Proverbios 7:7 - Dios Iwene

⁷ Ja̧danö, chedemi möayedö ömadö tjö̧jinobe, waisanö tjo̧mukwatobö wajwibadöma. Ja̧danö, jobadötjö bakwo̧ jwiinö omukwatö̧kö̧ ö̧jinobe.

Proverbios 7:7 Iomraidhean Croise

Diosnö ösödo̧ Job mikwo̧ usula emawina jawa 24:15

Ju'wedö tjilekwamukwö sulabenö ja̧badöbi yö̧te ösödadö, yö̧te juluwanö baibobö teada̧ladö, ja̧danö tjöba mu'dukwadö, –Bakwo̧bi ötjönö wajwiena, –jö̧ba̧lö.

Proverbios 1:22

Baikwö jojodönöma yöbawuju: — Ökwödöma ina jweinö omukwatö kwö̧jaduwoböma kwomukwataduwokobe, kwöpöjödaduwobe, jo̧kwada omukwatökönö dö̧ja, jö̧ba̧lö. ¡Tjo̧wi̧! Babema kwö̧jaduwi̧ma kabatakwawaduwi— yöbawuju. Ina yöbawuju: —Ökwödöma sulabenö oböda obadöja̧. Jweinö omukwatö ja̧kwawa jawa yötjawi̧ oböda obadöja. Isabenö ököbaduwoböda ösödadöja̧. ¡Tjo̧wi̧! Babema jobekwö kwö̧jaduwi̧ma kabatakwawaduwi— yöbawuju. Ina yöbawuju: —Ökwödöma waisanö omukwatöködöja, ja̧danö jweinö omukwatö kwöwaisachibaduwoböma kwöpöjödaduwobe. ¡Tjo̧wi̧! Babema jobekwö omukwatö kwö̧jaduwi̧ma kabatakwawaduwi— jobekwö yöbawö jwöbuju, jweinö omukwatö ja̧kwawa wanekwachujuma.

Proverbios 1:32

Isabenö yötawaduwakwö: Ötjö yötawi̧ öpöjödö jelobekwö omukwatadöma wajwitjobe jweinö omukwatö tjö̧ji̧ma. Ja̧danö, yötawi̧ tjöpöjödobe, da̧ja̧kwobö jwiobe, da̧ja̧kwokobe, jö̧ba̧lö. Jo̧kwaobetjö̧ yelösöda söbebö lotjakwawö̧.

Proverbios 1:4

Ja̧danö ju'wibi yötawaduwakwö: Ökwödötjö ju'wedöma ina jweinö kwomukwataduwobö wajwibadöja. Salomón jwebebö yöawakwawa jawanö wanekwachi̧ jawa a̧ja̧kwö kwomajadeduwinö meitjö̧ma ökwödönö pjaatakobe ö'wiyawakwawönö kwö̧jaduwobö. Ja̧danö, Salomón jwebebö yöawakwawa jawanö wanekwachi̧ jawama ökwödötjö möayedönö öbibo̧danö jweinö öibakobe tjöwaisachibakobetjö̧ ju'wi jawabi ju'wi jawa. Ja̧danö, jobadönö jweinö öibakobe ja̧tjakwa̧ma ajayinö otiwanö tjo̧'wo̧nö tjo̧mukwatobö.

Proverbios 10:13

Ja̧danö, ju'wibi yötawa: Bakwo̧, di̧ya sulojobö jö̧ba̧lö, di̧ya otiwojobö jö̧ba̧lö waiso̧ma jweinö omukwatö yöbawo̧. Ja̧danö, ju'wibi yötawa: Jweinö omukwatökönö yöba̧lo̧nöma lȩtjȩbobö jo̧be.

Proverbios 12:11

Ju'wibi yötawa: Batjo dösölö̧jinö otido̧ma ukwakwa̧ma juna̧lo̧, a̧wi̧chi̧ tjöbökönö jo̧. Jobekwö ujuna̧lokobe dösölö̧jinö otidö̧kö̧ma. Jo̧bama ju'wi jawabi, ju'wi jawa omukwatö jo̧ma. Jobekwö ju'wi jawa omukwatö, chotidobö jo̧be, jö̧ba̧lö omukwatokobetjö̧ jwiakwo̧.

Proverbios 14:15

Ju'wibi yötawa: Jweinö omukwatö̧kö̧ma, okobe jwiinö jo̧banö yötja̧li̧ma a̧ja̧kwö ösödo̧, otiwa, jö̧ba̧lö. Jo̧banöma sulabenö yötja̧lijayonö, otiwa, jö̧ba̧lö omukwato̧, wajwiobetjö̧. Ja̧danö, jelo̧nöbi yötawa: Ö'wiyawakwawönö omukwato̧ma i̧'yakwa̧ abönö jweinö omukwato̧, jweinö i̧'yakobetjö̧.

Proverbios 14:18

Ja̧danö, ju'wibi yötawa: Jweinö omukwatöködöma la'akatjöda tjöwaisachibökakwedö. Jobadö tjö̧ji̧ mikwa baibanö ba̧kwȩlö̧jatebö omukwatökönöda tjö̧jakwedö. Jobekwö baledokobe ö'wiyawakwawönö omukwatadönöma. Ö'wöyawakwawönö omukwatadöma jobadö tjö̧ji̧ mikwa baibanö ba̧kwȩlö̧jatebö ju'wi jawabi ju'wi jawa tjöwaisachibakwedö.

