Tito 2:15 - Dios Iwene

¹⁵ Tito, biya̧ ökwönö yötawaja̧ma, jojodönö yöbawi. Ja̧danö, Diosda ökwönö ujuninobetjö̧, yebabökönö a̧ja̧kwajadönö lȩbeböbi lȩkebo, tjujuluwachibanö yöbawöbi yökawo. Ja̧danö, okobe deinö Jesúsnö ösödadö yökawi̧ otiwanö tja̧ja̧kwobö webidönö Tito.

Tito 2:15 Iomraidhean Croise

Mateo 7:29

Moisés iwȩyudina jawa ba̧ja̧dadö tjöba̧ja̧di̧danö öba̧ja̧dököwö̧, jejenö tjomukwatinobe, Jesúsma isabenö luwo̧ yöawi̧danö yöawobetjö̧.

Marcos 1:22

Jejunö ba̧jadöma jejenö Jesús yöawawö̧ tjöbajale jalaka baibanö jö̧ba̧lakwawijadötö: —Bitema ju'wedö yötjawi̧danö yöbawö̧kö̧. Yelösöda, Moisés iwȩyudina yöbawadö yötjawi̧danö yöbawö̧kö̧. Jobadöma ju'wedö yötjawinada yöbawadö. Jo̧kwaijayonö bitema iteda öwaisinöda ujulunö yöbawo̧ ichejekwo̧— yöba̧lakwawijadötö.

Marcos 1:27

Laebajobe okobe deinö edajadöma, yöba̧lakwawijadötö idödada: —¡Ayö!¿Tajijö? Abönö da̧ja̧kwemi bitema wainö jawadanö ba̧ja̧do̧, iteda waisinö ujulunö öba̧ja̧di̧ma. Ikena iteda ujulunö o̧'wo̧ luwo̧nö sulabo̧nö a'dewö loajabe. ¡Ayö! Sulabo̧bi jo̧ba wei̧ma a̧ja̧kwo̧— yöba̧lakwawijadötö.

Lucas 4:36

Jejenö balediawö̧, jojodöma tjöbajale jalaka baibanö yötja̧lakwawinobe: —Ayö, bite Jesúsma ¿dakwö jejenö yöbawo̧jö? Bite Jesúsma luwo̧ wei̧danö ujulunö tjo̧'wo̧ luwo̧nö sulabe ja̧dönöma webo̧, ja̧danö wei̧danö labebadö— jö̧ba̧lö yötja̧lakwawinobe.

1 Corintios 16:11

Ja̧danö, ökwödötjö bakwo̧bi jo̧banö öpöjödobö webökönaduwi, Aaa, Timoteoma sulabo̧ jö̧ba̧lö. Ja̧danö, otiwanö pjakataduwonö, juluwanö jobetjö wene jwiinö laebo jö̧ba̧lö, ja̧danö juluwanö ötjökwö yemidanö ichibo jö̧ba̧lö. Jau chömöledö, ju'wedö dömöledö Jesúsnö ösödadökwö Timoteobi baikwö ȩwa̧jobö chite'ada̧lobe.

1 Timoteo 5:20

Ja̧danö, te'ada̧lakwawa luwedötjö sulabenö ja̧bö ju̧kwadönö, Jesúsnö ösödadö tjöba a'otjö ja̧nö jobadönö lȩkebo. Jau Timoteo, jojodö tjöba a'otjö ja̧nö sulabenö ja̧bö ju̧kwadönö lȩkebo, lȩkebi̧ a̧ja̧kwadö a̧ja̧kwö yetjaibakobetjö̧, ja̧danö jobadöbi sulabenö ja̧tjapji jö̧ba̧lö.

2 Timoteo 4:2

Dios iwene yökawo jö̧ba̧lö. Ja̧danö ja̧ yökawo jö̧ta̧laja̧ma, sule wene jwienadamaökö, wene jwienabi, wene jȩnabi yayonö yökawobö jo̧be. Jau Timoteo, ba̧kwȩlö̧jatebö kwo̧'wo̧ 'dibachibö ja̧nö, otiwanö kwöba̧ja̧dobö jo̧be jojodönö. Baikwö yötawa: Jwekebobö baibenama, jwekebobö jo̧be, ja̧danö lȩkebobö baibenama, lȩkebobö jo̧be, ja̧danö tjujuluwachibanö yökawobö baibenama, tjujuluwachibanö yökawobö jo̧be.

Tito 1:13

Ja̧ iwȩyudinama jweinö iwȩyudinobe Creta niji jojodönöma, jo̧kwajabetjö̧ jobadötjö sulabenö yöbawadönö labinö lȩkebo, isabenö weneda do̧ba̧lö tjösödakobetjö̧.

1 Pedro 4:11

Baikwö yötawa: Yöbawadöma, Dios yöawi̧ yötjawobö jo̧be, ja̧danö pjabatadöma, Dios ujulunö pjabatö tjö̧jobö jo̧be. Jejenö Dios iyinadanö ja̧bö kwö̧jaduwenama, Diosda ökwödönötjö pjaatobe jojodönö chömöledö. Ja̧danö Dios pjaati̧ edö okobe deinö Diosnö tjösödakobe, Jesucristo midawö woinobetjö̧ otiwanö pjabato̧ja jö̧ba̧lö. Jau chömöledö, Dabe'do Diosda ba̧kwȩlö̧jatebö dejatinö juluwo̧ma ja̧danö jo̧bada inesö la'aka luwo̧ma, babebi ba̧kwȩlö̧jateböbi, jejenö otiwa.