१ पत्रुस 4:9 - पश्‍चिम तामाङ

⁹ ओसेम् एङ्‍यीमाचे र्‌हङ् र्‌हङ्‍की दीम्‍री गी:चे गी:त गन्‍गन अलनले स्‍य्‍हेस लज्‍यीम् क्‍योङो।

१ पत्रुस 4:9 Iomraidhean Croise

रोमी 12:13

पर्‌मेस्‍वर्‌की म्‍हीमाकी अयोब अख्‍युप्‍पमारी र्‌हो स्‍य्‍हेङो, दीम्‍री खबे डोम्‍बोमात ज्‍यनले क्‍योङ्‍बे सेम् लस्‍यीनो टीउ।

रोमी 16:23

ङ टीबे दीम्‍की न्‍याबो गायसचे एङ्‌यीमात लस्‍सो पङ्‍बल मुब। थेइ दीम्‍री बीस्‍वासीमा र्‌हुब् तब। चु सहर्‌की कोस् अध्‍यक्ष इरास्‍तस् ओसेम् ङ्‍य्‍हङ्‍की अले क्‍वार्‌टस्‍चेएनो एङ्‍यीमात लस्‍सो पङ्‍बल मुब।

२ कोरीन्‍थी 9:7

एङ्‍यीमा म्‍ही र्‌हङ्‍स्‍यीनो र्‌हङ्‍की सेम्‍चे गदे पीन्‍गे म्‍हेन्‍ज्‍यी, होदेनो पीनो। ओसेम् कर्‌ले अय्‍हीन्, र्‌हङ्‍की सेम् य्‍हङ्‌सेनो पीनो, तलेपङ्‍सम् सेम् य्‍हङ्‌सेनो तङ्‌ज्‍यीम् पीन्‍बे म्‍हीत पर्‌मेस्‍वर्‌चे म्‍होइजेत्‍प।

फीलीप्‍पी 2:14

गन्‍गन्‍तेङ तम् अज्‍योप्‍नले जम्‍म लक्‍मा स्‍य्‍हेङो।

१ तीमोथी 3:2

अगुवाइ लक् स्‍य्‍हेङ्‌बे म्‍ही ताइ दोस्‍एनो अरेबल तथोब, थेचे म्रीङ् गीकीनो भ्‍या स्‍य्‍हेङ्‍बल तथोब, र्‌हङ्‌चे र्‌हङ्‍त दुल्‍थोब, र्‌हङ्‌की सेम्‍त अधीन्‍री थेन्‍थोब, स्‍य्‍हेस यङ्‌बरी जेःबल तथोब, डोम्‍बो क्‍योङ्‍ब स्‍येथोःब ओसेम् थेचे ज्‍यनले लोप्‍प खम्‍थोब।

तीतस 1:8

तर थे डोम्‍बोमात स्‍य्‍हेस स्‍य्‍हेङ्‌बे म्‍ही, ज्‍यबे लक् स्‍य्‍हेङ्‌बरी तङ्‍बे म्‍ही, र्‌हङ्‌चे र्‌हङ्‍त दुल्‍बे म्‍ही, ज्‍यनले न्‍याय स्‍य्‍हेङ्‌बे म्‍ही, पबीत्र म्‍ही ओसेम् अनुसासन्‍री टीबे म्‍ही तथोब।

फीलेमोन 1:14

तर एत अङ्‍योत्‍नले चोले स्‍य्‍हेङ्‍ब ज्‍यब अतल म्‍हेन्‍ज्‍यी। एचे र्‌हङ्‍की सेम्‍चेनो ङत र्‌हो लबे सेम् मुसम् तब, तर कर्‌ले अय्‍हीन्।

हीब्रु 13:16

गीःचे गीःत ज्‍यब स्‍य्‍हेङ्‌बतेङ् र्‌हो स्‍य्‍हेङ्ब थम्‍लेतो। चुमानो पर्‌मेस्‍वर् तङ्‌बे ठा:मा य्‍हीन्‍ब।

हीब्रु 13:2

डोम्‍बोमात क्‍योङ्‍ब थम्‍लेतो। चोले डोम्‍बो क्‍योङ्‍बे बेलोरी कोइ कोइ म्‍हीमाचेम् अस्‍येननो स्‍वर्‌गदुत्‍मात क्‍योङ्‍ब मुबल।

याकुब 5:9

ङइ बीस्‍वासी र्‌होमा, एङ्‍यीमा गी:चे गी:की बीरुद्‍दरी थम्‍हुरुको, होलेलसम् एङ्‍यीमात प्रभुचे न्‍याय स्‍य्‍हेङ्‍जेत्‍स्‍ये मुब। च्‍याको, न्‍याय स्‍य्‍हेङ्‍जेत्‍स्‍येकी प्रभु म्रङ्‍खजेत्‍परी टोप तबल मुब।