१ पत्रुस 5:12 - पश्‍चिम तामाङ

¹² बीस्‍वासीलो अले सीलासत र्‌हो लबुङ्‍ज्‍यीम् ङचे चु तुन्‍ज चीठी एङ्‍यीमात ब्रीबल मुब। ङचे चु जम्‍मनो तम्‍मा पर्‌मेस्‍वर्‌की देमेन्‍की अनुग्रहकी गवाही पीन्‍बरी ओसेम् एङ्‍यीमात आर् पीन्‍बरी ब्रीबल य्‍हीन्‍ब। चु अनुग्रहरी एङ्‍यीमा कोङ्‍नले टीउ।

१ पत्रुस 5:12 Iomraidhean Croise

युहन्‍ना 21:21

थेत म्रङ्‌ब बीसेम् पत्रुसचे येसुत, “प्रभु, थेतम् ता तस्‍ये मुब?” बी ङ्‌योत्‍ज्‍यी।

प्रेरीत् 11:23

बारनाबास एन्‍टीओखीया दोखब बीसेम् पर्‌मेस्‍वर्‌चे म्‍हीमात मोलम् न्‍हङ्‌बल म्रङ्‌ज्‍यीम् य्‍हक्‍को तङ्‌ज्‍यी। ओसेम् थेङ्‌यीमात खेम पङ्‌लेनो सेम् य्‍हङ्‌सेनो प्रभुत बीस्‍वास् लज्‍यीम् टीउ पङ्‍ज्‍यीम् आर् पीन्‍ज्‍यी।

प्रेरीत् 15:22

हुजु लीप्‍चे प्रेरीतमातेङ् अगुवामा ओसेम् मन्‍डलीइ म्‍हीमा जम्‍मनो डीःज्‍यीम् म्‍ही ङ्‌हीत दम्‍ज्‍यीम् पावलतेङ् बारनाबासतेङ् बक्‍च्‍य एन्‍टीओखीयारी पीत्‍पे सेम् लज्‍यी। हुजु दम्‍बल ङ्‌हीमी यहुदा पङ्‍बे बारनाबासतेङ् सीलास मुबल। थेङ्‌य्‍हीनो मन्‍डलीइ अगुवा मुबल।

प्रेरीत् 20:24

तर ङ ङइ जीवन ङइ लागीरी तइ सेइलएनो अम्‍हेन्। ङचे चोदेकीनो म्‍हेन्‍ब की ङत प्रभु येसुचे स्‍य्‍हेङो बी न्‍हङ्‌जेत्‍पे पर्‌मेस्‍वर्‌की अनुग्रहइ ज्‍यबे सम्‍तर् स्‍येत्‍पे लक् टोप् लब खम्‍खइ।

रोमी 5:2

प्रभु येसु ख्रीस्‍ट्‌चेनो ङ्‍य्‍हङ्‍मात बीस्‍वास् ग्‍यम्‍से पर्‌मेस्‍वर्‌की अनुग्रहरी वङ्‍म्‍यङ्‍न लजेत्‍पल मुब। देरे ङ्‍य्‍हङ्‍मा चु अनुग्रहरी सोटीब मुब। ओसेम् ङ्‍य्‍हङ्‍मा पर्‌मेस्‍वर्‌की महीमारी र्‌हुब् तस्‍येकी आसारी तङ्‍ब।

१ कोरीन्‍थी 15:1

ओसेम् म्‍होइबे र्‌होमा, ङचे एङ्‍यीमात प्रचार स्‍य्‍हेङ्‌बे ज्‍यबे सम्‍तर् ङ एङ्‍यीमात देबेनो व्‍हल् लपीन्‍ब। एङ्‍यीमाचे हुजु ज्‍यबे सम्‍तर्‌त ग्रहन् लज्‍यी, ओसेम् हुजुरी बीस्‍वास् स्‍य्‍हेङ्‍स्‍यीनोटीबल मुब।

