१ पत्रुस 3:7 - पश्‍चिम तामाङ

⁷ र्‌हेम्‍बोमा, एङ्‌यीमाचेएनो र्‌हङ्‍की म्रीङ्‌मात ज्‍यबे ब्‍यबहार स्‍य्‍हेङ्‌ज्‍यीम् स्‍य्‍हेस स्‍य्‍हेङो, तलेपङ्‌सम् एङ्‌यीमाकी म्रीङ्‍मा एङ्‍यीमागदे बङ्‍ज्‍येन् अरेलेनो पर्‌मेस्‍वर्‌चे न्‍हङ्‌बे खेमेनो अबेबे जीवन् एङ्‌यी म्रीङ् र्‌हेम्‍बोमा जम्‍मचेनो यङ्‍स्‍ये मुब। एङ्‌यीमाकी प्रार्‌थनारी ताचेएनो उन्‍न अलखइ पङ्‍ज्‍यीम् चोले स्‍य्‍हेङो।

१ पत्रुस 3:7 Iomraidhean Croise

मत्‍ती 18:19

ओसेम् ङ एङ्‌यीमात देबेएनो पङ्‍ब, चु जम्‍बुलीङ्‌री एङ्‍यीमान्‍हङ्‌री ङ्‍य्‍हीलनो सेम् गी तज्‍यीम् ता पङ्‌लेनो र्‌हीत्‍ज्‍यी पङ्‌सम् ङइ स्‍वर्‌गइ अपचे एङ्‌यीमाकी लागीरी हुजु न्‍हङ्‌जेत्स्‍ये मुब।

१ कोरीन्‍थी 7:3

अपकोलमाचे भ्‍या स्‍हेङ्‌ब बीसेम् र्‌हङ्‍की म्रीङ्‍तेङ् न्‍हुथोब, ओसेम् होलेनो म्रीङ्‍चेएनो र्‌हेम्‍बोतेङ् न्‍हुथोब।

एफीसी 3:6

हुजु रहस्‍यइ तम्‍मी चु य्‍हीन्‍ब, यहुदी अय्‍हीन्‍बे म्‍हीमाचेएनो ज्‍यबे सम्‍तर् ग्‍यम्‍से यहुदीमाचे र्‌हङ्‌लेनो पर्‌मेस्‍वर्‌की मोलम्‍मा यङ्‍ब य्‍हीन्‍ब। यहुदी अय्‍हीन्‍बे म्‍हीमाएनो ल्‍हीः गीःकी अङ्‍ग य्‍हीन्‍ब, ओसेम् पर्‌मेस्‍वर्‌चे येसु ख्रीस्‍ट्‍री न्‍हङ्‍जेत्‍प बी सुङ्‍जेत्‍बे बाचा अनुसार् थेङ्‌यीमा जम्‍मचेनो यङ्ब।

एफीसी 4:30

ओसेम् पर्‌मेस्‍वर्‌की पबीत्र आत्‍मात दुखी तन थलउ, तलेपङ्‍सम् पबीत्र आत्‍मानो एङ्‍यीमात फेःपीन्‍बे दीन्‍की लागीरी यङ्‍बे छाप् य्‍हीन्‍ब।

एफीसी 5:33

होत्‍तज्‍यीम् एङ्‍यीमा जम्‍मचेनो र्‌हङ्-र्‌हङ्‍की म्रीङ्‍त र्‌हङ्‍त र्‌हङ्‌ले म्‍होइथोब, ओसेम् जम्‍मनो म्रीङ्‍माचेएनो र्‌हङ्-र्‌हङ्‍की र्‌हेम्‍बोत स्‍हेस स्‍य्‍हेङ्‍थोब।

एफीसी 6:18

खेम पङ्‌लेनो पबीत्र आत्‍मारी खजु बेलोरी पङ्‌लेनो जम्‍मनो तम्‍मारी प्रार्‌थना स्‍य्‍हेङ्‌स्‍यीनो टीउ। चु तम्‍मात सेम्‍री थेन्‍ज्‍यीम् खेम पङ्‌लेनो होसीयार् तज्‍यीम् प्रार्‌थना स्‍य्‍हेङ्‍स्‍यीनो टीउ, ओसेम् पर्‌मेस्‍वर्‌की जम्‍मनो म्‍हीमाकी लागीरीएनो खेम पङ्‌लेनो प्रार्‌थना स्‍य्‍हेङो।

कलस्‍सी 3:19

र्‌हेम्‍बोमा, एङ्‍यीमाचे र्‌हङ्-र्‌हङ्‍की म्रीङ्‍मात कोङ्‌बे सेम् अथोनले म्‍होइगो।

१ थेस्‍लोनीकी 4:4

एङ्‍यीमा जम्‍मचेनो पर्‌मेस्‍वर्‌त अस्येबे म्‍हीमाचे र्‌हङ्‌ले प्रो नापीन्‍बे सेम् थो:ज्‍यीम् अय्‍हीन्, तर पबीत्रतेङ् स्‍य्‍हेस स्‍य्‍हेङ्‌ज्‍यीम् र्‌हङ्‌की म्रीङ्‍तेङ् टीथोब।

तीतस 3:7

चोले ङ्‍य्‍हङ्‍मा थेङ्‌की अनुग्रहचे लज्‍यीम् धर्‌मी तज्‍यी, ओसेम् ङ्‍य्‍हङ्‍चे आस् थेन्‍बे खेमेएनो अबेबे जीवन्‍की हक्‍दार् तज्‍यी।

हीब्रु 1:14

होत्‍तज्‍यीम् जम्‍मनो स्‍वर्‌गदुत्‍मा पर्‌मेस्‍वर्‌चे मुक्‍ती न्‍हङ्‍स्‍येलामाकी स्‍य्‍हप्‍तो स्‍य्‍हेङ्‌बरी पीत्‍जेत्‍पे आत्‍मामाकीनो य्‍हीन्‍ब।

१ पत्रुस 3:1

बीस्‍वासी म्रीङ्‍मा, एङ्‍यीमा र्‌हङ्‍की र्‌हेम्‍बोमाइ अधीन्‍री टीथोब। होले लबतेङ् पर्‌मेस्‍वर्‌की फ्रोइत बीस्‍वास् अस्‍य्‍हेङ्‌बे र्‌हेम्‍बोमाचेएनो एङ्‌यीमाकी बानी ब्‍यहोर् म्रङ्‌ज्‍यीम् एङ्‍यीमाचे तेए अस्‍येत्‍लेएनो बीस्‍वास् स्‍य्‍हेङ्‍स्‍ये मुब।