१ थेस्‍लोनीकी 1:6 - पश्‍चिम तामाङ

⁶ एङ्‌यीमाचेएनो ङ्‌यीमातेङ् प्रभुचे र्‌हङ्‌लेनो म्‍हीमा ग्‍यम्‍से य्‍हक्‍को दुख यङ्‍मेएनो पबीत्र आत्‍माचे न्‍हङ्‌बे सम्‍तर्‌त तङ् तङ्‌ज्‍यीम् ग्रहन् स्‍य्‍हेङ्‌ज्‍यी।

१ थेस्‍लोनीकी 1:6 Iomraidhean Croise

मत्‍ती 16:24

हुजु लीप्‍चे येसुचे थेङ्‌की डबमात सुङ्‌ज्‍यी, “खजु पङ्‌लेनो ङइ डब तब म्‍हेन्‍सम् थेचे र्‌हङ्‌चे र्‌हङ्‌तनो म्‍लेत्‍थोब। ओसेम् र्‌हङ्‌की क्रुस् नाज्‍यीम् ङइ लीप्‍चे ब्रथोब।

युहन्‍ना 8:12

येसुचे देबेएनो थेङ्‌यीमात सुङ्‌ज्‍यी, “जम्‍बुलीङ्‌की य्‍हल् ङनो य्‍हीन्‍ब। ङइ लीप्‍चे ब्रबलमा म्‍हुन्‍दुङ्‍री ब्रस्‍ये अरे, तलेपङ्‍सम् थेचे जीवनकी य्‍हल् यङ्‍स्‍ये मुब।”

प्रेरीत् 13:52

ओसेम् बीस्‍वासीमा पबीत्र आत्‍माचे प्‍लीङ्‌ज्‍यीम् य्‍हक्‍को तङ्‌ज्‍यी।

प्रेरीत् 5:41

ओसेम् प्रेरीतमा ङ्‍हच्‍छ्‌यङ् सभा ग्‍यम्‍से तङ्-तङ्‌ज्‍यीम् “पर्‌मेस्‍वर्‌चे ङ्‌य्‍हङ्‌मात येसुइ छेन्‍री दुख नाबरी जेःनलजेत्‍ज्‍यी” पङ्‍ज्‍यीम् डोङ्‍य्‍हर्‌ज्‍यी।

प्रेरीत् 9:31

हुजु लीप्‍चे यहुदीयातेङ् गालील ओसेम् सामरीया प्रदेस्‍री मुबे मन्डलीमात सान्‍ती तज्‍यी। बीस्‍वासीमा पर्‌मेस्‍वर्‌तेङ् लोङ्‍ज्‍यीम् ब्रबल तज्‍यीम् मन्‍डलीमा बङ्‍ज्‍येन् तज्‍यी। ओसेम् पबीत्र आत्‍मा ग्‍यम्‍से आर् यङ्‌बल तज्‍यीम् बीस्‍वासीमाएनो य्‍हक्‍को तबोर्‌ज्‍यी।

रोमी 15:13

एङ्‌यीमाचे पर्‌मेस्‍वर्‌री बीस्‍वास् स्‍य्‍हेङ्‌बल तज्‍यीम् आसा न्‍हङ्‌बे पर्‌मेस्‍वर्‌चेनो एङ्‍यीमात तङ्‍बतेङ् सान्‍तीचे प्‍लीङ्‌न लजेत्‍खइ पङ्‍ज्‍यीम् ङ प्रार्‌थना स्‍य्‍हेङ्‍ब। होले पबीत्र आत्‍माइ सक्‍ती ग्‍यम्‍से एङ्‌यीमाकी आसा प्‍लीङ्‍खइ।

१ कोरीन्‍थी 11:1

ङचे ख्रीस्‍ट्‍चे स्‍य्‍हेङ्‌जेत्‍प र्‌हङ्‌ले स्‍य्‍हेङ्‍ब, एङ्‌यीमाचेएनो ङचे स्‍य्‍हेङ्‍ब र्‌हङ्‌ले स्‍य्‍हेङो।

१ कोरीन्‍थी 11:2

ङ एङ्‍यीमात तोप्‍प तलेपङ्‍सम् एङ्‍यीमाचे ङत खेम पङ्‌लेनो व्‍हल् लज्‍यीम् ङचे लोप्‍पे तम् ङ्‌येन्‍ज्‍यीम् ब्रब।

१ कोरीन्‍थी 4:16

होत्‍तज्‍यीम् एङ्‌यीमाचेएनो ङचे र्‌हङ्‌ले स्‍हेङो बी ङ एङ्‍यीमात फ्‍या लब।

२ कोरीन्‍थी 6:10

ङ्‌यीमा य्‍हक्‍को छेर्‌लेनो तङ्‍बल मुब। ङ्‌यीमा प्रङ्‍न मुलेएनो य्‍हक्‍को म्‍हीमात बीस्‍वास्‍री बरु तनलब। ङ्‌यीमातेङ् तएनो अरेबेल र्‌हङ्‍ब म्रङ्‍लेएनो ङ्‌यीमातेङ् जम्‍म स्‍हेःमा मुब।

२ कोरीन्‍थी 8:5

थेङ्‍यीमाचे ङ्‌यीमाचे म्‍हेन्‍ब बीमएनो य्‍हक्‍को पीन्‍ज्‍यी। ङोन्‍ग्‍यम् थेङ्‍यीमाचे र्‌हङ्‌तनो प्रभुइ फ्‍यारी थेन्‍ज्‍यी, ओसेम् पर्‌मेस्‍वर्‌की थुः अनुसार् र्‌हङ्‌तनो ङ्‍यीमाकी यारीएनो सोप्‍तीज्‍यी।