२ कोरीन्‍थी 1:19

तलेपङ्‍सम् सीलासतेङ्, तीमोथी ओसेम् ङचे एङ्‌यीमाकी गुङ्‍री प्रचार् स्‍य्‍हेङ्‌बे पर्‌मेस्‍वर्‌की ज येसु ख्रीस्‍ट्‍री “य्‍हीन्‍ब” ओसेम् “अय्‍हीन्” बी पङ्‍बे तम् अरे। तर ख्रीस्‍ट्‍री खेम पङ्‌लेनो “य्‍हीन्‍ब” पङ्‍बे तम्‍कीनो मुब।

२ कोरीन्‍थी 1:24

एङ्‍यीमाचे बीस्‍वास् स्‍य्‍हेङ्‌बे तम्‍री ङ्‌यीमाचे कर् अल, तर एङ्‍यीमा तङ्‍खइ बी ङ्‌यीमा एङ्‍यीमातेङ् बक्‍च्‍य लक् स्‍य्‍हेङ्‍ब। तलेपङ्‍सम् र्‌हङ्‍की बीस्‍वास्‍री एङ्‍यीमा कोङ्‍बल मुब।

एफीसी 3:3

पर्‌मेस्‍वर्‌चे र्‌हङ्‍की रहस्‍यइ तम् ङत ङोन्‍जेत्‍ज्‍यी। हुजुइ बारेरी ङचे एङ्‌यीमात ङोन्‍ग्‍यम्‍नो तुन्‍जले ब्रीबल मुबल।

एफीसी 6:21

ङ्‍य्‍हङ्‍माकी म्‍होइबे ओसेम् प्रभुइ लक् स्‍य्‍हेङ्‌बे बीस्‍वासीलो अले तुखीकस्‍चे एङ्‍यीमात ङ खतेब मुब ओसेम् ता स्‍य्‍हेङ्‍टीब पङ्‍बे जम्‍मनो तम्‍मा स्‍येत्‍स्‍ये मुब।

कलस्‍सी 1:7

एङ्‍यीमात चु ज्‍यबे सम्‍तर्‌की बारेरी ङ्‌यीमातेङ् बक्‍च्‍य लक् स्‍य्‍हेङ्‌बे म्‍होइबे र्‌हो इपाफ्रास्‍चे लोप्‍पल मुबल। थे ङ्‍यीमाकी देब्‍री एङ्‌यीमाकी गुङ्‍री ख्रीस्‍ट्‍की लक् स्‍य्‍हेङ्‌बे बीस्‍वासीलो अले य्‍हीन्‍ब।

कलस्‍सी 4:7

ङ्‍य्‍हङ्‍की म्‍होइबे अले तुखीकसचे एङ्‍यीमात ङइ बारेरी जम्‍मनो तम्‍मा स्‍येत्‍स्‍ये मुब। थे ङ्‌यीमातेङ् बक्‍च्‍य प्रभुइ लक् स्‍य्‍हेङ्‌बे बीस्‍वासीलो अले य्‍हीन्‍ब।

कलस्‍सी 4:9

थेतेङ् बक्‍च्‍य ओनेसीमसएनो खटीब, थे एङ्‌यीमान्‍हङ्लनो गीः य्‍हीन्‍ब, ओसेम् थे बीस्‍वासीलोतेङ् ङ्‍य्‍हङ्‍माचे म्‍होइबे अले य्‍हीन्‍ब। थेङ्‌हीचेनो चुरी तबे जम्‍मनो तम्‍मा एङ्‌यीमात स्‍येत्‍स्‍ये मुब।

१ थेस्‍लोनीकी 1:1

ङ पावल ओसेम् सीलासतेङ् तीमोथी ग्‍यम्‍से पर्‌मेस्‍वर् अपतेङ् प्रभु येसु ख्रीस्‍ट्‍त बीस्‍वास् स्‍य्‍हेङ्‌बे थेस्‍लोनीकीइ मन्‍डलीकी म्‍हीमात अनुग्रहतेङ् सान्‍ती।