Proverbios 19:2

Ja̧danö, ju'wibi yötawa: Jojoma ju'wi jawabi ju'wi jawa öwaisobö jo̧be, otiwanö waisö ö̧jakobetjö̧. Ja̧danö, juluwanö, omukwatökönö ja̧bö jo̧ma, iteda ja̧i̧ma waekwo̧.

Proverbios 19:25

Ja̧danö, ju'wibi yötawa: Sulabenö obo̧nö kwakwabö lȩtjebobe edö wajwibo̧ma jo̧banö edinö öwaisachibena, jobekwö sulabenö omukwatö otoböma jwiobe, jö̧ba̧lö. Ja̧danö, ju'wibi yötawa: Di̧ya sulojobö jö̧ba̧lö, di̧ya otiwojobö waiso̧ma, itenö jwebebö yötjawi̧ma ösödobe, otiwa jö̧ba̧lö. Isabenö jo̧bama belö öwaisinatjö bajalekwönönö öwaisakwo̧ jo̧banö jwebebö yötjawi̧ ösödobetjö̧.

Proverbios 22:3

Ja̧danö, ju'wibi yötawa: Isabenö, ö'wiyawakwawönö omukwato̧ma labi jawa baledakwa̧ waiso̧, chedemi labinö baledakobe, jö̧ba̧lö. Jobekwö öwaisasobetjö̧ itedada te'ada̧lo̧, labi̧ jawa baledobekwöma i̧'yapji jö̧ba̧lö. Jobekwö omukwatokobe jweinö omukwatobö wajwibo̧ma. Jo̧bama omukwatökönö labi̧ jawa baledobekwö 'yo̧. Ja̧danö, labobekwö i̧'yobetjö̧ yelösöda usula emawakwo̧.

Proverbios 24:30

Ju'wibi yötawakwö chitji̧: Belö 'duwekwo̧, jweinö omukwatö̧kö̧ öbatjoma baledö chedijatö, uba batjo.

Proverbios 27:12

Ja̧danö, ju'wibi yötawa: Isabenö, ö'wöyawakwawönö omukwato̧ma labi jawa baledakwa̧ omukwato̧, chedemi labinö baledakobe, jö̧ba̧lö. Jobekwö omukwatobetjö̧ labobekwöma 'yö̧kö̧nö itedada te'ada̧lakwawö jo̧. Jobekwö baledokobe jweinö omukwatobö wajwibo̧nöma. Jo̧bama omukwatökönö labobekwö 'yo̧. Ja̧danö, labobekwö i̧'yobetjö̧ yelösöda usula emawakwo̧.

Proverbios 5:1

Baikwö laebobe Salomón iteda itji̧nö möayo̧nö jwebebö yöawinama: Chitji̧, ötjö jweinö omukwatö ja̧kwawa yötawi̧ma ö'wiyawakwawönö a̧ja̧kwi. Ja̧danö, di̧ya sulojobö jö̧ba̧lö̧, di̧ya otiwojobö jö̧ba̧lö chöwaisobetjö̧, ötjö jwebebö yötawi̧ma ö'wiyawakwawönö a̧ja̧kwi.

Proverbios 6:20

Baikwö laebobe Salomón iteda itji̧nö möayo̧nö jwebebö yöawinama: Chitji̧ ökwönö jwebebö yötawi̧ma a̧ja̧kwö kwö̧jobö jo̧be. Ja̧danö, kwojo'do yöjawi̧bi a̧ja̧kwö kwö̧jobö jo̧be, kabatibökönö.

Proverbios 6:32

Ja̧danö ökwödöma, jo̧ba usulaso̧ naukwabo̧nöma edö, usulaso̧, a̧wi̧chi̧lö̧jökwe naukwajo̧ jö̧ba̧lö, jo̧banö döpöjödokobe. Jo̧kwijayonö bakwo̧ jilekwenö juna̧lujukwö bakwobe ö̧jitjö̧ma jo̧banöma jwiinö döpöjödobe, sulabenö ja̧obe, jö̧ba̧lö. Isabenö yötawa: Jo̧ba, jilekwenö juna̧lujukwö jo̧ma jweinö omukwatö̧kö̧. Itedada wene jwöebakwo̧, jilekwenö juna̧lujukwö ö̧jobetjö̧.

Proverbios 8:5

Ökwödötjö ju'wedöma ö'wiyawakwawönö kwomukwatakwawaduwobö ina wajwiköbaduwobe. Ökwödö wajwibadönö yötawa: Ö'wiyawakwawönö kwomukwataduwobö kwöwaisachibaduwakobetjö̧ a̧ja̧kwaduwitjö. Ja̧danö, ökwödö jweinö omukwatöködönö yötawa: Di̧ya sulojobö jö̧ba̧lö, di̧ya otiwojobö jö̧ba̧lö kwöwaisachibaduwakobetjö̧ ¡a̧ja̧kwaduwitjö!

Proverbios 9:16

Baikwö jwöbeabuju wajwibadönöma: — Ökwödöma baikwö ichaduwi chejube tekachaduwo— jö̧ba̧lö—.

Proverbios 9:4

— Ökwödö, wajwibadöma ichaduwi tekachaduwo jweinö omukwatö ja̧kwawa jojosuju jejube. Jobujuma ökwödö omukwatöködönö ja̧debobe, Ichaduwi tekachaduwo, jö̧ba̧lö.

Mateo 15:16

Aebökwe, Jesúsma yöa̧linobe: —¿Ökwödöbi ju'wedö wajwitji̧danö ina wajwibadö kwö̧jaduwiji̧?