१ पत्रुस 2:12 - पश्चिम तामाङ12 ओसेम् ख्रीस्ट्त बीस्वास् अस्य्हेङ्बे म्हीमाकी गुङ्री एङ्यीमाकी ब्यबहार्मा ज्यब तखइ। तलेपङ्सम् थेङ्यीमाचे एङ्यीमात अज्यबे तम्तेङ् लक् स्य्हेङ्बलमा पङ्ज्यीम् एङ्यीमाकी बीरुद्दरी तम् पङ्बतेङ् हुजु बेलोरी थेङ्यीमाचे एङ्यीमाकी ज्यबे लक्मा म्रङ्खइ, ओसेम् पर्मेस्वर् न्याय स्य्हेङ्बरी ब्योन्युबे बेलोरी थेङ्यीमाचे थेङ्त तोप्खइ। Faic an caibideil |
१ पत्रुस 2:12
46 Iomraidhean Croise
ङ्यीमाचे चु तम् ढुक्कले पङ्ब खम्ब, ओसेम् ङ्यीमाकी बीबेक्चेएनो गबाही पीन्ब, चु जम्बुलीङ्की म्हीमाकी ङोन्ग्यम्कीनो अय्हीन् तर एङ्यीमाकी ङोन्ग्यम्एनो ङ्यीमाचे पर्मेस्वर्चे ङोन्जेत्पे ज्यबतेङ् देमेन्की ग्यम्री ब्रबल मुब। चु देमेन्की सेम् ङ्यीमाचे पर्मेस्वर्की अनुग्रह ग्यम्से यङ्बल य्हीन्ब, म्हीइ बुद्दी ग्यम्से अय्हीन्।
ङ्य्हङ्मा जम्मनो तीख्यप् थेङ्यीमा र्हङ्बनो मुबल ओसेम् र्हङ्की ल्हीःतेङ् सेम्चे ता स्य्हेङ्गे म्हेन्ज्यी हुजु स्य्हेङ्ज्यीम् पाप्की ग्यम्री ब्रब मुबल। ओसेम् ङ्य्हङ्माकी होतेबे स्वभाब अनुसार्मी ल्हो-ल्हो म्हीमाचे र्हङ्ले ङ्य्हङ्माचेएनो पर्मेस्वर् ग्यम्से सजाय नाथोस्ये मुबल।
तर एङ्यीमाचे होले स्येत्पे बेलोरी नम्र तज्यीम् स्य्हेस लज्यीम् स्येतो। ओसेम् एङ्यीमाचे ख्रीस्ट्की लीप्चे ब्रज्यीम् ज्यबे ब्यहोर् स्य्हेङ्बल म्रङ्ज्यीम् एङ्यीमाकी बीरोद् लबलमातेङ् एङ्यीमात नीन्द स्य्हेङ्बलमा थेङ्यीमा र्हङ्नो पेत्खइ पङ्ज्यीम् एङ्यीमाइ बीबेक्त चोखो थेनो।
प्रचार स्य्हेङ्बे बर्दान् यङ्बलचे पर्मेस्वर्की फ्रोइ प्रचार स्य्हेङ्थो:ब, सेव स्य्हेङ्ब पङ्बलचे पर्मेस्वर्चे न्हङ्जेत्पे सक्ती ग्यम्से स्य्हेङ्थो:ब। होलेनो जम्म तम्री येसु ख्रीस्ट् ग्यम्से पर्मेस्वरलनो तोप्प तखइ। ओसेम् थेङ्तनो खेम पङ्लेनो महीमातेङ् सक्ती तखइ! आमेन्।
Sanasan