१ थेस्‍लोनीकी 1:3 - पश्‍चिम तामाङ

³ ङ्‌य्‍हङ्‌माकी पर्‌मेस्‍वर् अपइ ङोन्‍ग्‍यम् एङ्‍यीमाचे ङ्‍य्‍हङ्‍की प्रभु येसु ख्रीस्‍ट्‍री बीस्‍वास् लज्‍यीम् स्‍य्‍हेङ्‌बे लक्‍तेङ् म्‍होइज्‍यीम् स्‍य्‍हेङ्‌बे लक् ओसेम् एङ्‍यीमाचे थेङ्‍री धैर्‌य लज्‍यीम् थेन्‍बे आस्‍त ङ्‌यीमाचे व्‍हल् लब।

१ थेस्‍लोनीकी 1:3 Iomraidhean Croise

युहन्‍ना 14:15

“एङ्‍यीमाचे ङत म्‍होइसम् ङचे कुल्‍बे अर्‌तीमा ङ्‌येन्‍ज्‍यीम् ब्रस्‍ये मुब।

युहन्‍ना 15:10

अपचे कुल्‍जेत्‍पे तम्‍मा ङचे ङ्‌येन्‍ज्‍यीम् अपइ म्‍होइबरी टीब र्‌हङ्‌लेनो, एङ्‌यीमाचेएनो ङचे कुल्‍बे अर्‌तीमा ङ्‍येन्‍ज्‍यी पङ्‌सम् एङ्‍यीमा ङइ म्‍होइबरी टीस्‍यीनो टीस्‍ये मुब।

प्रेरीत् 10:31

‘कर्‌नेलीयस, पर्‌मेस्‍वर्‌चे एइ प्रार्‌थना सेन्‍जेत्‍पल मुब। ओसेम् एचे प्रङ्‌नमात चब थुङ्‍ब पीन्‍बल थेङ्‌चे व्‍हल् लजेत्‍पल मुब।

प्रेरीत् 3:19

होत्‍तज्‍यीम् एङ्‍यीमाचे पस्‍चताप स्‍य्‍हेङ्‌ज्‍यीम् पर्‌मेस्‍वर्‌पट्‍टी दोःगो। ओसेम् एङ्‍यीमाचे पाप ग्‍यम्‍से क्षमा यङ्‍स्‍ये मुब।

रोमी 12:12

एङ्‌यीमातेङ् मुबे आसारी आनन्‍द लउ, दुखइ बेलोरी नाको, ओसेम् प्रार्‌थना स्‍य्‍हेङ्‌स्‍यीनो टीउ।

रोमी 15:13

एङ्‌यीमाचे पर्‌मेस्‍वर्‌री बीस्‍वास् स्‍य्‍हेङ्‌बल तज्‍यीम् आसा न्‍हङ्‌बे पर्‌मेस्‍वर्‌चेनो एङ्‍यीमात तङ्‍बतेङ् सान्‍तीचे प्‍लीङ्‌न लजेत्‍खइ पङ्‍ज्‍यीम् ङ प्रार्‌थना स्‍य्‍हेङ्‍ब। होले पबीत्र आत्‍माइ सक्‍ती ग्‍यम्‍से एङ्‌यीमाकी आसा प्‍लीङ्‍खइ।

रोमी 15:4

तलेपङ्‍सम् धर्‌म छ्‍येरी ङोन्‍ग्‍यम्‍की दीन्‍मारी ब्रीबे तम्‍मा ङ्‌य्‍हङ्‍मात लोप्‍परी ब्रीबल य्‍हीन्‍ब। हुजु तम्‍माचे ङ्‌य्‍हङ्‌मात नाबे सक्‍तीतेङ् आर् पीन्‍ब, होत्‍तज्‍यीम् ङ्‍य्‍हङ्‍माचे आस् यङ्‍स्‍ये मुब।

रोमी 16:26

तर देरेम् चु जम्‍मनो तम्‍मा दङ्‍बोनो अगम्‍बक्‍तमाचे पर्‌मेस्‍वर्‌चे कुल्‍जेत्‍प अनुसार् ब्रीबे तम्‍मा ग्‍यम्‍से स्‍येःनलजेत्‍पल मुब। ओसेम् जम्‍मनो यहुदी अय्‍हीन्‍बे म्‍हीमाचे बीस्‍वास् लज्‍यीम् पर्‌मेस्‍वर्‌की तम्‍मा ङ्‍येन्‍खइ पङ्‍ज्‍यीम् खेम पङ्‌लेनो मुजेत्‍पे पर्‌मेस्‍वर्‌की फ्रोइ अनुसार् चु ज्‍यबे सम्‍तर् म्‍हीमात स्‍येत्‍पल मुब।