गलाती 5:22

तर पबीत्र आत्‍माचे स्‍य्‍हेङ्‌बे लक्‍मा चुमानो य्‍हीन्‍ब- थेचे ल्‍हो-ल्‍होत म्‍होइब, थे तङ्‍ब, थे सान्‍तीरी सोब, थेचे धैर्‌य लब, थेचे दय लब, थेचे ल्‍हो-ल्‍होत ज्‍यब स्‍य्‍हेङ्‌ब, थे बीस्‍वासीलो तब,

एफीसी 5:1

एङ्‍यीमा पर्‌मेस्‍वर्‌चे म्‍होइजेत्‍पे कोलमा तज्‍यीम् थेङ् र्‌हङ्‍बनो तब म्‍हइगो।

फीलीप्‍पी 3:17

ङइ बीस्‍वासी र्‌होमा, ङचे स्‍य्‍हेङ्‍ब र्‌हङ्‌ले एङ्‌यीमाचेएनो स्‍य्‍हेङो, ङ्‌यीमा एङ्‌यीमाकी लागीरी नमुना तबल मुब। होत्‍तज्‍यीम् एङ्‍यीमाचे चु नमुना अनुसार ब्रबलमा ग्‍यम्‍से लोप्‍थोब।

२ थेस्‍लोनीकी 1:4

ओसेम् एङ्‌यीमात म्‍हीमाचे पीन्‍बे दुखमा ओसेम् दुखमा नाज्‍यीमएनो एङ्‍यीमा र्‌हङ्‌की बीस्‍वास्‍री कोङ्‍नले टीबे तम्‍की बारेरी पर्‌मेस्‍वर्‌की मन्‍डलीमाकी गुङ्‍री ङ्‌यीमाचे न गङ् लज्‍यीम् स्‍येत्‍प।

२ थेस्‍लोनीकी 3:7

तलेपङ्‍सम् ङ्‌यीमाचे स्‍य्‍हेङ्‌ब र्‌हङ्‌लेनो एङ्‌यीमाचेएनो स्‍य्‍हेङ्‍थोब पङ्‍बे तम् एङ्‍यीमाचे स्‍येब। ङ्‌यीमा एङ्‌यीमातेङ् बक्‍च्‍य मुबे बेलोरी ब्‍लेकु तज्‍यीम् अटी।

२ थेस्‍लोनीकी 3:9

एङ्‍यीमा ग्‍यम्‍से ङ्‍यीमात र्‌हो यङ्‌बे हक् अरेबल तज्‍यीम् अय्‍हीन्, तर एङ्‌यीमाकी लागीरी नमुन ङोन्‍बे लागीरी चोले स्‍य्‍हेङ्‌ज्‍यी।

२ तीमोथी 4:2

एचे म्‍हीमात पर्‌मेस्‍वर्‌की फ्रोइ स्‍येतो, ज्‍यबतेङ् अज्‍यब खजु बेलोरी पङ्‍लेएनो टोप् तज्‍यीम् टीउ। म्‍हीमाचे अतबे तम् लसम् चेतावनी पीनो, बराको, ओसेम् धैर्‌यतेङ् ज्‍यबे तम्‍मा लोप्‍ज्‍यीम् आर् पीनो।

हीब्रु 10:34

जेल्‍री च्‍युप्‍पलमात एङ्‍यीमाचे र्‌हो लज्‍यी। र्‌हङ्‍तेङ् मुबे सम्‍पत्‍ती ब्‍येन्‍मेएनो एङ्‍यीमाचे तङ्‌ज्‍यीम् नाज्‍यी, तलेपङ्‍सम् खेम पङ्‌लेनो तस्‍यीनो टीबे झेन् य्‍हक्‍को ङ्‍हच्‍छ्‌यङ् सम्‍पत्‍ती र्‌हङ्‍तेङ् मुब पङ्‌बे तम् एङ्‌यीमाचे स्‍येःब मुबल।

१ पत्रुस 1:6

एङ्‍यीमा चु तम्‍मारी य्‍हक्‍को तङो, होलेतलेनो देरे एङ्‍यीमाचे य्‍हम्‍की लागीरी य्‍हक्‍को थोइ दुखमा नाथोबल मुब।

१ पत्रुस 1:8

एङ्‍यीमाचे येसु ख्रीस्‍ट्‍त म्रङ्‌बल अरेलेएनो म्‍होइब, ओसेम् एङ्‍यीमाचे थेङ्‍त देरे अम्रङ्‍लएनो बीस्‍वास् स्‍य्‍हेङ्‌ब, ओसेम् स्‍येत्‍ज्‍यीम् स्‍येत्‍प अखम्‍बे ङ्‍हच्‍छ्‍यङ् महीमीत तङ्‍बचे एङ्‌यीमाकी सेम् प्‍लीङ्‍बल मुब।

१ पत्रुस 3:13

ओसेम् एङ्‍यीमाचे ज्‍यबे लक् स्‍य्‍हेङ्‌बे सेम् थो:ब पङ्‌सम् खल्‍चे एङ्‌यीमात न्‍होङ्‍नलब?

३ युहन्‍ना 1:11

म्‍होइबे र्‌हो, अज्‍यबे लक् खल ग्‍यम्‍सेएनो थलोपो, तर ज्‍यबे लक्‍कीनो लोपो। ज्‍यबे लक् स्‍य्‍हेङ्‍बल पर्‌मेस्‍वर्‌की म्‍ही य्‍हीन्‍ब, अज्‍यबे लक् स्‍य्‍हेङ्‌बलचे पर्‌मेस्‍वर्‌त खेमेएनो म्रङ्‌बलनो अरे।