम् थाज्‍यीम् ख्‍लाजेत्‍प। ओसेम् रोरो रोःबे जम्‍मनो य्‍हर्‌ङमात झेन् य्‍हक्‍को रोखइ बी छेप्‍लाब।

प्रेरीत् 20:27

तलेपङ्‍सम् पर्‌मेस्‍वर्‌चे ङ्‌य्‍हङ्‌माकी उद्‍दार्‌की लागीरी स्‍य्‍हेङ्‍जेत्‍पलतेङ् स्‍य्‍हेङ्‍जेत्‍स्‍येकी लक्‍की बारेरी तइ तम्‍एनो बाकी अथेन्‍नले ङचे जम्‍मनो एङ्‌यीमात स्‍येत्‍ज्‍यीन्‍बल मुब।

रोमी 8:8

ल्‍हीःकी पाप् स्‍वभाब् अनुसार ब्रबे म्‍हीचे पर्‌मेस्‍वर्‌त तङ्‍न लब अखम्।

१ कोरीन्‍थी 11:23

तलेपङ्‍सम् ङचे प्रभु ग्‍यम्‍से ता लोप्‍ज्‍यी हुजु एङ्‍यीमातएनो लोप्‍पीन्‍ज्‍यी। प्रभु येसुत चुङ्‍न लपीन्‍बे म्‍हुन थेङ्‍चे गेङ् थोजेत्‍ज्‍यी,

१ कोरीन्‍थी 15:1

ओसेम् म्‍होइबे र्‌होमा, ङचे एङ्‍यीमात प्रचार स्‍य्‍हेङ्‌बे ज्‍यबे सम्‍तर् ङ एङ्‍यीमात देबेनो व्‍हल् लपीन्‍ब। एङ्‍यीमाचे हुजु ज्‍यबे सम्‍तर्‌त ग्रहन् लज्‍यी, ओसेम् हुजुरी बीस्‍वास् स्‍य्‍हेङ्‍स्‍यीनोटीबल मुब।

१ कोरीन्‍थी 15:58

होत्‍तज्‍यीम् म्‍होइबे र्‌होमा, एङ्‍यीमा बीस्‍वास्‍री कोङ्‍ज्‍यीम् य्‍हङ् य्‍होङ् अतनले टीउ। प्रभुइ लक् खेम पङ्‍लेएनो स्‍य्‍हेङ्‍स्‍यीनो टीउ। तलेपङ्‍सम् एङ्‍यीमाचे स्‍येःब, प्रभुरी एङ्‍यीमाचे दुख लज्‍यीम् स्‍य्‍हेङ्‌बे लक् खेर य्‍हर्‌स्‍ये अरे।

२ कोरीन्‍थी 10:1

एङ्‌यीमान्‍हङ्‍की डेत्‍डेत् म्‍हीमाचे पङ्‍ब, एङ्‌यीमाकी ङ्‍होन्‍सङ् ङ नम्र तब, तर एङ्‌यीमा ग्‍यम्‍से थारीङ् तबतेङ्मी कठोर् तब। देरेम्, ङ पावलचेनो एङ्‌यीमात ख्रीस्‍ट्‍की नम्रतेङ् दय ग्‍यम्‍से फ्‍या लज्‍यीम् पङ्‍ब,

२ कोरीन्‍थी 13:11

ज्‍युःरी, बीस्‍वासी र्‌होमा, तङो। एङ्‍यीमाचे सेम् य्‍हङ्‌सेनो प्रभुइ फ्रोइ ङ्‌येन्‍ज्‍यीम् ब्रबे सेम् थोःगो। ङचे फ्‍या लबे तम् ङ्‌येनो, गीःचे गीःत पङ्‍बल ङ्‌येन्‍ज्‍यीम् थुन्‍ज्‍यीम् टीउ। ओसेम् एङ्‍यीमात सान्‍तीतेङ् म्‍होइब न्‍हङ्‍जेत्पे पर्‌मेस्‍वर् एङ्‍यीमातेङ् स्‍य्‍हुजेत्‍स्‍ये मुब।