रोमी 16:6

एङ्‌यीमाकी लागीरी य्‍हक्‍को लक् स्‍य्‍हेङ्‌बे मरीयमतएनो लस्‍सो मुब।

रोमी 2:7

ज्‍यबे लक् स्‍य्‍हेङ्‍स्‍यीनो टीज्‍यीम् पर्‌मेस्‍वर्‌की महीमा, स्‍य्‍हेस ओसेम् खेमेनो अबेबे जीवन् म्‍हइबे म्‍हीमात पर्‌मेस्‍वर्‌चे खेमेनो अबेबे जीवन् न्‍हङ्‌जेत्स्‍ये मुब।

१ कोरीन्‍थी 13:13

देरेम् बीस्‍वास्, आस्, ओसेम् म्‍होइब चु सोम्‍मी खेम पङ्‌लेनो टीस्‍यीनोटीस्‍ये मुब, तर चु सोम् न्‍हङ्‍री ङ्‍हच्‍छ्‍यङ्मी म्‍होइबनो य्‍हीन्‍ब।

१ कोरीन्‍थी 15:58

होत्‍तज्‍यीम् म्‍होइबे र्‌होमा, एङ्‍यीमा बीस्‍वास्‍री कोङ्‍ज्‍यीम् य्‍हङ् य्‍होङ् अतनले टीउ। प्रभुइ लक् खेम पङ्‍लेएनो स्‍य्‍हेङ्‍स्‍यीनो टीउ। तलेपङ्‍सम् एङ्‍यीमाचे स्‍येःब, प्रभुरी एङ्‍यीमाचे दुख लज्‍यीम् स्‍य्‍हेङ्‌बे लक् खेर य्‍हर्‌स्‍ये अरे।

२ कोरीन्‍थी 2:17

य्‍हक्‍को म्‍हीमाचे र्‌हङ्‌ले ङ्‌यीमाचे पर्‌मेस्‍वर्‌की फ्रोइकी छोङ् अस्‍य्‍हेङ्, तर पर्‌मेस्‍वर्‌चे पीत्‍खजेत्‍पे छल् अस्‍य्‍हेङ्‌बे म्‍हीचे र्‌हङ्‌ले ङ्‌यीमाचे ख्रीस्‍ट्‍री पर्‌मेस्‍वर्‌की ङोन्‍ग्‍यम् तम् पङ्‍ब।

गलाती 1:4

ङ्‍य्‍हङ्‍माकी पर्‌मेस्‍वर् अपइ थुः अनुसार् ङ्‍य्‍हङ्‍मात चु दुस्‍ट् जम्‍बुलीङ् ग्‍यम्‍से फेःपीन्‍बे लागीरी येसु ख्रीस्‍ट्‍चे र्‌हङ्‌तनो ङ्‍य्‍हङ्‍माकी पाप्‍माकी लागीरी स्‍यीबरी सोप्‍तीपीन्‍जेत्‍ज्‍यी।

गलाती 5:13

बीस्‍वासी र्‌होमा, एङ्‍यीमामी स्‍वतन्‍त्र तबरी ङ्‌होत्‍जेत्‍पल य्‍हीन्‍ब। चु स्‍वतन्‍त्रत ल्‍हीकी स्‍वभाब अनुसार ब्रबरी थकोलो। बरु गीःचे गीःत म्‍होइज्‍यीम् ज्‍यब स्‍य्‍हेङो।

गलाती 5:6

तलेपङ्‍सम् ङ्‍य्‍हङ्‍माचे येसु ख्रीस्‍ट्‍त बीस्‍वास् लब बीसेम् खतन स्‍य्‍हेङ्‌लेनो अस्‍य्‍हेङ्‍लेनो तएनो अत। तर तोबे तम्‍मी चु य्‍हीन्‍ब, ङ्‍य्‍हङ्‍माकी बीस्‍वास्‍चे लज्‍यीम् ङ्‍य्‍हङ्‍माचे ल्‍हो-ल्‍होमात म्‍होइब।

