Proverbios 9:6 - Dios Iwene

⁶ Ja̧danö, duluwuju jweinö omukwatö ja̧kwawa jojosujuma ökwödönö baikwö jwebebö yöbawuju: —Ökwödö ajayinö wajwibö kwö̧jinaduwa kabatibö kwöbalewachaduwo otiwanö kwö̧jaduwakobetjö̧. Jobekwö kwö̧jaduwo kwöwaisaduwakobetjö̧ di̧ya sulojobö jö̧ba̧lö, di̧ya otiwojobö jö̧ba̧lö — jobekwö jwebebö yöbawuju jweinö omukwatö ja̧kwawa jojosujuma ökwödönöma, ichaduwi tekachaduwo jö̧ba̧lö— jobekwö yötjawinobe jweinö omukwatö ja̧kwawa wanekwachuju jömöayedö ya̧döma.

Proverbios 9:6 Iomraidhean Croise

Proverbios 10:17

Ja̧danö, ju'wibi yötawa, wanedö: Bakwo̧, jwebebö yötjawi̧ ösödö a̧ja̧kwo̧ma ja̧kwawa mananö i̧'yakwo̧, o̧'wo̧ ösöwanö. Jobekwö i̧'yokobe jwebebö yötjawi̧ öpöjödo̧ma. Jo̧ba jwebebö yötjawi̧ öpöjödo̧ma tjo̧'wo̧ ösöwanö ja̧kwawa mananö 'yö̧könö jelobekwö i̧'yakwo̧.

Proverbios 13:20

Ju'wibi yötawa: Bakwo̧ ba̧kwȩlö̧jatebö jweinö omukwatadökwö ko̧ko̧kwö ö̧jitjö̧ma jo̧babi jweinö omukwato̧ ö̧jakwo̧. Jobekwö ö̧jokobe omukwatöködökwö ko̧ko̧kwö jo̧ma. Omukwatöködö ba̧kwȩlö̧jatebö ko̧ko̧kwö jo̧ma usula emawö ö̧jakwo̧.

Proverbios 23:19

Jemi ikena jweinö omukwatadö yötjawinama baikwö laebobe, bakwo̧ iteda itji̧nö yöawinadanö: Chitji̧, ötjö jwebebö yötawi̧ma ö'wöyawakwawönö a̧ja̧kwi̧ jweinö omukwatö kwö̧jobö. Böjȩnö ja̧nö, kwi̧'yakwa̧ma ö'wöyakwawönö kwomukwato otiwanö, jwaikwöda kwi̧'yobö.

Proverbios 4:11

Chitji̧, ökwönö jweinö kwomukwatobö öbibö yöbawo̧sa, bö̧jenö ja̧nö otiwanö omukwatö jweamanö kwi̧'yobö.

Proverbios 8:35

Isabenö yötawaduwakwö: Ötjönö badekwajo̧ma lekwe mölȩ ö̧jakwo̧. Ja̧danö, ötjönö badekwajo̧nöma Isabenö Jo̧ma ösödö pjaatakwo̧.

Proverbios 9:11

Isabenö yötawa: Jweinö omukwatö kwö̧jaduwitjö̧ma lekwe kwö̧jaduwena.

Lucas 13:24

—Chömöledö, apjude ja'yuwadebenö tekachaduwobö jwaikwöda kwisakwaduwo, jade utumatakwa̧ abönö. Jau chömöledö, ba̧jekwadö tetjachobö tjisakwakobe, jo̧kwaijayonö tetjachoböma jwiakobe, utumatakwa̧ abönö ja'yuwadebenö tetjachokobetjö̧.

Hechos 2:40

Pedroma ina nöinö yöbawijetö, jojodönö lȩbebö: —Diosma kwö̧jibaduwinö pjaataduwokwö abebaduwi, Jesúsnö ösötenö bȩbinadö lȩebakwawö̧ tjemi̧danö ökwödöbi kwemaduwapji, jö̧ba̧lö— yöbawijetö.

2 Corintios 6:17

Jo̧kwajabetjö̧ Dios wei̧danö ja̧dobö jo̧be chömöledö, baikwö laebobe Dios iwene: Duluwo̧ wei̧ma baikwö laebobe: ötjönö öpöjödadö tjö'da̧detjö labebaduwi, ja̧danö jobadötjö 'da̧bachibaduwi. Jobadö tjujuna̧li̧ suli̧ jawa mabökönaduwi, ja̧danö ökwödönö chösödocha,

Apocalipsis 18:4

Ikenama, mölejȩbetjö Dios iwene cha̧ja̧kwijatö, baikwö: Ötjö chömöledö babibinadönö yötawa. Jobe comunidadtjö labebaduwi, sulabedö ja̧tji̧danö ökwödöbi ja̧köbaduwapji, jö̧ba̧lö. Ja̧danö, ökwödönöbi inia tjököbaduwinö baledapji, jö̧ba̧lö, jobetjöma labebaduwi.