१ पत्रुस 2:1 - पश्‍चिम तामाङ

¹ होत्‍तज्‍यीम् एङ्‍यीमाचे जम्‍मनो अज्‍यबे ब्‍यबहार्‌मा, र्‌होत लुब, छल्-कपट स्‍य्‍हेङ्‍ब, ओसेम् स्‍हेर्‌बतेङ् नीन्‍द स्‍हेङ्‌ब पीतो।

१ पत्रुस 2:1 Iomraidhean Croise

मत्‍ती 15:7

ओ कपटीमा! यसैया अगम्‍बक्‍तचे एङ्‌यीमाकी बारेरी सुङ्‍बे चु तम् डीःब-

मत्‍ती 23:28

चोले एङ्‌यीमाएनो दोचेम् म्‍हीमाइ ङ्‍होन्‍सङ् धर्‌मी म्रङ्‌ब, तर न्‍हङ्‍चेम् कपटीतेङ् अज्‍यबचे प्‍लीङ्‍बल मुब।

मत्‍ती 24:51

ओसेम् न्‍याबोचे थेत सजाय पीन्‍ज्‍यीम् कपटीमातेङ् बक्‍च्‍या ख्‍लापीत्‍स्‍ये मुब। हुजुरी थे स क्रीतीक्‍ज्‍यीम् क्रास्‍ये मुब।”

मत्‍ती 7:5

एङ्‌यी कपटीमा! ङोन्‍ग्‍यम् र्‌हङ्‌की गोरी मुबे मइत ल्‍हब्‍लाको ओसेम् अलेइ गोरी मुबे स्‍येत् दुत्‍ज्‍यीम् ख्‍लाब खम्‍स्‍ये मुब।

मर्‌कुस् 12:15

ङ्‌यीमाचे थेत तीरो फाथोःब वुइ फाअतो?” येसुचे थेङ्‌यीमाकी अज्‍यबे सेम् खेम्‍ज्‍यीम्, “एङ्‍यीमाचे ङत तले फसइतीब म्‍हइब? खइ, ङत रोमी पइस गीः बोउ, च्‍यागे” बी सुङ्‌ज्‍यी।

लुका 11:44

धीक्‍कार एङ्‌यीमात! तलेपङ्‍सम् एङ्‌यीमा म्‍हीचे अम्रङ्‌बे दुर्‌स र्‌हङ्‌ब य्‍हीन्‍ब। ओसेम् म्‍हीमाचे दुर्‌स बी अस्‍येःज्‍यीम् हुजु जोसे ब्रब।”

लुका 12:1

हुजु बेलोरीनो ज्‍याब अखम्‍ब सम्‍मइ य्‍हक्‍को म्‍हीमा र्‌हुब तज्‍यीम् गीःचे गीःत प्‍लेब म्‍हइज्‍यी। येसुचे थेङ्‌की डबमात ङोन्‍ग्‍यम् सुङ्‌ज्‍यी, “फरीसीमाकी कपटी बीचार् ग्‍यम्‍से होसीयार् तोउ। थेङ्‌यीमाकी कपटी बीचार् खमीर् र्‌हङ्‌ब य्‍हीन्‍ब।

लुका 6:42

र्‌हङ्‌की गोरी मइ् ब्रब अम्रङ्‌ब्‍लचे खले पङ्‌खम्‍ब ‘अले एइ गोरी मुबे स्‍येत् दुत्‍ज्‍यीम् ख्‍लाके।’ ओ न्‍हङ् अज्‍यबे म्‍हीमा! ङोन्‍ग्‍यम् र्‌हङ्‌की गोरी मुबे मइतगीः लब्‍लाको ओसेम् अलेइ गोरी मुबे स्‍येत् दुत्‍ज्‍यीम् ख्‍लाखम्‍ब।”

युहन्‍ना 1:47

ओसेम् येसुचे नथानेलत र्‌हङ्‍ज खटीबल म्रङ्‌जेत्‍ज्‍यीम् नथानेलकी बारेरी सुङ्‌ज्‍यी, “च्‍याको थे देमेन्‍की इस्रएली य्‍हीन्‍ब, थेतेङ् तइ छलएनो अरे।”

रोमी 1:29

थेङ्‍यीमा जम्‍मनो थोइ अधार्‌मीक्, दुस्‍टता, लोभतेङ् ल्‍हो-ल्‍होत हेल लबचे प्‍लीङ्‍बल मुब। थेङ्‍यीमाचे र्‌होत स्‍हेर्‌ब, सेत्‍प, छेत्‍प बङ्‍ब, लुब, र्‌होइ बारेरी अज्‍यब म्‍हेन्‍ब, र्‌होकी तङ्‍मेन् लब,

