Biblia Todo Logo
Bìoball air-loidhne

- Sanasan -




१ थेस्‍लोनीकी 3:8 - पश्‍चिम तामाङ

8 तलेपङ्‌सम् एङ्‍यीमा प्रभुरी कोङ्‍नले बीस्‍वास् स्‍य्‍हेङ्‌ज्‍यीम् टीबे सम्‍तर् थ्‍येःज्‍यीम् ङ्‍यीमात दोज्‍यीम् बुः खबर्‌हङ्‍ तज्‍यी।

Faic an caibideil Dèan lethbhreac




१ थेस्‍लोनीकी 3:8
24 Iomraidhean Croise  

एङ्‍यीमा ङतेङ् गी तउ, ओसेम् ङ एङ्‌यीमातेङ् गीः तस्‍ये मुब। दोङ्‌बोतेङ् अतबे य्‍हर्‌ङचे रोरो रोःब अखम्, होलेनो एङ्‍यीमा ङतेङ् गीः अतसम् एङ्‍यीमाचे रोरो रोःब खम्‍स्‍ये अरे।


एङ्‍यीमा ङतेङ् तज्‍यी पङ्‌सम्, ओसेम् ङचे पङ्‍बे तम्‍मा एङ्‌यीमातेङ् तज्‍यी पङ्‌सम् एङ्‍यीमाचे सेम्‍चे म्‍हेन्‍बल र्‌हीतो, ओसेम् हुजु एङ्‌यीमाकी लागीरी स्‍य्‍हेङ्‍पीन्‍स्‍ये मुब।


येसुचे थेङ्‌त बीस्‍वास् स्‍य्‍हेङ्‌बे यहुदीमात सुङ्‌ज्‍यी, “ङचे लोप्‍पे तम्‍मा ङ्‌येन्‍ज्‍यीम् ब्रस्‍यीनो टीज्‍यी पङ्‌सम् एङ्‌यीमा देमेन्‍नो ङइ डबमा य्‍हीन्‍ब।


बारनाबास एन्‍टीओखीया दोखब बीसेम् पर्‌मेस्‍वर्‌चे म्‍हीमात मोलम् न्‍हङ्‌बल म्रङ्‌ज्‍यीम् य्‍हक्‍को तङ्‌ज्‍यी। ओसेम् थेङ्‌यीमात खेम पङ्‌लेनो सेम् य्‍हङ्‌सेनो प्रभुत बीस्‍वास् लज्‍यीम् टीउ पङ्‍ज्‍यीम् आर् पीन्‍ज्‍यी।


होत्‍तज्‍यीम् म्‍होइबे र्‌होमा, एङ्‍यीमा बीस्‍वास्‍री कोङ्‍ज्‍यीम् य्‍हङ् य्‍होङ् अतनले टीउ। प्रभुइ लक् खेम पङ्‍लेएनो स्‍य्‍हेङ्‍स्‍यीनो टीउ। तलेपङ्‍सम् एङ्‍यीमाचे स्‍येःब, प्रभुरी एङ्‍यीमाचे दुख लज्‍यीम् स्‍य्‍हेङ्‌बे लक् खेर य्‍हर्‌स्‍ये अरे।


होसीयार् तज्‍यीम् टीउ, कोङ्‍ज्‍यीम् टीउ, आर् लज्‍यीम् टीउ ओसेम् बीस्‍वास्‍री य्‍हङ्‌य्‍होङ् अतनले टीउ।


ख्रीस्‍ट्‍चे ङ्‍य्‍हङ्‍मात मोसाचे ब्रीबे नीयम् ग्‍यम्‍से फेःपीन्‍जेत्‍पल मुब, होत्‍तज्‍यीम् ङ्‍य्‍हङ्‍मा स्‍वतन्‍त्र तबल मुब। होत्‍तज्‍यीम् सेम् कोङ्‍ज्‍यीम् टीउ, ओसेम् देबेएनो मोसाचे ब्रीबे पर्‌मेस्‍वर्‌की नीयम्‍की बाना थतउ।


ओसेम् एङ्‍यीमाचे ख्रीस्‍ट्‍त बीस्‍वास् स्‍य्‍हेङ्‍बल तज्‍यीम्, ङ प्रार्‌थना स्‍य्‍हेङ्‌ब ख्रीस्‍ट् एङ्‌यीमाकी सेम्‍री स्‍य्‍हुजेत्‍स्‍यीनो टीखइ। हुजुलीप्‍चे एङ्‍यीमा पर्‌मेस्‍वर्‌की म्‍होइबरी दोङ्‌बोइ टा नुप्‍नले ङ्‍यीब र्‌हङ्‌ले ओसेम् कोङ्‍नले यु:बे जग र्‌हङ्‌ले कोङ्‍ज्‍यीम् टीखइ। होत्‍तज्‍यीम्, ङ प्रार्‌थना स्‍य्‍हेङ्‍ब की एङ्‌यीमातेङ्


तलेपङ्‍सम् ङइ लागीरी सोबमी ख्रीस्‍ट् य्‍हीन्‍ब, ओसेम् स्‍यीबमी फाइद य्‍हीन्‍ब।


ङ्‍हच्‍छ्‍यङ् तम् चुनो य्‍हीन्‍ब की एङ्‌यीमाकी जीवन्‍की चालचलन ख्रीस्‍ट्‍की ज्‍यबे सम्‍तर्‌त जेःबल तखइ। होत्‍तज्‍यीम् ङचे एङ्‍यीमात खदु तलेनो, अतलेनो एङ्‍यीमाचे उदेस्‍ये गी:कीनो कीन्‍ज्‍यीम् सेम् गीः तज्‍यीम् ज्‍यबे सम्‍तर् ग्‍यम्‍से बीस्‍वास्की लागीरी लक् स्‍य्‍हेङ्‍टीब बी ङचे थ्‍ये:म्‍यङ्‍खइ।


