१ थेस्‍लोनीकी 3:4 - पश्‍चिम तामाङ

⁴ तलेपङ्‌सम् ङ्‌यीमा एङ्‌यीमातेङ् बक्‍च्‍य मुबे बेलोरीनो दुखमा खस्‍ये मुब बी ङ्‌यीमाचे ङोन्‍ग्‍यम्‍नो पङ्‍बल मुबल। देमेन्‍नो ङ्‌यीमाचे पङ्‍ब र्‌हङ् तज्‍यी, ओसेम् हुजु एङ्‌यीमाचेनो स्‍येबल मुब।

१ थेस्‍लोनीकी 3:4 Iomraidhean Croise

मत्‍ती 24:25

“ज्‍यनले ङ्‌येनो, चु तम् ङचे एङ्‌यीमात ङोन्‍ग्‍यम्‍नो स्‍येत्‍पीन्‍बल मुब।

प्रेरीत् 17:1

हुजु लीप्‍चे पावलतेङ् सीलास अम्‍फीपोलीसतेङ् अपोल्‍लोनीया सहर् ग्‍यम्‍से तज्‍यीम् थेसलोनीके सहर्‌री खज्‍यी। हुजुरी यहुदीमाकी यहुदीमा र्‌हुब् तबे दीम् गीः मुबल।

प्रेरीत् 17:13

तर थेसलोनीकेकी यहुदीमाचे बेरीया सहर्‌रीएनो पावलचे पर्‌मेस्‍वर्‌की फ्रोइ स्‍येत्‍टीब मुब पङ्‍बे तम् थ्‍येःज्‍यी। ओसेम् थेङ्‍यीमा बेरीयारी ङ्‌यीज्‍यीम् हुजुरीएनो य्‍हक्‍को म्‍हीमात फोत्‍फोत् लज्‍यीम् पावलकी बीरोद् स्‍य्‍हेङ्पुङ्‍ज्‍यी।

प्रेरीत् 20:24

तर ङ ङइ जीवन ङइ लागीरी तइ सेइलएनो अम्‍हेन्। ङचे चोदेकीनो म्‍हेन्‍ब की ङत प्रभु येसुचे स्‍य्‍हेङो बी न्‍हङ्‌जेत्‍पे पर्‌मेस्‍वर्‌की अनुग्रहइ ज्‍यबे सम्‍तर् स्‍येत्‍पे लक् टोप् लब खम्‍खइ।

१ थेस्‍लोनीकी 2:14

ङइ र्‌होमा, एङ्‌यीमाएनो येसु ख्रीस्‍ट्त बीस्‍वास् स्‍य्‍हेङ्‌बे यहुदीयाकी पर्‌मेस्‍वर्‌की मन्‍डलीमा र्‌हङ्‍ब तबल मुब। तलेपङ्‌सम् यहुदीयाकी मन्‍डलीमाचे थेङ्‍यीमाकी र्‌हङ्‌की यहुदी म्‍हीमा ग्‍यम्सेनो दुख नाब र्‌हङ्‌ले एङ्‌यीमाचेएनो र्‌हङ्‍की म्‍हीमा ग्‍यम्‍से दुख नाबल मुबल।

१ थेस्‍लोनीकी 2:2

हुजुरी खब बीम ङोन्‍ग्‍यम्‍नो ङ्‍यीमात फीलीप्‍पीकी म्‍हीमाचे दुख पीन्‍ज्‍यीम् पेत्‍न लज्‍यी पङ्‍बे तम् एङ्‌यीमाचेएनो स्‍येःबल मुब। होले बीरोद् स्‍य्‍हेङ्‌लेनो पर्‌मेस्‍वर्‌चे ङ्‍यीमात आर् न्‍हङ्‌जेत्‍पल तज्‍यीम् ङ्‌यीमाचे एङ्‌यीमात ज्‍यबे सम्‍तर् स्‍येत्‍ज्‍यी।

२ थेस्‍लोनीकी 2:5

एङ्‌यीमात व्‍हल् अरे? ङ एङ्‌यीमातेङ् बक्‍च्‍य मुबे बेलोरी चु तम्‍मा ङचे एङ्‌यीमात पङ्‍बल मुबल।

२ थेस्‍लोनीकी 3:10

एङ्‌यीमातेङ् बक्‍च्‍य मुबे बेलोरीनो ङ्‌यीमाचे एङ्‌यीमात कुल्‍बल मुबल, “खल्‍चे पङ्‌लेनो लक् अस्‍य्‍हेङ्‌ज्‍यी पङ्‌सम् चबएनो अचखइ।”