१ थेस्‍लोनीकी 2:6 - पश्‍चिम तामाङ

⁶ ङ्‌यीमाचे खेमेएनो खल ग्‍यम्‍सेएनो स्‍य्‍हेस म्‍हइबल अरे, न्‍ह एङ्‍यीमा ग्‍यम्‍से म्‍हइज्‍यी न्‍ह ल्‍हो-ल्‍होमा ग्‍यम्‍से म्‍हइज्‍यी। य्‍हीन्‍बरीम् ख्रीस्‍ट्‍की प्रेरीत तबल तज्‍यीम् ङ्‌यीमाचे एङ्‌यीमाइ जोरी अधीकार् लब खम्‍स्‍येल।

१ थेस्‍लोनीकी 2:6 Iomraidhean Croise

युहन्‍ना 12:43

तलेपङ्‍सम् थेङ्‍यीमाचे पर्‌मेस्‍वर् ग्‍यम्‍से यङ्‌बे तोप्‍प बीम म्‍हीमा ग्‍यम्‍से यङ्‌बे तोप्‍प यङ्‍खइ म्‍हेन्‍ब मुबल।

युहन्‍ना 5:41

“ङचे म्‍हीमा ग्‍यम्‍से यङ्‌बे तोप्‍प म्‍हइबल अय्‍हीन्।

युहन्‍ना 5:44

एङ्‍यीमा गीःचे गीः ग्‍यम्‍से तोप्‍प म्‍हइब, तर पर्‌मेस्‍वर् ग्‍यम्‍सेकीनो खबे तोप्‍प अम्‍हइसम् एङ्‍यीमाचे खले बीस्‍वास् स्‍य्‍हेङ्‌ब खम्‍ब स्‍यीम्?

युहन्‍ना 7:18

खल्‍चे र्‌हङ् ग्‍यम्‍से तम् पङ्‍ब थेचे र्‌हङ्‌की लागीरी स्‍य्‍हेस म्‍हइब, तर खल्‍चे र्‌हङ्‌त पीत्‍युजेत्‍पलइ लागीरी स्‍हेस म्‍हइब थेचे देमेन्‍कीनो पङ्‌ब, थेचे भ्‍यु अपङ्।

१ कोरीन्‍थी 11:9

ओसेम् अपकोल अमकोलइ लागीरी स्‍य्‍हेङ्‍बल अय्‍हीन्, तर अमकोल अपकोलइ लागीरी स्‍य्‍हेङ्‍बल य्‍हीन्‍ब।

२ कोरीन्‍थी 13:10

होत्‍तज्‍यीम् एङ्‍यीमा ग्‍यम्‍से थारीङ् मुबे बेलोरी ङ चु तम् ब्रीब, ङ हुजुरी खबतेङ् प्रभुचे ङत न्‍हङ्‍जेत्‍पे अधीकार् कडाले कोल्‍अथोखइ। प्रभुचे ङत हुजु अधीकार् एङ्‌यीमात न्‍होङ्‍नलबे लागीरी अय्‍हीन् तर एङ्‍यीमात कोङ्‍नलबे लागीरी न्‍हङ्‌जेत्‍पल य्‍हीन्‍ब।

२ कोरीन्‍थी 4:5

ङ्‌यीमाचे र्‌हङ्‌चे र्‌हङ्‍की बारेरी प्रचार् अस्‍य्‍हेङ्, तर येसु ख्रीस्‍ट्‍नो प्रभु य्‍हीन्‍ब पङ्‍बे तम् प्रचार् स्‍य्‍हेङ्‍ब। ओसेम् येसुइ लागीरी ङ्‍यीमामी एङ्‌यीमाकी योक्‍पो य्‍हीन्‍ब।

गलाती 1:10

ङचे चोले पङ्‍ज्‍यीम् ता ङचे म्‍हीमात तङ्‍न लब म्‍हइटीब स्‍यीम्? अय्‍हीन्, ङमी पर्‌मेस्‍वर्‌त तङ्‍नलइ म्‍हेन्‍ब। ता म्‍हीमाचे ङत म्‍होइखइ म्‍हेन्‍टीब? ङचे होतेब म्‍हेन्‍टीब पङ्‌सम् ङ ख्रीस्‍ट्‍की योक्‍पो तस्‍ये अरेबल।

गलाती 5:26

ङ्‍य्‍हङ्‍माचे गीःचे गीःतेङ् घमन्‍ड स्‍य्‍हेङ्‍ब, बोमो रप्‍नलब ओसेम् स्‍हेर्‌बे लक् स्‍य्‍हेङ्‌ब अत।

गलाती 6:13

थेङ्‍यीमा खतना स्‍य्‍हेङ्‍बलमाचेएनो मोसाचे ब्रीबे नीयम्‍मा जम्‍मनो अङ्‍येन्। तर खतना स्‍य्‍हेङ्‌बे नीयम् एङ्‍यीमाचे ङ्‍येन्‍ज्‍यी पङ्‍ज्‍यीम् थेङ्‍यीमाचे घमन्‍ड स्‍य्‍हेङ्‌बरी एङ्‍यीमात खतना स्‍य्‍हेङो पङ्‍बल य्‍हीन्‍ब।

१ थेस्‍लोनीकी 2:9

ङइ र्‌होमा, ङ्‌यीमाचे य्‍हक्‍को दुखले लक् स्‍य्‍हेङ्‍बल एङ्‌यीमात व्‍हल् मुब, ङ्‍यीमात तोःबे स्‍य्‍हेमा एङ्‌यीमात र्‌हीत्‍अतोखइ पङ्‍ज्‍यीम् ङ्‌यीमाचे दीन् म्‍हुन् लक् स्‍य्‍हेङ्‌ज्‍यीम् पर्‌मेस्‍वर्‌की ज्‍यबे सम्‍तर् एङ्‌यीमात स्‍येत्‍ज्‍यी।

१ तीमोथी 5:17

मन्‍डलीइ स्‍य्‍हप्‍तो ज्‍यनले स्‍य्‍हेङ्‌बे एल्‍डरमाचे य्‍हक्‍को स्‍य्‍हेस यङ्‍थोब। थेङ्‍यीमा न्‍हङ्‍रीएनो खल्‍चे पर्‌मेस्‍वर्‌की फ्रोइ लोप्‍पतेङ् प्रचारकी लक् स्‍य्‍हेङ्‌ब थेचे य्‍हक्‍को स्‍य्‍हेस यङ्‍थोब।