२ कोरीन्‍थी 5:9

होत्‍तज्‍यीम् ङ्‍य्‍हङ्‍मा चु जम्‍बुलीङ्‌री टीलेएनो, स्‍वर्‌गरी टीलेएनो ङ्‍य्‍हङ्‍माचे प्रभुत तङ्‍नलबे सेम् थोब।

२ कोरीन्‍थी 6:1

ङ्‌यीमा पर्‌मेस्‍वर्‌तेङ् बक्‍च्‍य लक् स्‍य्‍हेङ्‌बे म्‍हीमा तबल तज्‍यीम् एङ्‍यीमात फ्‍या लब, एङ्‍यीमाचे पर्‌मेस्‍वर् ग्‍यम्‍से यङ्‍बे अनुग्रहत खेर य्‍हर्‌न थलउ।

गलाती 6:1

ङइ बीस्‍वासी र्‌होमा, खल्‍चे पङ्‌लेनो अज्‍यबे लक् स्‍य्‍हेङ्‍टीसम् एङ्‌यी आत्‍मा ग्‍यम्‍से सोबलमाचे नम्र तज्‍यीम् थेत ज्‍यबे ग्‍यम्‍री ब्रन लबरी र्‌हो स्‍य्‍हेङ्‍थोब। तर एङ्‌यीमा र्‌हङएनो परीक्षारी अदोखइ पङ्‍ज्‍यीम् होसीयार् तथोब।

एफीसी 4:1

होत्‍तज्‍यीम् प्रभुइ लक् स्‍य्‍हेङ्‍बल तज्‍यीम् झेल्‍री च्‍युप्‍पे म्‍ही, ङ एङ्‍यीमात फ्‍या लज्‍यीम् पङ्‍ब, पर्‌मेवर्‌चे र्‌हङ्‍की म्‍हीमा तबरी दम्‍जेत्‍पे म्‍हीमाचे सोब र्‌हङ्‍बे जीवन् एङ्‌यीमाचेएनो सोउ।

एफीसी 4:20

तर एङ्‍यीमाचेम् ख्रीस्‍ट्की बारेरी होतेबे अज्‍यबे तम्‍मा लोप्‍पल अरे।

एफीसी 5:17

होत्‍तज्‍यीम् मुर्‌ख थतउ, तर एङ्‌यीमाचे ता स्‍य्‍हेङ्‌खइ पङ्‍बे थुः प्रभुल मुब हुजु गोउ।

फीलीप्‍पी 1:27

ङ्‍हच्‍छ्‍यङ् तम् चुनो य्‍हीन्‍ब की एङ्‌यीमाकी जीवन्‍की चालचलन ख्रीस्‍ट्‍की ज्‍यबे सम्‍तर्‌त जेःबल तखइ। होत्‍तज्‍यीम् ङचे एङ्‍यीमात खदु तलेनो, अतलेनो एङ्‍यीमाचे उदेस्‍ये गी:कीनो कीन्‍ज्‍यीम् सेम् गीः तज्‍यीम् ज्‍यबे सम्‍तर् ग्‍यम्‍से बीस्‍वास्की लागीरी लक् स्‍य्‍हेङ्‍टीब बी ङचे थ्‍ये:म्‍यङ्‍खइ।

फीलीप्‍पी 1:9

ङइ प्रार्‌थना मुब की एङ्‌यीमाकी चु म्‍होइब ज्ञान्‍तेङ बुद्‍दीरी य्‍हक्‍को तबोर्‌स्‍यीनो टीखइ।

फीलीप्‍पी 3:14

होत्‍तज्‍यीम् ङ स्‍वर्‌गइ बक्सीस् डाबे सेम् लज्‍यीम् छयोङ्‍टीब मुब। पर्‌मेस्‍वर्‌चे ङत चुइ लागीरी ख्रीस्‍ट् येसु ग्‍यम्‍से खेमेएनो अबेबे जीवन् यङ्‍बरी ङ्‌होत्‍जेत्‍ज्‍यी।

