१ पत्रुस 2:7 - पश्‍चिम तामाङ

⁷ होत्‍तज्‍यीम् बीस्‍वास् स्‍य्‍हेङ्‍बलमाकी लागीरी चु युङ्‌ब य्‍हक्‍को सेइल य्‍हीन्‍ब। तर बीस्‍वास् अस्‍य्‍हेङ्‍बलमाकी लागीरीमी, “दीम् स्‍य्‍हेङ्‌बे म्‍हीमाचे लक्अत पङ्‍ज्‍यीम् ख्‍लाबे युङ्‌ब स्‍हुर् युङ्‌ब तज्‍यी।”

१ पत्रुस 2:7 Iomraidhean Croise

मत्‍ती 21:42

येसुचे थेङ्‌यीमात सुङज्‍यी, “एङ्‍यीमाचे धर्‌मइ छ्‍येःरी ब्रीबे चु तम् खेमेएनो खेत्‍पल अरे? ‘कर्‌मीमाचे लक् अत पङ्‍ज्‍यीम् ख्‍लाबे युङ्‌ब स्‍हुर् युङ्‌ब तखज्‍यी, परमप्रभुचेनो चु स्‍य्‍हेङ्‌जेत्‍पल य्‍हीन्‍ब, ओसेम् चु ङ्‍य्‍हङ्‍माइ लागीरी अचम्‍म य्‍हीन्‍ब।’

लुका 2:32

थेङ्‌नो यहुदी अय्‍हीन्‍बे म्‍हीमात ग्‍यम् ङोन्‍बे य्‍हल् य्‍हीन्‍ब। ओसेम् थेङ्‌नो एल इस्राएलीमाकी महीमा य्‍हीन्‍ब।”

लुका 2:34

सीमीयोनचे थेमात मोलम् पीन्‍ज्‍यीम् येसुइ अम मरीयमत चोले पङ्‌ज्‍यी, “ङ्‍यनो, इस्राएलरी थेत बीस्‍वास् स्‍य्‍हेङ्‌बे म्‍हीमात थेचे थर्‌नलब, बीस्‍वास् अस्‍य्‍हेङ्‌बमात नास् लब। ओसेम् गदे म्‍हीमाकी लागीरी थे बीरोधकी चीनो तबे लागीरी एइ कोलत पर्‌मेस्‍वर्‌चे दम्‍जेत्‍पल मुब।

लुका 20:17

ओसेम् येसुचे थेङ्‌यीमात स्‍हीःज्‍यीम् सुङ्‌ज्‍यी, “होलेपङ्‌सम् धर्‌मइ छ्‍येःरी चोले ब्रीबल ता य्‍हीन्‍ब? ‘दीम् स्‍य्‍हेङ्‌बे कर्‌मीमाचे लक् अत पङ्‌ज्‍यीम् ख्‍लाबे युङ्‌ब, स्‍हुर् युङ्‌ब तखज्‍यी।’

युहन्‍ना 4:42

थेङ्‍यीमाचे हुजु अमकोलत पङ्‍ज्‍यी, “देरेम् एइ तम्‍कीनो थ्‍येःज्‍यीम् अय्‍हीन्, तर ङ्‌यीमा र्‌हङ्‍चेनो थेङ्‌की फ्रोइ थ्‍येःबल तज्‍यीम् बीस्‍वास् स्‍य्‍हेङ्‌ब। थेङ् देमेन्‍नो जम्‍बुलीङ्‌की मुक्‍ती न्‍हङ्‌बे ख्रीस्‍ट् य्‍हीन्‍ब बी देरेम् ङ्‌यीमाचे स्‍येःब।”

प्रेरीत् 26:19

“होत्‍तज्‍यीम् ग्‍यल्‍बो अग्रीपास्, स्‍वर्‌ग ग्‍यम्‍चे म्रङ्‌बे हुचु दर्‌सन्‍त ङचे अङ्‍येन्‍नले टीअखम्।

रोमी 10:21

तर इस्रएल्‍की बारेरी पर्‌मेस्‍वर्‌चे सुङ्‌जेत्‍ज्‍यी, “ङइ तम् अङ्‌येन्‍ज्‍यीम् बीरोद् स्‍य्‍हेङ्‍बलत ङ्‍होत्‍परी, ङचे दीन् र्‌हङ्‍स्‍यीनो ङइ या फेर् लज्‍यी।”

रोमी 15:31

यहुदीयारी मुबे बीस्‍वास् अस्‍य्‍हेङ्‌बे म्‍हीमा ग्‍याम्‍से थर्‌ब खम्‍खइ, ओसेम् ङचे यरुसलेम्‍री बोर्‌टीबे टङ पर्‌मेस्‍वर्‌की म्‍हीमाचे कीन्‍ज्‍यीम् सेम्‍री ङ्‍यीखइ पङ्‍ज्‍यीमएनो प्रार्‌थना स्‍य्‍हेङ्पीनो।

