Tito 3:4 - Dios Iwene

⁴ Jo̧kwaijayonö, jejenö dö̧jemi ö'weje, dö̧jibinö pjabato̧ Diosma iteda lȩlö̧jinö edi̧ma i̧sebinobe ökwödönöma, ökwödönö dösölö̧jinö pjabatö,

Tito 3:4 Iomraidhean Croise

Lucas 1:47

ja̧danö cho̧'wo̧ luwo̧ma chö̧jibinö pjabato̧ Diosnö omukwatö o̧'wo̧ ösöwachibanö ö̧jobe,

Romanos 2:4

Chömöledö, Diosma lekwe ite'ada̧lobe ökwödönöma. Lȩbebökönö lekwe ite'ada̧lobe, sulabenö ja̧köbaduwijayonö. Ja̧danö ite'ada̧lobema, ¿kwomukwataduwökenaji̧? Diosma lekwe ite'ada̧lobe ökwödönöma, sulabenö kwomukwataduwi̧ kwöbalewachaduwo jö̧ba̧lö, jweinö kwomukwataduwo jö̧ba̧lö.

1 Timoteo 1:1

Ötjö Pablo mikwo̧sa, Cristo Jesús webawo̧sa, iteda yöawi̧ yötawo jö̧ba̧lö. Do̧'wo̧ döwana̧lökwe Cristo Jesúsbi, ja̧danö dö̧jibinö pjabato̧ Diosbi wetjinobe, Cristo Jesús webawo̧ baibanö chö̧jobö.

1 Timoteo 2:3

Jejenö ja̧bö dö̧jobö otiwa, ja̧danö dö̧jibinö ja̧bo̧ Diosma jejenö ja̧bö dö̧jobö ösödo̧.

1 Timoteo 4:10

Ja̧danö, Dios wei̧ jawa ja̧bö dotidobe, usula emawö dotidobe, ba̧kwȩlö̧jatebö jo̧ Diosnö do̧'wo̧ döwana̧lobetjö̧, isabenö dö̧jibinö ja̧akwo̧ jö̧ba̧lö. Jau, Diosma okobe deinö böjȩ jojodö tjö̧jibobö ja̧bo̧, ja̧danö isabenö dö̧jibinö ja̧bo̧, ökwödö Jesúsnö ösödadönöma.

2 Timoteo 1:10

Ja̧danö babema ja̧ omukwatö ujunina wene ökwödönö i̧sebinobe, dö̧jibinö pjabato̧ Cristo Jesús ichinenama. Jau Timoteo, Cristo Jesúsma woawa ujulu söbebö loinobe, ja̧danö otiwa jawa wenetjö isabenö ja̧kwawa, ba̧kwȩlö̧jatebö ja̧kwawa ökwödönö i̧sebinobe.

Tito 1:3

Ja̧danö, ujunina möle badekwachenama, ja̧ wene i̧sebö yöawinobe Diosma. Ja̧danö, ja̧ wene yötawobö 'da̧batö ujuninökwesa, ja̧danö dö̧jibinö ja̧bo̧ Diosda weobetjö̧, ja̧ wene yötawobe.

Hebreos 9:26

Isabenö chömöledö, Cristoma yemidanöbi, yemidanö ökwösobu o̧ba bakwabakwena ebawö woobö ji̧tjö̧ma, yelösöda, böjȩ otidina möletjö babe baibanö usula emawobö jȩna. Jo̧kwaijayonö yemidanöbi yemidanöbi usula emawökönö Cristoma bakwötanöda böjȩkwö ichinobe, Dios ajayinö yöbawö ujunina 'dö̧ibaji̧ mölema. Ja̧danö, böjȩkwö ichinobe woobö, iteda ökwösobu ebawö, iteda bakwötanöda iyawö dusuli̧ söbebö loobö.

1 Pedro 2:3

Jau chömöledö, ida̧ökö Duluwo̧nö waisachibinadöja, lȩlö̧jinö edö pjabato̧ jö̧ba̧lö, jo̧kwajabetjö̧ jejenö iwenetjö kwöda̧peachaduwobö kwösödaduwo.