कलस्‍सी 1:10

ओसेम् एङ्‍यीमाचे प्रभुत सेम्‍री ङ्‌यीबे बानी बेहोर्‌मा थोःज्‍यीम् खेम पङ्‌लेनो थेङ्‍त तङ्‍नलबे लक्‍मा स्‍य्‍हेङ्‍ब खम्‍स्‍ये मुब। ओसेम् एङ्‍यीमाचे जम्‍मनो ज्‍यबे लक्‍मा य्‍हक्‍को स्‍य्‍हेङ्‍स्‍यीनो बोर्‌स्‍ये मुब, ओसेम् एङ्‌यीमाचे पर्‌मेस्‍वर्‌की बारेरी झेन् य्‍हक्‍को गोस्‍ये मुब।

कलस्‍सी 2:6

होत्‍तज्‍यीम् एङ्‍यीमाचे येसु ख्रीस्‍ट्‍त एङ्‌यीमाकी प्रभु पङ्‍ज्‍यीम् ग्रहन् स्‍य्‍हेङ्‍ब र्‌हङ्‌लेनो देरेम् थेङ्‌की लीप्‍चे ब्रस्‍यीनो टीउ।

१ थेस्‍लोनीकी 3:12

ङ्‌यीमाचे एङ्‌यीमात म्‍होइब र्‌हङ्‌लेनो एङ्‌यीमाचेएनो गीचे गीःत ओसेम् म्‍हीमा जम्‍मतनो झेन् झेन्‍नो म्‍होइबरी प्रभुचे र्‌हो लजेत्‍खइ।

१ थेस्‍लोनीकी 4:2

तलेपङ्‍सम् ङ्‌यीमाचे प्रभु येसुइ अधीकार् ग्‍यम्‍से एङ्‌यीमात अर्‌तीमा पीन्‍बल मुब बी एङ्‍यीमाचे स्‍येबल मुब।

१ थेस्‍लोनीकी 5:12

ङइ र्‌होमा ङ्‌यीमा एङ्‌यीमात फ्‍या लब, एङ्‌यीमाकी गुङ्‍री सेम् य्‍हङ्‌सेनो प्रभुइ लक् स्‍य्‍हेङ्‌बतेङ् एङ्‌यीमात प्रभुरी खले सोथोब बी लोप्‍पे अगुवामात स्‍य्‍हेस स्‍य्‍हेङो।

२ थेस्‍लोनीकी 1:3

र्‌होमा, एङ्‌यीमाकी बीस्‍वास् य्‍हक्‍को तबोर्‌टीबल मुब। ओसेम् एङ्‍यीमाचे गीःचे गीःत झेन् य्‍हक्‍को म्‍होइस्‍यीनो टीबोर्‌बल मुब। होत्‍तज्‍यीम् एङ्‌यीमाकी लागीरी ङ्‌यीमाचे पर्‌मेस्‍वर्‌त खेम पङ्‌लेनो व्‍होर्‌छ्‍ये पीन्‍थोब।

२ थेस्‍लोनीकी 2:1

र्‌होमा, ङ्‍य्‍हङ्‍की प्रभु येसु ख्रीस्‍ट् दोःज्‍यीम् ब्‍योन्‍युजेत्‍स्‍ये मुब, ओसेम् ङ्‍य्‍हङ्‍मा थेङ्‍त खदु लबरी र्‌हुब् तस्‍ये मुब। होत्‍तज्‍यीम् ङ्‌यीमा एङ्‌यीमात चु तम्‍की बारेरी फ्‍या लब,