२ कोरीन्‍थी 2:16

थर्‌ब यङ्‍टीबलमाकी लागीरी ङ्‍य्‍हङ्‍मा जीवन्‍की ज्‍यबे मोर्‌थङ् य्‍हीन्‍ब ओसेम् नास् तयम्‍टीबलमाकी लागीरी स्‍यीबइ अज्‍यबे थङ् य्‍हीन्‍ब। ओसेम् चु तम्‍की लागीरी खल जेःबल मुब?

कलस्‍सी 2:10

ओसेम् एङ्‍यीमाचे ख्रीस्‍ट्‍रीनो देमेन्‍की जीवन् यङ्‌बल मुब, थेङ्‍नो जम्‍मनो सासक्‍मातेङ् अधीकार्‌की क्र य्‍हीन्‍ब।

तीतस 3:3

तलेपङ्‍सम् ङोन्‍ग्‍यम् ङ्‍य्‍हङ्‍माएनो मुर्‌ख, पर्‌मेस्‍वर्‌त अङ्‍येन्‍बल, बराल्‍तीज्‍यीम् ब्रबल। ङ्‍य्‍हङ्‍मा अज्‍यबे सेम्‍तेङ् मनमोज्‍की बाना मुबल। ओसेम् र्‌होत न्‍होङ्‍न लबे सेम् थोःबतेङ् स्‍हेर्‌बल, म्‍हीमाचे ङ्‍य्‍हङ्‍त अखोबल ओसेम् ङ्‍य्‍हङ्‍मा न्‍हङ्‍एनो गीःचे गीःत अखोबल मुबल।

हीब्रु 11:31

बीस्‍वास् ग्‍यम्सेनो बेस्‍या राहाब पर्‌मेस्‍वर्‌त अङ्‍येन्‍बे थेइ सहर्‌की म्‍हीमातेङ् बक्‍च्‍य स्‍यीअथो, तलेपङ्‍सम् थेचे जासुस् लबरी ङ्‌यीबे इस्राएलीमात ज्‍यनले स्‍वागत् स्‍य्‍हेङ्‌बल मुबल।

हीब्रु 4:11

होत्‍तज्‍यीम् ङ्‍य्‍हङ्‍मा हुजु दुःब न्‍हबे ग्‍लारी वङ्‌बरी खम्‍गदे बङ् लइ, ओसेम् ङ्‍य्‍हङ्‍मा खलेएनो पर्‌मेस्‍वर्‌की अर्‌तीमा अङ्‍येन्‍बे इस्रएलीमा र्‌हङ्‌ले नास् तज्‍यीम् अय्‍हर्‌खइ।

१ पत्रुस 1:8

एङ्‍यीमाचे येसु ख्रीस्‍ट्‍त म्रङ्‌बल अरेलेएनो म्‍होइब, ओसेम् एङ्‍यीमाचे थेङ्‍त देरे अम्रङ्‍लएनो बीस्‍वास् स्‍य्‍हेङ्‌ब, ओसेम् स्‍येत्‍ज्‍यीम् स्‍येत्‍प अखम्‍बे ङ्‍हच्‍छ्‍यङ् महीमीत तङ्‍बचे एङ्‌यीमाकी सेम् प्‍लीङ्‍बल मुब।

१ पत्रुस 2:4

एङ्‍यीमा प्रभु येसुज खोउ, थेङ् सोम्‍बो युङ्‌ब य्‍हीन्‍ब। म्‍हीमाचे थेङ्‍त लक् अतबल पङ्‍ज्‍यीमा ख्‍लाज्‍यी, तर पर्‌मेस्‍वर्‌चेमी थेङ्‍त दम्‍जेत्‍ज्‍यीम् य्‍हक्‍को सेइकी युङ्‌ब स्‍य्‍हेङ्‍जेत्‍ज्‍यी।

१ पत्रुस 2:8

ओसेम्, “चुनो म्‍हीमात थोक्‍स्‍येकी युङ्‌ब य्‍हीन्‍ब, चु युङ्‌बचे लज्‍यीम् म्‍हीमा गुर्‌स्‍ये मुब।” पर्‌मेस्‍वर्‌की फ्रोइत अङ्‍येन्‍बल तज्‍यीम् थेङ्‍यीमा थोक्‍स्‍ये मुब। थेङ्‍यीमाकी लागीरी चोतेब तबुङ्‍बे सेम् पर्‌मेस्‍वर्‌ल मुबल।