१ पत्रुस 2:9 - पश्चिम तामाङ9 तर एङ्यीमामी पर्मेस्वर्चे दम्जेत्पे म्हीमा, ग्यल्बोइ लम्बुमा, ओसेम् पबीत्र जाती य्हीन्ब, एङ्यीमा पर्मेस्वर्की र्हङ्की म्हीमा य्हीन्ब। थेङ्चे एङ्यीमात थेङ्की अचम्मइ लक्माकी बारेरी प्रचार स्य्हेङ्बरी म्हुन्दुङ् ग्यम्से अचम्मइ य्हल्री नोम्खजेत्ज्यी। Faic an caibideil |
१ पत्रुस 2:9
50 Iomraidhean Croise
थेङ्यीमाकी मी म्रङ्न लपीन्बरी पीत्प। होत्तज्यीम् थेङ्यीमा म्हुन्दुङ्ग्यम्से य्हल्री, सैतान्की सक्ती ग्यम्चे पर्मेस्वर्पट्टी दोखइ। ओसेम् थेङ्यीमाकी पापमा क्षमा तस्ये मुब, ओसेम् ङत बीस्वास् स्य्हेङ्बल तज्यीम् पर्मेस्वर्चे दम्जेत्पलमाकी गुङ्री थेङ्यीमाचेएनो ग्ला यङ्स्ये मुब।’
पर्मेस्वर् अपचे य्हक्को ङोन्ग्यम्नो थेङ्की योजना अनुसार् एङ्यीमात र्हङ्की पबीत्र म्हीमा तबरी दम्जेत्पल य्हीन्ब। येसु ख्रीस्ट्की काःचे पबीत्र तज्यीम् येसु ख्रीस्ट्चे कुल्जेत्पे अर्ती एङ्यीमाचे ङ्येन्ब खमो पङ्ज्यीम् थेङ्चे एङ्यीमात आत्मा ग्यम्से र्हङ्ल स्य्हेङ्जेत्ज्यी। एङ्यीमात अनुग्रहतेङ् सान्ती य्हक्को तखइ।
प्रचार स्य्हेङ्बे बर्दान् यङ्बलचे पर्मेस्वर्की फ्रोइ प्रचार स्य्हेङ्थो:ब, सेव स्य्हेङ्ब पङ्बलचे पर्मेस्वर्चे न्हङ्जेत्पे सक्ती ग्यम्से स्य्हेङ्थो:ब। होलेनो जम्म तम्री येसु ख्रीस्ट् ग्यम्से पर्मेस्वरलनो तोप्प तखइ। ओसेम् थेङ्तनो खेम पङ्लेनो महीमातेङ् सक्ती तखइ! आमेन्।
Sanasan