गलाती 6:9

ज्‍यबे लक् स्‍य्‍हेङ्‌बरी ङ्‍य्‍हङ्‍मा दुःब अत, तलेपङ्‍सम् ज्‍यबे लक् स्‍य्‍हेङ्‍स्‍यीनो टीज्‍यी पङ्‌सम् ठीक् बेलोरी हुजुइ रोरो यङ्‍स्‍ये मुब।

१ थेस्‍लोनीकी 3:6

तर तीमोथी एङ्‌यीमातेङ् खतु लज्‍यीम् देरेकीनो दोज्‍यीम् खबल मुब। थेचे एङ्‌यीमाकी म्‍होइबतेङ् बीस्‍वासकी बारेरी ज्‍यबे सम्‍तर् बबल मुब। ङ्‌यीमाचे र्‌हङ्‌लेनो एङ्‌यीमाचेएनो ङ्‍यीमात य्‍हक्‍को खतु लबे सेम् थोज्‍यीम् व्‍हल् लज्‍यीम् टीबल टीम्।

२ थेस्‍लोनीकी 1:11

होत्‍तज्‍यीम् पर्‌मेस्‍वर्‌चे ङ्‌होत्‍जेत्‍पे जीवन्‍की लागीरी एङ्‌यीमात थेङ्‌चेनो जेःबल स्‍य्‍हेङ्‌जेत्‍खइ, ओसेम् थेङ्‌की सक्‍तीचे एङ्‌यीमात ज्‍यबे लक् स्‍य्‍हेङ्‌बतेङ् बीस्‍वासकी लक् टोप्‍ले स्‍य्‍हेङ्‌बरी र्‌हो स्‍य्‍हेङ्‌जेत्‍खइ पङ्‍ज्‍यीम् एङ्‌यीमाकी लागीरी प्रार्‌थना स्‍य्‍हेङ्‌स्‍यीनो टीब।

२ थेस्‍लोनीकी 1:3

र्‌होमा, एङ्‌यीमाकी बीस्‍वास् य्‍हक्‍को तबोर्‌टीबल मुब। ओसेम् एङ्‍यीमाचे गीःचे गीःत झेन् य्‍हक्‍को म्‍होइस्‍यीनो टीबोर्‌बल मुब। होत्‍तज्‍यीम् एङ्‌यीमाकी लागीरी ङ्‌यीमाचे पर्‌मेस्‍वर्‌त खेम पङ्‌लेनो व्‍होर्‌छ्‍ये पीन्‍थोब।

१ तीमोथी 1:14

ओसेम् ङ्‍य्‍हङ्‍की प्रभुचे ङत य्‍हक्‍को अनुग्रह न्‍हङ्‍जेत्‍ज्‍यी। येसु ख्रीस्‍ट्‍तेङ् मुबे म्‍होइबतेङ् बीस्‍वास् पर्‌मेस्‍वर्‌चेनो ङत न्‍हङ्‍जेत्‍ज्‍यी।

१ तीमोथी 2:3

चोले स्‍य्‍हेङ्‌ब ज्‍यब तब, ओसेम् ङ्‍य्‍हङ्‍की मुक्‍तीदाता पर्‌मेस्‍वर्‌एनो तङ्‍जेत्‍प।

हीब्रु 10:36

पर्‌मेस्‍वर्‌चे थुःलजेत्‍प अनुसार् स्‍य्‍हेङ्‌बरी ओसेम् थेङ्‍चे बाचा लजेत्‍पे तम्‍मा यङ्‍बरी एङ्‍यीमाचे नाज्‍यीम् टीथोब।

हीब्रु 11:17

पर्‌मेस्‍वर्‌चे अब्राहामकी जाच स्‍य्‍हेङ्‍जेत्‍पे बेलोरी बीस्‍वास् ग्‍यम्सेनो अब्राहामचे र्‌हङ्‍की ज इसहाक्‍त ठा पीन्‍बरी टोप् लज्‍यी। पर्‌मेस्‍वर् ग्‍यम्सेनो अब्रहामचे बाचा यङ्‌बल मुबल, तर अब्राहाम र्‌हङ्‍की गीःकीनो जत ठा पीन्‍बरी तयार् तज्‍यी।