१ कोरीन्‍थी 14:20

म्‍होइबे र्‌होमा, कोलमाचे म्‍हेन्‍ब र्‌हङ्‌ले म्‍हेन्‍ब पीत्‍थोब। एङ्‍यीमामी ताएनो दुस्‍ट लक्‍मा अस्‍य्‍हेङ्‌बे ज्‍यीद कोलमा र्‌हङ्‍ब तथोब, तर सेम्‍री म्‍हेन्‍बतेङ् बीचार् लबरीम् सेम् च्‍यीप्‍पे म्‍हीमा र्‌हङ्‍ब तथोब।

१ कोरीन्‍थी 5:8

होत्‍तज्‍यीम् ङ्‍य्‍हङ्‍माचे अज्‍यबतेङ् दुस्‍ट लक्‍मा र्‌हङ्‍बे न्‍होङ्‍ज्‍यीन्‍बे खमीर्‌चे स्‍य्‍हेङ्‌बे गेङ् चज्‍यीम् अय्‍हीन्, तर सुद्‍दतेङ् देमेन्‍की लक्‍मा र्‌हङ्‍बे खमीर् अयुबे ग्‍येङ् चज्‍यीम् पर्‌ब म्‍हन्‍दीइ।

२ कोरीन्‍थी 12:20

तलेपङ्‍सम् ङ हुजुरी खबे बेलोरी ङचे आस् लबल बीम् एङ्‌यीमा ल्‍होल्‍होनो तल, ओसेम् एङ्‍यीमाचे आस् लबल बीम ल्‍हो-ल्‍हो ङ तल बी लोङ्‍बल मुब। एङ्‌यीमाकी गुङ्‍री बङ्‍ब छेत्‍प स्‍य्‍हेङ्‍बल, स्‍य्‍हेर्‌बल, बोमो लबल, र्‌हङ्‍लकीनो ज्‍यब तखइ पङ्‍बल, केत्‍पल, र्‌होइ तङ्‍मेन् लबल, घमन्‍ड लबल ओसेम् लडाइ स्‍य्‍हेङ्‌बलमा यङ्‌ल बी ङ लोङ्‍बल मुब।

एफीसी 4:31

जम्‍मनो अज्‍यबे तम्, बङ्‍ब छेत्‍प ओसेम् बोमो लब पीतो। केत्‍पतेङ् नीन्‍द लब पीतो, जम्‍म थोइ अज्‍यबे बानी ब्‍यहोर्‌मा एङ्‍यीमाचे पीत्‍लाको।

१ थेस्‍लोनीकी 2:3

ङ्‌यीमाचे लोप्‍पे तम् न्‍ह भ्‍युले य्‍हीन्‍ब, न्‍ह असुद्‍द तखइ बी य्‍हीन्‍ब, न्‍ह लुपरी य्‍हीन्‍ब।

१ तीमोथी 3:11

ओसेम् थेङ्‍यीमाकी म्रीङ्‍माएनो स्‍य्‍हेस यङ्‌बरी जेःबल, र्‌होकी बारेरी अज्‍यबे तङ्‍मेन् अलबल ओसेम् र्‌हङ्‌चे र्‌हङ्‍त दुल्‍ज्‍यीम् जम्‍मनो तम्‍री बीस्‍वासीलो तथोब।

तीतस 2:3

होलेनो खुयु अममात पर्‌मेस्‍वर्‌त स्‍य्‍हेस स्‍य्‍हेङ्‌ज्‍यीम् ब्रबरी लोपो। ओसेम् थेङ्‍यीमाचे अज्‍यबे तङ्‍मेन् पङ्‍ब अत, य्‍हक्‍को ज्‍यी थुङ्‍ब अत ओसेम् ज्‍यबे तम्‍मा लोप्‍थोब बी कुलो।

हीब्रु 12:1

ङ्‍य्‍हङ्‍माकी कोरोरो चोत्‍ते य्‍हक्‍को दङबोइ साक्षीमा मुब। होत्‍तज्‍यीम् ङ्‍य्‍हङ्‍मात खबे जम्‍मनो बाधमातेङ् ङ्‍य्‍हङमात सजीलोलेनो उन्‍नलबे पाप्‍मात ख्‍लाके, ओसेम् ङ्‍य्‍हङ्‍माकी ङोन्‍री मुबे छ्‍योङ्‍थोबे ग्‍यम्‍री धैर्‌य लज्‍यीम् छ्‌योङ्‍के।

याकुब 1:21

होत्‍तज्‍यीम् एङ्‍यीमाचे स्‍य्‍हेङ्‌बे जम्‍मनो दुस्‍ट तम्‍मातेङ् एङ्‍यीमाचे स्‍य्‍हेङ्‌बे दुस्‍ट लक्‍मा ख्‍लाथोब, ओसेम् पर्‌मेस्‍वर्‌चे एङ्‌यीमाइ सेम्‍री थेन्‍जेत्‍पे फ्रोइत नम्र तज्‍यीम् स्‍वीकार स्‍य्‍हेङो, तलेपङ्‍सम् हुजु फ्रोइचेनो एङ्‌यीमा थर्‌ब खम्‍ब।

