Proverbios 9:13 - Dios Iwene

¹³ Salomón wanedö yöawinama baikwö laebobe: Jweinö omukwatökujuma ¿dakwö jujuda? Yötawaduwakwö: Jobuju jweinö omukwatökujuma labinö yöba̧luju, ja̧danö wajwibuju jweinö omukwatö jö̧joböma. Yelösöda ja'yubebi do̧batökuju jweinö omukwatö ja̧kwawa yötjawi̧ma.

Proverbios 9:13 Iomraidhean Croise

Proverbios 21:19

Ja̧danö, ju'wibi yötawa: Bakwo̧, ilekwo ba̧kwȩlö̧jatebö jwöbeba̧lu̧jukwö ö̧ji̧ma waiyobe ¿jö̧tö̧? Baikwö omukwatena: Bisukwö chö̧jenama bakwȩlö̧jatebö jwöbeba̧luju. Jo̧kwaobetjö̧ jo̧dawa'ye jojodö deobe chö̧jitjö̧ma otiwena jobuju jö̧jelöma ödökwönönö.

Proverbios 21:9

Ja̧danö, ju'wibi yötawa: Bakwo̧, ilekwo ba̧kwȩlö̧jatebö jwöbeba̧lu̧jukwö ö̧ji̧ma waiyobe ¿jö̧tö̧? Baikwö omukwatena: Bisukwö chö̧jenama bakwȩlö̧jatebö jwöbeba̧luju. Jo̧kwaobetjö̧ o̧do mö jo̧dawa'ye 'do̧'do̧kwobe chö̧jitjö̧ma otiwena jobuju jö̧jelöma ödökwönönö.

Proverbios 5:6

Ja̧kwawa mananö, Diosnö ösödö 'yö̧kuju jobujuma. Isudada wajwibö le'dedakwawö 'yuju.

Proverbios 7:11

Ja̧danö, ju'wibi yötawakwö jobujunö: Jobujuma labinö yöba̧luju, ja̧danö, isudada sulabenö omukwatö jösödi̧ma ja̧bö kwebachuju, jejunödama jö̧kuju.

1 Timoteo 6:4

Jobadö wainö yöbawadöma, Aaa, waisadösa, jö̧ba̧lö tjomukwatijayonö, wajwibadö jobadöma. Ja̧danö, sulabe jawa tjösödoko jö̧tja̧li̧ jawama ösödadö. Baikwö ösödadö jobadö wainö yöbawadöma, ölakwabikwawa jawa ösödadö, ja̧danö jwöjwötjakwawobö ösödadö jojodö yötja̧li̧ma, biya̧ma baikwö jö̧ba̧lö laebobe, baikwö jö̧ba̧lö laebobe jö̧ba̧lö. Jejenö ölakwabikwawö jwöjwötjakwawobetjö̧, ju'wedö isabenö wene wajwibadö, tjomukwati̧ bakwainö sulabenö omukwatadöma ö'wiabinö tjedobe jojodönöma. Ja̧danö, jojodönö jwöjwötjakwawobe, ja̧danö ju'wedönö sulabenö yötja̧lobe. Ja̧danö, jojodö ja̧tji̧ tjedököjayonö, ju'wedönö sulabenö tjomukwatobe sulabenö ja̧badö jö̧ba̧lö. Ja̧danö, kabatökönö ölakwabikwawö jwöjwötjakwawobe jobadö bakwainö sulabeda omukwatadöma. Ja̧danö, ju'wibi tjomukwatobe, Aaa, Diosnö ösödakwawama, nöinö böjȩ jawa juna̧ladö badibobö ji̧, jö̧ba̧lö.