१ पत्रुस 4:7 - पश्‍चिम तामाङ

⁷ जम्‍बुलीङ्‌की जम्‍मनो स्‍हेमा बेबे बेलो ज्‍यतङ् खबल मुब। होलेतज्‍यीम् एङ्‍यीमा प्रार्‌थनाकी लागीरी सेम् दुल्‍ज्‍यीम् चोङ्‍ले टीउ।

१ पत्रुस 4:7 Iomraidhean Croise

मत्‍ती 24:42

“होत्‍तज्‍यीम् चोङ्‍ले टीउ, तलेपङ्‍सम् एङ्‌यीमाकी प्रभु खेमा ब्‍योन्‍युस्‍ये बी एङ्‍यीमाचे स्‍येबल अरे।

मत्‍ती 25:13

ओसेम् येसुचे सुङ्‌ज्‍यी, “होत्‍तज्‍यीम् एङ्‍यीमा चोङ् लज्‍यीम् टीउ, तलेपङ्‍सम् म्‍हीइ ज खजु दीन्तेङ् खजु बेलोरी युब बी एङ्‍यीमाचे स्‍येबल अरे।

लुका 21:34

“होसीयार् तज्‍यीम् टीउ, य्‍हक्‍को चबथुङ्‌ब लज्‍यीम् ङ्‌य्‍हेज्‍यीम् थब्रउ। ओसेम् चु जीवनकी लागीरी थछेरो, अय्‍हीन् पङ्‌सम् एङ्‌यीमाइ सेम् न्‍होङ्‌स्‍ये मुब। ओसेम्, हुजु दीन्‍री एङ्‌यीमा तीक्‍कुरीनो वरी स्‍यप्‍प र्‌हङ्‌ले स्‍यप्‍स्‍ये मुब।

लुका 21:36

खेमा पङ्‌लेएनो होसीयार् तज्‍यीम् टीउ। हुजु लोङ्‌न तस्‍येकी बेलोरी थर्‌ज्‍यीम् म्‍हीइ जइ ङोन्‍ग्‍यम् रप्‍प खम्‍खइ बी प्रार्‌थना स्‍य्‍हेङो।”

लुका 22:46

थेङ्‌चे थेङ्‌यीमात, “एङ्‌यीमा तले न्‍हुटीबल? रेःगो ओसेम् एङ्‌यीमा परीक्षरी अदोखइ बी प्रार्‌थना स्‍य्‍हेङो” बी सुङ्‌ज्‍यी।

रोमी 12:12

एङ्‌यीमातेङ् मुबे आसारी आनन्‍द लउ, दुखइ बेलोरी नाको, ओसेम् प्रार्‌थना स्‍य्‍हेङ्‌स्‍यीनो टीउ।

१ कोरीन्‍थी 15:24

हुजु लीप्‍चे चु जम्‍बुलीङ्‌की ज्‍युःकी बेलो खस्‍ये (जम्‍बुलीङ्‌की बेलो बेस्‍ये) मुब। हुजु बेलोरी जम्‍मनो सासन्, अधीकार् ओसेम् सक्‍तीत नास् स्‍य्‍हेङ्‍जेत्‍ज्‍यीम् ख्रीस्‍ट्‍चे र्‌हङ्‍की य्‍हुल् पर्‌मेस्‍वर् अपत सोप्‍तीपीन्‍जेत्‍स्ये मुब।

१ कोरीन्‍थी 7:29

बीस्‍वासी र्‌होमा, ङ एङ्‍यीमात पङ्‍ब, बेलो य्‍हक्‍को अरे, ओसेम् देरे य्‍हङ्‍से म्रीङ् मुबलमा म्रीङ् अरेबलमा र्‌हङ्‍ब तज्‍यीम् टीउ।

एफीसी 6:18

खेम पङ्‌लेनो पबीत्र आत्‍मारी खजु बेलोरी पङ्‌लेनो जम्‍मनो तम्‍मारी प्रार्‌थना स्‍य्‍हेङ्‌स्‍यीनो टीउ। चु तम्‍मात सेम्‍री थेन्‍ज्‍यीम् खेम पङ्‌लेनो होसीयार् तज्‍यीम् प्रार्‌थना स्‍य्‍हेङ्‍स्‍यीनो टीउ, ओसेम् पर्‌मेस्‍वर्‌की जम्‍मनो म्‍हीमाकी लागीरीएनो खेम पङ्‌लेनो प्रार्‌थना स्‍य्‍हेङो।

फीलीप्‍पी 4:5

एङ्‍यीमाचे जम्‍मतेङ्‍नो स्‍य्‍हेङ्‌बे ज्‍यबे ब्‍यबहार् जम्‍मनो म्‍हीमाचे स्‍येःखइ। प्रभु ग्‍योनेनो ब्‍योन्‍खजेत्‍स्‍ये मुब।

कलस्‍सी 4:2

एङ्‌यीमा खेम पङ्‌लेनो चोङ् लज्‍यीम् प्रार्‌थना स्‍य्‍हेङ्‍स्‍यीनो टीज्‍यीम् पर्‌मेस्‍वर्‌त व्‍होर्‌छ्‌ये पीनो।

