१ पत्रुस 4:11 - पश्चिम तामाङ11 प्रचार स्य्हेङ्बे बर्दान् यङ्बलचे पर्मेस्वर्की फ्रोइ प्रचार स्य्हेङ्थो:ब, सेव स्य्हेङ्ब पङ्बलचे पर्मेस्वर्चे न्हङ्जेत्पे सक्ती ग्यम्से स्य्हेङ्थो:ब। होलेनो जम्म तम्री येसु ख्रीस्ट् ग्यम्से पर्मेस्वरलनो तोप्प तखइ। ओसेम् थेङ्तनो खेम पङ्लेनो महीमातेङ् सक्ती तखइ! आमेन्। Faic an caibideil |
१ पत्रुस 4:11
47 Iomraidhean Croise
एङ्यीमाचे स्य्हेङ्बे हुजु ज्यबे लक् ग्यम्से एङ्यीमा खतेबे म्हीमा बी ल्हो-ल्होमात ङोन्ब। एङ्यीमाचे ख्रीस्ट्की ज्यबे सम्तर् बीस्वास् लज्यीम् हुजु अनुसार् ब्रबे तम्, ओसेम् एङ्यीमातेङ् मुबे स्हे सेम् य्हङ् लज्यीम् थेङ्यीमा ओसेम् जम्मतनो जुपीन्बल म्रङ्ज्यीम् थेङ्यीमाचे पर्मेस्वर्त तोप्प।
ओसेम् ङ्य्हङ् ख्रीस्ट्त बीस्वास् स्य्हेङ्बलमाकी लागीरी पर्मेस्वर्की सक्ती गदे ङ्हच्छ्यङ् मुब पङ्बे तम् एङ्यीमाचे गोब खम्खइ बी प्रार्थना स्य्हेङ्ब। हुजु सक्ती ग्यम्से पर्मेस्वर्चे ख्रीस्ट्त स्यीब ग्यम्से सोनलजेत्ज्यी, ओसेम् स्वर्गरी र्हङ्की केत् फ्या पट्टीचे टीबुङ्जेत्ज्यी।
तलेपङ्सम् चु बेलो सम्ममी एङ्यीमाचेमी ल्हो-ल्होमात लोप्प खम्थोबल, तर दवम् सम्म एङ्यीमात पर्मेस्वर्की फ्रोइकी बारेरी सुरु-सुरुरी लोप्पे फ्रोइमाएनो ल्हो-ल्होमाचे लोप्पीन्थोब मुब। एङ्यीमा जम्मनो ङ्य्हे थुङ्बे कोलमा र्हङ्ब तबल मुब, होत्तज्यीम् एङ्यीमात कोङ्बे चबइ देब्री ङ्य्हे तोःब।
ओसेम् ख्रीस्ट्त बीस्वास् अस्य्हेङ्बे म्हीमाकी गुङ्री एङ्यीमाकी ब्यबहार्मा ज्यब तखइ। तलेपङ्सम् थेङ्यीमाचे एङ्यीमात अज्यबे तम्तेङ् लक् स्य्हेङ्बलमा पङ्ज्यीम् एङ्यीमाकी बीरुद्दरी तम् पङ्बतेङ् हुजु बेलोरी थेङ्यीमाचे एङ्यीमाकी ज्यबे लक्मा म्रङ्खइ, ओसेम् पर्मेस्वर् न्याय स्य्हेङ्बरी ब्योन्युबे बेलोरी थेङ्यीमाचे थेङ्त तोप्खइ।
Sanasan