१ पत्रुस 5:3 - पश्‍चिम तामाङ

³ एङ्‌यीमाकी जीम्‍मरी मुबलमात हक् लब अय्‍हीन्, तर थेङ्‍यीमाकी ङोन्‍ग्‍यम् र्‌हङ् नमुन तउ।

१ पत्रुस 5:3 Iomraidhean Croise

युहन्‍ना 13:15

ङचे स्‍य्‍हेङ्‌ब र्‌हङ्‌लेनो एङ्‌यीमाचेएनो स्‍य्‍हेङो पङ्‍ज्‍यीम् ङचे एङ्‌यीमात नमुन ङोन्‍बल य्‍हीन्‍ब।

प्रेरीत् 20:28

देरेम् एङ्‌यीमा र्‌हङ्‌की स्‍य्‍हप्‍तो र्‌हङ्‌चेनो स्‍य्‍हेङो। ओसेम् पबीत्र आत्‍माचे एङ्‌यीमात सोप्‍तीपीन्‍जेत्पे बगेल्‍मातएनो स्‍य्‍हप्‍तो स्‍य्‍हेङो। पर्‌मेस्‍वर्‌की मन्‍डलीइ ज्‍यबे गोर्‌तेन् तउ, तलेपङ्‍सम् हुजु म्‍हीमात थेङ्‌की काचे ग्‍लुजेत्‍पल य्‍हीन्‍ब।

१ कोरीन्‍थी 11:11

होलेतलेनो प्रभुइ ङोन्‍री अमकोलत अपकोल तोःब, ओसेम् अपकोलतएनो अमकोल तोःब।

१ कोरीन्‍थी 3:5

अपोल्‍लोस् खल य्‍हीन्‍ब? ओसेम् पावल खल य्‍हीन्‍ब? ङ्‍यी ङ्‌य्‍हीनो एङ्‍यीमात बीस्‍वास्‍री बबे पर्‌मेस्‍वर्‌की योक्‍पोमाकीनो य्‍हीन्‍ब। ओसेम् प्रभुचे कुल्‍जेत्‍पे लक् ङ्‌यीमाचे स्‍य्‍हेङ्‍ब।

१ कोरीन्‍थी 3:9

तलेपङ्‍सम् ङ्‍यी ङ्‌य्‍हीनो पर्‌मेस्‍वर्‌की लक् स्‍य्‍हेङ्‌बे म्‍हीमा य्‍हीन्‍ब, ओसेम् एङ्‌यीमामी पर्‌मेस्‍वर्‌की म्रङ् य्‍हीन्‍ब। एङ्‍यीमा पर्‌मेस्‍वर्‌चे स्‍य्‍हेङ्‍जेत्‍पे दीम्‍एनो य्‍हीन्‍ब।

२ कोरीन्‍थी 1:24

एङ्‍यीमाचे बीस्‍वास् स्‍य्‍हेङ्‌बे तम्‍री ङ्‌यीमाचे कर् अल, तर एङ्‍यीमा तङ्‍खइ बी ङ्‌यीमा एङ्‍यीमातेङ् बक्‍च्‍य लक् स्‍य्‍हेङ्‍ब। तलेपङ्‍सम् र्‌हङ्‍की बीस्‍वास्‍री एङ्‍यीमा कोङ्‍बल मुब।

२ कोरीन्‍थी 4:5

ङ्‌यीमाचे र्‌हङ्‌चे र्‌हङ्‍की बारेरी प्रचार् अस्‍य्‍हेङ्, तर येसु ख्रीस्‍ट्‍नो प्रभु य्‍हीन्‍ब पङ्‍बे तम् प्रचार् स्‍य्‍हेङ्‍ब। ओसेम् येसुइ लागीरी ङ्‍यीमामी एङ्‌यीमाकी योक्‍पो य्‍हीन्‍ब।

फीलीप्‍पी 3:17

ङइ बीस्‍वासी र्‌होमा, ङचे स्‍य्‍हेङ्‍ब र्‌हङ्‌ले एङ्‌यीमाचेएनो स्‍य्‍हेङो, ङ्‌यीमा एङ्‌यीमाकी लागीरी नमुना तबल मुब। होत्‍तज्‍यीम् एङ्‍यीमाचे चु नमुना अनुसार ब्रबलमा ग्‍यम्‍से लोप्‍थोब।

फीलीप्‍पी 4:9

एङ्‌यीमाचे ङ ग्‍यम्‍से खजु तम् लोप्‍ज्‍यी, ग्रहन् लज्‍यी, थ्‍येःज्‍यी ओसेम् ङतेङ् म्रङ्‍ज्‍यी, हुजुनो स्‍य्‍हेङो, ओसेम् सान्‍ती न्‍हङ्‍जेत्‍पे पर्‌मेस्‍वर् एङ्‍यीमातेङ् तजेत्‍स्‍ये मुब।

१ थेस्‍लोनीकी 1:7

होत्‍तज्‍यीम् एङ्‍यीमा माकेडोनीयातेङ् अखैयारी मुबे जम्‍मनो बीस्‍वासीमाकी लागीरी नमुना तज्‍यी।

२ थेस्‍लोनीकी 3:9

एङ्‍यीमा ग्‍यम्‍से ङ्‍यीमात र्‌हो यङ्‌बे हक् अरेबल तज्‍यीम् अय्‍हीन्, तर एङ्‌यीमाकी लागीरी नमुन ङोन्‍बे लागीरी चोले स्‍य्‍हेङ्‌ज्‍यी।

१ तीमोथी 4:12

ए ब्‍योन् तबल तज्‍यीम् खल्‍चेएनो एत अब्रखइ। बीस्‍वासीमाकी ङोन्‍ग्‍यम् एचे पङ्‍बे तम्‍री, लक्‍री, म्‍होइबतेङ् बीस्‍वास्‍री ओसेम् जम्‍मनो तम्‍री चोखो तज्‍यीम् ए नमुना तउ।

तीतस 2:7

जम्‍मनो तम्‍मारी ए नमुन तज्‍यीम् र्‌हङ्‌चे र्‌हङ्‌तनो ङोनो, ए र्‌हङ्‌चे लोप्‍पे तम्‍री इमान्‍दार्‌तेङ् स्‍य्‍हेस यङ्‌बरी जेःनले ब्रथोब।

१ पत्रुस 2:9

तर एङ्‍यीमामी पर्‌मेस्‍वर्‌चे दम्‍जेत्‍पे म्‍हीमा, ग्‍यल्‍बोइ लम्‍बुमा, ओसेम् पबीत्र जाती य्‍हीन्‍ब, एङ्‍यीमा पर्‌मेस्‍वर्‌की र्‌हङ्‍की म्‍हीमा य्‍हीन्‍ब। थेङ्‌चे एङ्‌यीमात थेङ्‌की अचम्‍मइ लक्‍माकी बारेरी प्रचार स्‍य्‍हेङ्‌बरी म्‍हुन्‍दुङ् ग्‍यम्‍से अचम्‍मइ य्‍हल्‍री नोम्‍खजेत्‍ज्‍यी।