याकुब 3:14

तर एङ्‌यीमाकी सेम्‍न्‍हङ् य्‍हक्‍को स्‍हेर्‌बतेङ् र्‌हङ्‍तकीनो ज्‍यब तखइ म्‍हेन्‍बे तम् मुसम् बुद्‍दी मुब पङ्‍ज्‍यीम् र्‌हङ्‌चे र्‌हङ्‍त ङ्‍हच्‍छ्‍यङ् म्‍हेन्‍ज्‍यीम् देमेन्‍की बीरुद्‍दरी पाप थस्‍य्‍हेङो।

याकुब 4:11

ङइ बीस्‍वासी र्‌होमा, एङ्‍यीमाचे गी:चे गी:त अज्‍यबे तङ्‍मेन् थलउ। एङ्‍यीमाचे ल्‍हो-ल्‍हो बीस्‍वासीमाकी बारेरी अज्‍यबे तङ्‍मेन् लज्‍यीम् न्‍याय स्‍य्‍हेङ्‌ब पङ्‌सम् एङ्‍यीमाचे पर्‌मेस्‍वर्‌की नीयम्‍की तङ्‍मेन् लब, ओसेम् न्‍याय स्‍य्‍हेङ्‌ब। एङ्‍यीमाचे पर्‌मेस्‍वर्‌की नीयम्‍की न्‍याय स्‍य्‍हेङ्‌ज्‍यी पङ्‌सम् एङ्‍यीमा पर्‌मेस्‍वर्‌की नीयम् ङ्‍येन्‍बे म्‍ही अत तर न्‍याय स्‍य्‍हेङ्‌बे म्‍ही तब।

याकुब 4:5

धर्‌म छ्‍ये:री “पर्‌मेस्‍वर्‌चे ङ्‍य्‍हङ्‍न्‍हङ् थेन्‍जेत्‍पे आत्‍माइ लागीरी थेङ् य्‍हक्‍को स्‍हेर्‌जेत्‍प” बी ब्रीबे तम् लक् अतबतेङ् देमेन् अय्‍हीन् बी थम्‍हेनो।

याकुब 5:9

ङइ बीस्‍वासी र्‌होमा, एङ्‍यीमा गी:चे गी:की बीरुद्‍दरी थम्‍हुरुको, होलेलसम् एङ्‍यीमात प्रभुचे न्‍याय स्‍य्‍हेङ्‍जेत्‍स्‍ये मुब। च्‍याको, न्‍याय स्‍य्‍हेङ्‍जेत्‍स्‍येकी प्रभु म्रङ्‍खजेत्‍परी टोप तबल मुब।

१ पत्रुस 2:16

खलइ अधीन्‍रीएनो टीअथोबे म्‍हीमाचे र्‌हङ्‌ले र्‌हङ्‍की जीवन् सोउ, तर होले सोम्‍यङ्‍ज्‍यी पङ्‍ज्‍यीम् एङ्‍यीमाचे अज्‍यबे लक्‍मा स्‍य्‍हेङ्‌ब थम्‍हयो। तर पर्‌मेस्‍वर्‌की बाना तउ।

१ पत्रुस 2:22

थेङ्‍चेम् तइ पापएनो स्‍य्‍हेङ्‍अजेत्, ओसेम् थेङ्‌चे तएनो भ्‍यु सुङ् अजेत्।

१ पत्रुस 3:10

तलेपङ्‍सम् धर्‌म छ्‍ये:चे पङ्‍ब, “एङ्‍यीमाचे जीवन्‍त म्‍होइसम् ओसेम् सुखले टीब म्‍हेन्‍सम्, एङ्‍यीमाचे दुस्‍ट तम्‍म पङ्‍बनो अत ओसेम् भ्‍यु पङ्‍ब अत।

१ पत्रुस 4:2

होत्‍तज्‍यीम् देरे य्‍हङ्‍से थेङ्‍यीमाचे सोगदे म्‍हीइ अज्‍यबे सेम् अनुसार अय्‍हीन्, तर पर्‌मेस्‍वर्‌की थु: अनुसार सोब।

१ पत्रुस 4:4

देरेम् एङ्‍यीमाचे पर्‌मेस्‍वर्‌त अस्‍येबे म्‍हीमातेङ् बक्‍च्‍य होतेबे अज्‍यबे लक् अस्‍य्‍हेङ्‌बल म्रङ्‌ज्‍यीम् थेङ्‍यीमा अचम्‍म तब, ओसेम् थेङ्‍यीमाचे एङ्‌यीमाकी नीन्‍द स्‍य्‍हेङ्‍ब।

प्रकास 14:5

थेङ्‍यीमाचे तेएनो भ्‍यु अपङ्, थेङ्‍यीमा तइ दोस्‍एनो अरेबल मुब।