होत्‍तज्‍यीम् ङइ म्‍होइबे बीस्‍वासी र्‌होमा, ङ एङ्‍यीमात म्‍होइब, ओसेम् एङ्‌यीमात य्‍हक्‍को व्‍हल् लस्‍यीनो टीब, एङ्‍यीमाचे लज्‍यीम् ङ य्‍हक्‍को तङ्‍ब ओसेम् एङ्‍यीमानो ङइ लक्‍की बक्सीस् य्‍हीन्‍ब। ङइ म्‍होइबे बीस्‍वासी र्‌होमा, एङ्‍यीमा प्रभुरी चोलेनो कोङ्‍ज्‍यीम् टीउ।


होत्‍तज्‍यीम् एङ्‍यीमा र्‌हङ्‍की बीस्‍वास्‍री य्‍हङ्‌य्‍होङ् अतनले कोङ्‍ज्‍यीम् टीथोब। ओसेम् एङ्‍यीमाचे ज्‍यबे सम्‍तर् थ्‍येःबे बेलोरी यङ्‍बे आस्‍त थपीतो। एङ्‍यीमाचे थ्‍येःबे चु ज्‍यबे सम्‍तर् जम्‍बुलीङ्‌की जम्‍मनो ग्‍लाकी म्‍हीमात स्‍येत्‍पल मुब। ओसेम् ङ पावलएनो चु ज्‍यबे सम्‍तर् स्‍येत्‍पे लक् स्‍य्‍हेङ्‌बे योक्‍पो तबल मुब।


होत्‍तज्‍यीम् ङइ र्‌होमा, एङ्‌यीमाकी बीस्‍वासकी तम् थ्‍येःज्‍यीम् ङ्‍यीमात र्‌होचे अखोज्‍यीम् य्‍हक्‍को दुख यङ्‌बे बेलोरीएनो आर् यङ्‌बल मुब।


ङ्‍य्‍हङ्‍माचे थेन्‍बे आस्‍री य्‍हङ्‌य्‍होङ् अतनले कोङ्‍ज्‍यीम् टीइ, तलेपङ्‌सम् बाचा स्‍य्‍हेङ्‌जेत्‍पे पर्‌मेस्‍वर् बीस्‍वासीलो मुब।


ङ्‍य्‍हङ्‍माचे सुरुरी स्‍य्‍हेङ्‌बे बीस्‍वास्‍री ङ्‍य्‍हङ्‍मा सोगदे सम्‍मनो कोङ्‍ज्‍यीम् टीज्‍यी पङ्‌सम्, ङ्‍य्‍हङ्‍मा ख्रीस्‍ट्‍तेङ् बक्‍च्‍य हक् यङ्‌बल तस्‍ये मुब।


होत्‍तज्‍यीम् ङ्‍य्‍हङ्‍माचे स्‍य्‍हेङ्‌बे बीस्‍वास्‍री झेन् कोङ्‍ज्‍यीम टीइ, तलेपङ्‍सम् स्‍वर्‌गरी स्‍येःजेत्‍पे पर्‌मेस्‍वर्‌की ज येसुनो ङ्‍य्‍हङ्‍माकी गोदोब्‍न्‍हङ्‍की ङ्‍य्‍हच्‍छ्‌यङ् लम्‍बु य्‍हीन्‍ब।


जम्‍मनो अनुग्रह न्‍हङ्‌बे पर्‌मेस्‍वर्‌चे ख्रीस्‍ट्‍री र्‌हङ्‍की खेमेएनो अबेबे महीमा जुबे लागीरी एङ्‍यीमात ङ्‌होत्‍जेत्‍पल मुब। एङ्‍यीमाचे य्‍हम् दुख नाब बीसेम् थेङ्‌चेनो एङ्‍यीमात छार् स्‍य्‍हेङ्‍जेत्‍स्‍ये मुब, ओसेम् सक्‍ती न्‍हङ्‌ज्‍यीम् य्‍हङ्‌य्‍होङ् अतनले कोङ्‍नलजेत्‍स्‍ये मुब।


तर म्‍होइबे र्‌होमा, एङ्‍यीमाचे चु तम् ङोन्‍नो स्‍येःज्‍यीन्‍बल मुब। चोङ्‍ले टीउ, होत्‍तज्‍यीम् पर्‌मेस्‍वर्‌की फ्रोइत अङ्‍येन्‍बे म्‍हीमाचे एङ्‌यीमात थोम्‍न लम्‍यङ्‍स्‍ये अरे, ओसेम् एङ्‍यीमाचे र्‌हङ्‍की कोङ्‌बे बीस्‍वास् पीत्‍स्‍ये अरे।


ङ ग्‍योनेनो खटीब। एतेङ् ता मुब हुजुत कोङ्‍नले चुङ्‌ज्‍यीम् टीउ, ओसेम् एइ इनाम् खल्‍चेएनो ब्‍येन्‍ब खम्‍स्‍ये अरे।


एचे ता थेःबलतेङ् लोप्‍पल मुब हुजुत व्‍हल् लउ। हुजुत ङ्‌येन्‍ज्‍यीम् ब्रउ ओसेम् पस्‍चताप् स्‍य्‍हेङो। ए होसीयार् तज्‍यीम् अटीज्‍यी पङ्‌सम् ङ य्‍हो खब र्‌हङ्‌ले खस्‍ये मुब, ओसेम् ङ गदे बेलो खस्‍ये मुब, हुजु एचे स्‍येःस्‍ये अरे।


Lean sinn:

Sanasan


Sanasan