हीब्रु 13:21

एङ्‍यीमात थेङ्‌की थुः टोप लब खमखइ पङ्‌ज्‍यीम् जम्‍मनो ज्‍यबे गुन्‍मा न्‍हङ्‍खइ। ओसेम् एङ्‍यीमाचे पर्‌मेस्‍वर्‌त सेम्‍री ङ्‌यीबे लक् स्‍य्‍हेङ्‍ब खम्‍खइ पङ्‍ज्‍यीम् येसु ख्रीस्‍ट्‌चे एङ्‌यीमाकी सेम्‍री लक् स्‍य्‍हेङ्‌जेत्‍खइ। येसु ख्रीस्‍ट्‌त महीमा खेम पङ्‌लेनो महीमा तटीखइ। आमेन्।

हीब्रु 4:11

होत्‍तज्‍यीम् ङ्‍य्‍हङ्‍मा हुजु दुःब न्‍हबे ग्‍लारी वङ्‌बरी खम्‍गदे बङ् लइ, ओसेम् ङ्‍य्‍हङ्‍मा खलेएनो पर्‌मेस्‍वर्‌की अर्‌तीमा अङ्‍येन्‍बे इस्रएलीमा र्‌हङ्‌ले नास् तज्‍यीम् अय्‍हर्‌खइ।

हीब्रु 6:15

होत्‍तज्‍यीम् अब्राहाम्‍चे धैर्‌य लज्‍यीम् ब्रेन्‍ज्‍यीम् टीज्‍यी, ओसेम् पर्‌मेस्‍वर्‌चे न्‍हङ्‍ब बी स्‍य्‍हेङ्‍जेत्‍पे बाचा थेचे यङ्‌ज्‍यी।

१ पत्रुस 3:4

बरु एङ्‍यीमा म्‍हज्‍यीम् अय्‍हर्‌बे नम्रतेङ् सान्‍त आत्‍माचे न्‍हङ् ज्‍यब तउ। हुजुमी पर्‌मेस्‍वर्‌की ङोन्‍री य्‍हक्‍को ज्‍यबे तम् य्‍हीन्‍ब।

१ युहन्‍ना 3:18

म्‍होइबे कोलमा, ङ्‍य्‍हङ्‍माचे तम् छीःमाचेकीनो म्‍होइब अय्‍हीन्, ङ्‌य्‍हङ्‌माकी म्‍होइब देमेन् तथोब, ओसेम् हुजु लक्‍री म्रङ्‍थोब।

१ युहन्‍ना 3:21

ङइ म्‍होइबे र्‌होमा, ङ्‌य्‍हङ्‍मात र्‌हङ्‌की सेम्‍चे दोस् अङोन्‍ज्‍यी पङ्‌सम् पर्‌मेस्‍वर्‌की ङोन्‍री ङ्‌य्‍हङ्‌माकी सेम् देब।

१ युहन्‍ना 3:3

ओसेम् ख्रीस्‍ट्‍री चोतेबे आस् थेन्‍बलमा जम्‍मचे ख्रीस्‍ट् चोखो तब र्‌हङ्‌लेनो र्‌हङ्‍त चोखो थेन्‍स्‍ये मुब।

१ युहन्‍ना 5:3

तलेपङ्‍सम् थेङ्‌चे कुल्‍जेत्‍पे अर्‌तीमा ङ्‌येन्‍ज्‍यीम् ब्रबनो थेङ्‍त म्‍होइब य्‍हीन्‍ब। थेङ्‌चे कुल्‍जेत्‍पे अर्‌तीमा य्‍हक्‍को ल्‍हीबल अरे।

प्रकास 2:19

“एइ लक्‍मा ङचे स्‍येःब। एचे स्‍य्‍हेङ्‌बे म्‍होइब, बीस्‍वास्, सेवा ओसेम् धैर्‌य लज्‍यीम् नापे तम् ङचे स्‍येःब। ङोन्‍ग्‍यम् बीम एचे देरे य्‍हक्‍को लक्‍मा स्‍य्‍हेङ्‍ब पङ्‍बे तम् ङचे स्‍येःब।

प्रकास 3:10

एचे धर्‌यले नाज्‍यीम् ङचे कुल्‍बे तम् ङ्‌येन्‍ज्‍यीम् ब्रबल तज्‍यीम्, जम्‍बुलीङ्‌की जम्‍मनो म्‍हीमात जाच्‍तीबरी चु जम्‍बुलीङ्‌री खस्‍येकी य्‍हक्‍को दुख ग्‍यम्‍से ङ एत थर्‌नलस्‍ये मुब।