२ थेस्‍लोनीकी 1:1

ङ पावल ओसेम् सीलासतेङ् तीमोथी ग्‍यम्‍से पर्‌मेस्‍वर् अप ओसेम् प्रभु येसु ख्रीस्‍ट्‍री थेस्‍लोनीकीइ मन्डलीमात,

हीब्रु 13:22

बीस्‍वासी र्‌होमा, ङ एङ्‍यीमात फ्‍यालब, एङ्‍यीमाचे ङइ अर्‌तीमा ज्‍यनले ङ्‌येनो तलेपङ्‍सम् ङचे तुन्‍जले ब्रीबल मुब।

१ पत्रुस 1:13

होत्‍तज्‍यीम् एङ्‍यीमाचे र्‌हङ्‍की सेम् दुल्‍ज्‍यीम् तयार्‌ले टीउ। ओसेम् येसु ख्रीस्‍ट् दोःज्‍यीम् ब्‍योन्‍युजेत्‍पतेङ् एङ्‍यीमाचे यङ्‌स्‍येकी अनुग्रहरी एङ्‍यीमाचे आस् लउ।

१ पत्रुस 4:10

पर्‌मेस्‍वर्‌की अनुग्रहरी जम्‍मचेनो थोचे थोइ बर्‌दान्‍की जीम्‍म यङ्‌बल मुब, र्‌हङ्‌चे यङ्‍बे वर्‌दान्‍त गीःचे गीःत र्‌हो लबरी ज्‍यनले कोलो।

२ पत्रुस 1:12

होत्‍तज्‍यीम् एङ्‍यीमाचे चु जम्‍मा तम्‍मा स्‍येःलेएनो ओसेम् एङ्‍यीमाचे यङ्‍बे देमेन्‍री कोङ्‍नले टीलेएनो ङ एङ्‍यीमात खेम पङ्‌लेनो चु तम्‍मा ह्‍वल् लपीन्‍स्‍ये मुब।

२ पत्रुस 2:15

थेङ्‍यीमा ज्‍यबे ग्‍यम् पीत्‍ज्‍यीम् अज्‍यबे ग्‍यम्‍री ब्रब। ओसेम् थेङ्‍यीमा अज्‍यबे लक् स्‍य्‍हेङ्‌ज्‍यीम् टङ छाबरी म्‍होइबे बओर्‌की ज बालामकी लीप्‍चे ब्रबल मुब।

३ युहन्‍ना 1:12

डेमेत्रीयस्‍तमी जम्‍मचेनो ज्‍यबे म्‍ही पङ्‍बल मुब, ओसेम् पर्‌मेस्‍वर्‌की देमेन्‍चेएनो होलेनो पङ्‍ब। ङ्‍यीमाचेएनो थेत ज्‍यबे म्‍ही पङ्‍ब, ओसेम् एचे स्‍येबल मुब, ङ्‌यीमाचे पङ्‍बे तम् देमेन् य्‍हीन्‍ब।

यहुदा 1:3

म्‍होइबे र्‌होमा, ङ्‍य्‍हङ्‍मा जम्‍मचेनो यङ्‍बे मुक्‍तीइ बारेरी एङ्‌यीमात ब्रीबरी ङत य्‍हक्‍को सेम् तज्‍यी, तर देरेम् खेम पङ्‍लेनोइ लागीरी तीख्‍यप् पर्‌मेस्‍वर्‌चे र्‌हङ्‍की पबीत्र म्‍हीमात न्‍हङ्‍जेत्‍पे बीस्‍वासत जोगइतीउ बी एङ्‌यीमात आर् पीन्‍बरी ब्रीनोथोब बी म्‍हेन्‍ज्‍यी।