Proverbios 7:8 - Dios Iwene

⁸ Jo̧ba möayo̧ omukwatö̧kö̧ma mana pebibö i̧'yinobe, sulabenö obuju jejubekwö 'ya̧nö.

Proverbios 7:8 Iomraidhean Croise

Proverbios 5:8

Chitji̧, jobuju jö̧jelöma ödöda kwö̧jo, jeju apjude yö̧nebi kwi̧'yiboko.

Proverbios 7:12

Ja̧danö, jobujuma jojodö tjuju̧kwemi ö'weje mananö kwebachuju, ja̧danö, jojodö ko̧ko̧kwö yötja̧lakwawemibi kwebachuju jelobebi jelobe ba̧kwȩlö̧jatebö isakwö te'ada̧luju iso̧nö ösödö ajebobö, ötjökwö kwö̧jo, jö̧ba̧lö.

Proverbios 7:27

Chitji̧, jobuju jejube 'ya̧kwawama wobalenöda badekwachobe. Jobujukwö kwi̧'yoko chitji̧.

1 Corintios 6:18

Jau chömöledö, kwi̧lȩkwa̧muböködökwö ja'yubebi ja̧bökönaduwi. Ju'wi sulabenö ja̧di̧ma, diteba'o suli̧ waedökö ji̧, jo̧kwaijayonö ilekwobökujukwö ja̧bo̧ma, iteda iteba'o suli̧ öwaedobe.

2 Timoteo 2:22

Jejenö jo̧be Timoteo, jo̧kwajabetjö̧ baikwö wetakwö: Möayedö sulabenö tjösödi̧tjö 'da̧bachibö döbibaji, ja̧danö ju'wida isakwi, otiwi̧ jawada. Jau ju'wida isakwö kwö̧jobö jo̧be, sulabe jwiinö kwö̧jobö, ja̧danö Dios yöawi̧ kwösödobö, ja̧danö jojodönö kwösödobö, ja̧danö wene jwiinö kwö̧jobö. Tjomajadenö bakwainö otiwadöma jejenö tjö̧jobö isakwadö Timoteo, ja̧danö ökwöbi jejenö kwö̧jobö kwisakwo.

Judas 1:23

Ja̧danö ju'wedönöbi pjakataduwo. Wanedö yötawa: Ökwöla nöola ö'öbö tjö̧ji̧tjö tjö̧jibanö do̧kataduwodönö. Ja̧danö, ju'wedö inesö sulabenö ja̧bö ju̧kwadönöbi lȩlö̧jinö edö pjakataduwo chömöledö, ja̧danö jejenö pjakataduwenama, te'ada̧lönö yebabinö kwö̧jaduwo, sulabenö ja̧tji̧danö ökwödöbi sulabenö ja̧köbaduwapji jö̧ba̧lö. Jau chömöledö, jobadönö lȩlö̧jinö edö kwösödaduwijayonö, ja̧tji̧ma kwösödaduwoko yelösöda, isabenö Dios öpöjödi̧ jawa jö̧ba̧lö.

Jueces 16:1

Ju'wi möle, Sansonma filisteo jojodö tjitebo comunidad Gazabe i̧'yinobe, ja̧danö jobe bakwuju jilekwamuböködökwö 'da̧'da̧bakwawö ju̧junö edinobe, ja̧danö edajo̧, jeju teachinobe, jobujukwö ö̧jobö.