२ तीमोथी 4:5

तर एम् खतेबे बेलोरी पङ्‍लेएनो कोङ्‍ज्‍यीम् टीउ। दुख नाबरी थलोङो, ज्‍यबे सम्‍तर् स्‍येत्‍पे लक् स्‍य्‍हेङो, ओसेम् एचे पर्‌मेस्‍वर् ग्‍यम्‍से यङ्‌बे लक् टोप् लोउ।

तीतस 2:12

चु अनुग्रहचे ङ्‍य्‍हङ्‍त पर्‌मेस्‍वर्‌त सेम्‍री अङ्‍यीबे लक्‍तेङ् जम्‍बुलीङ्‌की स्‍हेःत म्‍होइज्‍यीम् थेङ्‍त तङ्न अलबे लक् स्‍य्‍हेङ्‌ब पीत्‍प लोप्‍प। ओसेम् चु अनुग्रहचे जम्‍बुलीङ्‌री र्‌हङ्‌चे र्‌हङ्‍त दुल्‍ज्‍यीम् ठीक् न्‍याय स्‍य्‍हेङ्‌बतेङ् पर्‌मेस्‍वर्‌त सेम्‍री ङ्‌यीबे ब्‍यबहार् स्‍य्‍हेङ्‌ज्‍यीम् ब्रब लोप्‍प।

हीब्रु 10:25

गदे म्‍हीमालमी सङ्‍गतीरी अङ्‍यीबे बानी तब, तर ङ्‍हय्‍ङ्‍माचेमी तीच्‍छङ् र्‌हुब् तब पीत्‍प अत। एङ्‍यीमाचेमी प्रभुइ दीन् ज्‍यदङ् खटीबल म्रङ्‌बल तज्‍यीम् गीःचे गीःत झेन् आर् पीनो।

हीब्रु 9:26

थेङ् वर्‌सेलेनो र्‌हङ्‌नो ठा तबरी ङ्‍यीथोःबल य्‍हीन्‍सम् जम्‍बुलीङ् स्‍य्‍हेङ्‌ब य्‍हङ्‌सेनो थेङ्‍चे य्‍हक्‍को ख्‍यप् दुख नाथोःस्‍ये मुबल। तर चु ज्‍युकी बेलोरी ख्रीस्‍ट् खेम पङ्‍लेनोइ लागीरी तीख्‍यप्‍कीनो ब्‍योन्‍युजेत्‍ज्‍यी, ओसेम् म्‍हीमाकी पाप्‍त ख्रुबरी र्‌हङ्‌नो ठा तपीन्‍जेत्‍ज्‍यी।

१ पत्रुस 1:13

होत्‍तज्‍यीम् एङ्‍यीमाचे र्‌हङ्‍की सेम् दुल्‍ज्‍यीम् तयार्‌ले टीउ। ओसेम् येसु ख्रीस्‍ट् दोःज्‍यीम् ब्‍योन्‍युजेत्‍पतेङ् एङ्‍यीमाचे यङ्‌स्‍येकी अनुग्रहरी एङ्‍यीमाचे आस् लउ।

१ पत्रुस 3:7

र्‌हेम्‍बोमा, एङ्‌यीमाचेएनो र्‌हङ्‍की म्रीङ्‌मात ज्‍यबे ब्‍यबहार स्‍य्‍हेङ्‌ज्‍यीम् स्‍य्‍हेस स्‍य्‍हेङो, तलेपङ्‌सम् एङ्‌यीमाकी म्रीङ्‍मा एङ्‍यीमागदे बङ्‍ज्‍येन् अरेलेनो पर्‌मेस्‍वर्‌चे न्‍हङ्‌बे खेमेनो अबेबे जीवन् एङ्‌यी म्रीङ् र्‌हेम्‍बोमा जम्‍मचेनो यङ्‍स्‍ये मुब। एङ्‌यीमाकी प्रार्‌थनारी ताचेएनो उन्‍न अलखइ पङ्‍ज्‍यीम् चोले स्‍य्‍हेङो।

१ पत्रुस 5:8

छोर्‌ज्‍यीम् चोङ्‍ले टीउ, एङ्‌यीमाकी सत्‍तुर् सैतान्, ङ्‍हर्‌बे ता र्‌हङ्‌ले खल्‍त स्‍यप्‍ल ओसेम् चम्‍यङ्‍ल पङ्‍ज्‍यीम् दज्‍यीम् ब्रटीब।

प्रकास 16:15

प्रभुचे सुङ्‍जेत्‍प, “च्‍यागो, ङ य्‍हो खब र्‌हङ्‌ले खल्‍चेएनो अछोर्‌नले खस्‍ये मुब। चोङ्‍ले टीबलतेङ् र्‌हङ्‍की येन् जोगइतीज्‍यीम् थेन्‍बे म्‍ही मोलम् यङ्‍बे म्‍ही य्‍हीन्‍ब। चोले हुजु म्‍ही क्‍लीङ्‍दो ब्रअथो, ओसेम् म्‍हीमाकी ङोन्‍ग्‍यम् पेत्‍अथो।”