१ पत्रुस 2:2 - पश्‍चिम तामाङ

² छार् न्‍हबे कोलमाचे ङ्‍य्‍हे थुङ्‍ब म्‍हइब र्‌हङ्‌ले एङ्‍यीमाचे पर्‌मेस्‍वर्‌की देमेन्‍की फ्रोइत म्‍हयो। ओसेम् हुजु फ्रोइ यङ्‌ज्‍यीम् एङ्‍यीमा छर्‌स्‍ये मुब ओसेम् थर्‌स्‍ये मुब।

१ पत्रुस 2:2 Iomraidhean Croise

मत्‍ती 18:3

ओसेम् थेङ्‌चे सुङ्‌ज्‍यी, “देमेन्‍नो ङ एङ्‌यीमात पङ्‍ब, एङ्‌यीमाकी सेम् पोज्‍यीम् चु कोलमा र्‌हङ्‌ब अतज्‍यी पङ्‌सम् एङ्‍यीमा खेमेनो पर्‌मेस्‍वर्‌की य्‍हुल्‍री वङ्‍म्‍यङ्‍स्‍ये अरे।

मत्‍ती 19:14

तर येसुचे, “कोलमात ङइज खबुङो, थेङ्‌यीमात थर्‌होदो। तलेपङ्‍सम् स्‍वर्‌गइ य्‍हुल् चु कोलमा र्‌हङ्‌बमाकी लागीरी य्‍हीन्‍ब” बी सुङ्‌ज्‍यी।

मर्‌कुस् 10:15

ङ एङ्‌यीमात देमेन्‍नो पङ्‍ब, खल्‍चे पर्‌मेस्‍वर्‌की य्‍हुल्‍त कोल गीःचे र्‌हङ्‌ले ग्रहन् अस्‍य्‍हेङ्‌ज्‍यी, थे हुजु न्‍हङ् वङ्‍स्‍ये अरे।”

लुका 18:17

ङ एङ्‌यीमात देमेन्‍नो पङ्‌ब, खल्‍चे चु कोलमाचे र्‌हङ्‌ले पर्‌मेस्‍वर्‌की य्‍हुल्‍त बीस्‍वास् अस्‍य्‍हेङ्‌ज्‍यी थे खेमेएनो पर्‌मेस्‍वर्‌की य्‍हुल्‍री वङ्‌अखम्।”

रोमी 6:4

तलेपङ्‌सम् ङ्‍य्‍हङ्‍माएनो बप्‍तीस्‍मा ग्‍यम्‍से येसु ख्रीस्‍ट्‌तेङ् बक्‍च्‍य स्‍यीज्‍यीम् बुब्‍ज्‍यी। होत्‍तज्‍यीम् पर्‌मेस्‍वर् अपइ महीमीत् सक्‍ती ग्‍यम्‍से येसु ख्रीस्‍ट् स्‍यीब ग्‍यम्‍से सोजेत्‍प र्‌हङ्‌ले देरेम् ङ्‍य्‍हङ्‍माएनो छार् जीवन् सोब।

१ कोरीन्‍थी 14:20

म्‍होइबे र्‌होमा, कोलमाचे म्‍हेन्‍ब र्‌हङ्‌ले म्‍हेन्‍ब पीत्‍थोब। एङ्‍यीमामी ताएनो दुस्‍ट लक्‍मा अस्‍य्‍हेङ्‌बे ज्‍यीद कोलमा र्‌हङ्‍ब तथोब, तर सेम्‍री म्‍हेन्‍बतेङ् बीचार् लबरीम् सेम् च्‍यीप्‍पे म्‍हीमा र्‌हङ्‍ब तथोब।

एफीसी 2:21

थेङ्‍री दीम्‍की जम्‍मनो थोमा ठीक्‍ले थुत्‍प, ओसेम् प्रभुरी पबीत्र दीम् तबरी जम्‍मनो थोमा य्‍हक्‍को तस्‍यीनो बोर्‌ब।

एफीसी 4:15

बरु म्‍होइबरी देमेन्‍कीनो पङ्‍ज्‍यीम्, जम्‍मनो तम्‍री ङ्‍य्‍हङ्‍मा ख्रीस्‍ट् र्‌हङ्‍ब तस्‍यीनो बोर्‌थोब। तलेपङ्‍सम् ख्रीस्‍ट् ङ्‍य्‍हङ्‍माकी क्र य्‍हीन्‍ब।

२ थेस्‍लोनीकी 1:3

र्‌होमा, एङ्‌यीमाकी बीस्‍वास् य्‍हक्‍को तबोर्‌टीबल मुब। ओसेम् एङ्‍यीमाचे गीःचे गीःत झेन् य्‍हक्‍को म्‍होइस्‍यीनो टीबोर्‌बल मुब। होत्‍तज्‍यीम् एङ्‌यीमाकी लागीरी ङ्‌यीमाचे पर्‌मेस्‍वर्‌त खेम पङ्‌लेनो व्‍होर्‌छ्‍ये पीन्‍थोब।

१ पत्रुस 1:23

तलेपङ्‍सम् पर्‌मेस्‍वर्‌की सोम्‍बोतेङ् खेम बीबीनो टीबे फ्रोइ ग्‍यम्‍से एङ्‍यीमा छार् तज्‍यीम् न्‍हबल मुब। एङ्‍यीमा नास् तबे अपइ जजमे अय्‍हीन् तर पर्‌मेस्‍वर्‌की नास् अतबे फ्रोइ ग्‍यम्‍से छार् तज्‍यीम् न्‍हबे ज-जमे य्‍हीन्‍ब।

२ पत्रुस 3:18

तर खेम पङ्‌लेनो ङ्‍य्‍हङ्‍की प्रभुतेङ् मुक्‍तीदाता येसु ख्रीस्‍ट्‍की अनुग्रहतेङ् ज्ञान्‍री य्‍हक्‍को तस्‍यीनोबोरो। देरे ओसेम् खेम पङ्‌लेनो थेङ्‍तनो तोप्‍प तखइ। आमेन्!