Proverbios 8:34 - Dios Iwene

³⁴ Bakwo̧, ju'wi mölȩkwena ötjö yötawi̧ a̧ja̧kwobö chejube ichö, apjude ö'öbönö ja̧nö te'ada̧lo̧nöma, labebö yötawakwujusa. Jo̧bama o̧'wo̧ ösöwanö jo̧ ötjö yötawi̧ a̧ja̧kwö ösödobetjö̧.

Proverbios 8:34 Iomraidhean Croise

1 Reyes 10:8

Isabenö tjo'wo ösöwanö ja̧dö, kwöba a'otjö otidadö kwömöayedöma Salomon. Jobadöma kabatökönö kwöba a'o ja̧nö, waisanö omukwatö yökawi̧ a̧jakwadö, isabenö tjo̧wo ösöwanö ju̧kwadö kwömöayedöma.

Éxodo 12:7

Ja̧danö, 'wibebö kwaköbajaduwawö̧ tjökwösobutjö apjudesötenö dukebaduwo, apjude jawa ö'diyanöbi bakwachakwadanö, möakwöchobe jawanöbi itebiya kukwaduwakwa̧ ejubiyanöma.

Proverbios 1:21

Jao, jobuju jweinö omukwatö ja̧kwawa wanekwachujuma mö nöchachibö ja̧nö jojodönö jwebebö yöbawö jwöbuju. Ja̧danö, jojodö tjuju̧kwena teachakwawenabi, jobe ja̧nö jojodönö yöbawö jwöbuju, jweinö omukwatö ja̧kwawa wanekwachujuma.

Proverbios 3:13

Ja̧danö, ju'wibi yötawakwö chitji̧, wanedö: Bakwo̧ma jweinö omukwatö ja̧kwawama ¿di̧yajö? jö̧ba̧lö, öwaisachibobö isakwobe. Isakwemi badekwajo̧ma jweinö omukwatö ö̧jobetjö̧ o̧'wo̧ ösöwanö jo̧. Ja̧danö, jo̧ba jweinö omukwatö jo̧ma, ju'wi jawabi ju'wi jawa omukwatö, di̧ya sulojobö jö̧ba̧lö, di̧ya otiwojobö jö̧ba̧lö waisachibo̧. Jobekwö öwaisobetjö̧ o̧'wo̧ ösöwanö jo̧.

Proverbios 3:18

Chitji̧, jweinö omukwatö ja̧kwawa wanekwachujuma jojodönö lekwe tjö̧ji̧ iyuju, yöjawi̧ ösödö a̧ja̧kwadönöma. Jao chitji̧, jobuju yöjawi̧ 'diinö do̧ba̧lö kwö̧jitjö̧ma kwo̧'wo̧ ösöwanö kwö̧jakwo̧ja.

Mateo 7:24

Tupakwö yöawinobe Jesúsma: —Jau chömöledö, yötawi̧ a̧ja̧kwö ja̧badöma isabenö waisanö omukwatadö. Baikwö wanedö yötawa: 'Diena, inawaena o̧do otido̧danö tjichejekwobe.

Lucas 1:6

Jobadö Zacaríasbi, ilekwo Elisabetbi Dios öba a'otjö otiwanö ja̧bö tjö̧jinobe, ja̧danö omukwatönö ja̧bö tjö̧jinobe, okobe jwiinö Duluwo̧ wei̧danö ja̧bö tjö̧jobö.

Lucas 10:39

Jejenö ja̧debiökwe, Jesúsma jobe teachinobe, ja̧danö jobe ja̧nö jojodönö yöawinobe. Jejenö yöawonö, Marta jöjawuju María mikwujuma, Jesús öba a'o ba̧nö ja̧ja̧kwa̧linobe Jesús yöawi̧ma,

Lucas 11:28

Yöja̧liökwe, Jesúsma atadinobe: —Isabenö Dios otiwanö pjaatoko chojo'donöma, ötjönö jemobö iyinobetjö̧, jo̧kwaijayonö ja̧tjö bajalekwönönö isabenö nöinö pjabato̧ Diosma, Dios iwene a̧ja̧kwö laebachi̧danö ja̧bö ju̧kwadönöda chömöledö— jö̧ba̧lö.

Hechos 2:42

Ja̧danö, jobadöma kabatökönö Jesús webawedö yötjawobe a̧ja̧kwöbi, Dios jawa yöba̧lakwawöbi ba̧jijadötö. Kwakwawa kwanöbi bakobe ba̧jijadötö. Jesús ö'wöchina omukwatö pan kwanöbi kwijadötö, ubasobu owöbi owijadötö. Ja̧danö, Diosnö abeböbi abebijadötö, bakobe ju̧kwadöma.