२ थेस्‍लोनीकी 3:1

ज्‍युरी, र्‌होमा, एङ्‌यीमाकी गुङ्‍री तब र्‌हङ्‌लेनो प्रभुइ ज्‍यबे सम्‍तर् खन बीबीनो झेन् य्‍हक्‍को ग्‍योनले ठम्‍ज्‍यीम् ङ्‍हच्‍छ्‍यङ् स्‍य्‍हेस तखइ पङ्‍ज्‍यीम् ङ्‍यीमाकी लागीरी प्रार्‌थना स्‍य्‍हेङ्‌पीनो।

२ थेस्‍लोनीकी 3:13

तर अज्‍यो-अलेमा, एङ्‍यीमामी ज्‍यबे लक् स्‍य्‍हेङ्‌बरी खेमेएनो थदुगो।

१ तीमोथी 5:21

पर्‌मेस्‍वर्‌तेङ् येसु ख्रीस्‍ट् ओसेम् पबीत्र स्‍वर्‌गदुत्‍माकी ङ्‍होन्‍सङ् ङ एत कुल्‍ब, ङचे एत लोप्‍पे चु तम्‍म एचे ङ्‌येनो। डेत्‍की तम् ङ्‍येन्‍ब ओसेम् डेत्‍की तम् अङ्‌येन्‍ब अय्‍हीन्, जम्‍मलनो तम् ङ्‌येनो।

२ तीमोथी 4:1

सोम्‍बोमातेङ् स्‍यीबलमाकी न्‍याय स्‍य्‍हेङ्‍जेत्‍परी ओसेम् जम्‍मइ जोरी सासन् स्‍य्‍हेङ्‍जेत्‍परी ब्‍योन्‍युटीबे येसु ख्रीस्‍ट्‍तेङ् पर्‌मेस्‍वर्‌की ङ्‍होन्‍सङ् ङ एत स्‍य्‍हेङ्‍नो थोःब पङ्‍ज्‍यीम् चु तम् कुल्‍ब।

हीब्रु 11:6

बीस्‍वास् अस्‍य्‍हेङ्‍नले खल्‍चेएनो पर्‌मेस्‍वर्‌त तङ्‍नलब अखम्। तलेपङ्‍सम् पर्‌मेस्‍वर्‌ज खबलमा खल्‍चे पङ्‌लेनो पर्‌मेस्‍वर् मुब ओसेम् थेङ्‍त म्‍हइबलमात थेङ्‍चे बक्सीस् न्‍हङ्‍जेत्‍प पङ्‍ज्‍यीम् बीस्‍वास् स्‍य्‍हेङ्‌नोथोःब।

हीब्रु 13:16

गीःचे गीःत ज्‍यब स्‍य्‍हेङ्‌बतेङ् र्‌हो स्‍य्‍हेङ्ब थम्‍लेतो। चुमानो पर्‌मेस्‍वर् तङ्‌बे ठा:मा य्‍हीन्‍ब।

हीब्रु 13:22

बीस्‍वासी र्‌होमा, ङ एङ्‍यीमात फ्‍यालब, एङ्‍यीमाचे ङइ अर्‌तीमा ज्‍यनले ङ्‌येनो तलेपङ्‍सम् ङचे तुन्‍जले ब्रीबल मुब।

२ पत्रुस 3:18

तर खेम पङ्‌लेनो ङ्‍य्‍हङ्‍की प्रभुतेङ् मुक्‍तीदाता येसु ख्रीस्‍ट्‍की अनुग्रहतेङ् ज्ञान्‍री य्‍हक्‍को तस्‍यीनोबोरो। देरे ओसेम् खेम पङ्‌लेनो थेङ्‍तनो तोप्‍प तखइ। आमेन्!

१ युहन्‍ना 3:22

ओसेम् ङ्‍य्‍हङ्‍चे ता र्‌हीत्‍ज्‍यी हुजु यङ्‍ब, तलेपङ्‍सम् ङ्‍य्‍हङ्‍मा थेङ्‌चे कुल्‍जेत्‍पे अर्‌तीमा ङ्‌येन्‍ज्‍यीम् ब्रब, ओसेम् थेङ् तङ्‍बे लक् स्‍य्‍हेङ्‌ब।