Proverbios 6:18 - Dios Iwene

¹⁸ Jemi ikena Isabenö Jo̧ öpöjödi̧ma baikwö laebobe: Sulabenö öwaedakwa̧ ajayinö o'wo̧nö junö omukwato̧nöma jwiinö öpöjödobe Isabenö Jo̧ma. Jemi ikena Isabenö Jo̧ öpöjödi̧ma baikwö laebobe: Sulabenö ja̧otö jö̧ba̧lö juluwanö ‘yo̧nöma jwiinö öpöjödobe Isabenö Jo̧ma.

Proverbios 6:18 Iomraidhean Croise

Génesis 6:5

Jojodöma jwiinö sulabeda ja̧bö ju̧kwijadötö böjȩnö, ba̧kwelöjatebö. Tjomajadenö tjomukwati̧ma sulabeda omukwatijadötö, okobe jwiinö. Isabenö Jo̧ma jobadö jwiinö sulabenö ja̧bö tjuju̧kwobe edijetö.

Proverbios 1:16

Jobadöma kabatökönö ju'wedönö sulabenö tjöwaedoböda isakwadö. Sulabenö omukwatadö, ja̧danö jo̧kwada omukwatökönö jojonö kwabö lobadö. Jobadökwö pjabachibö kwi̧'yoko.

Proverbios 15:26

Ja̧danö, ju'wibi yötawa: Isabenö Jo̧ma sulabenö omukwatadö suli̧ tjöwaedakwa̧ jawa tjo̧mukwati̧ma jwiinö öpöjödo̧. Ja̧danö ju'wibi yötawa: Isabenö Jo̧ma jwiinö ösödo̧ otiwanö omukwatadö otiwi̧ jawada yötja̧li̧ma.

Proverbios 24:8

Jemi ikena jweinö omukwatadö yötjawinama baikwö laebobe, bakwo̧ iteda itji̧nö jwebebö yöawi̧danö: Chitji̧, yötawakwö: Jojodöma tjöwaisachibakwedö sulabenö ja̧akwa̧ o̧'wo̧ junö omukwato̧nöma, wene jwöbebo̧, jö̧ba̧lö.

Isaías 59:7

Ökwödöma sulabenö ja̧köbaduwotö jö̧ba̧lö juluwanö ö'öbakwawadöja, juluwanö jojodö sulabenö ja̧böködönö kwabö lobadöja. Kwomukwataduwi̧ma, jwaikwöda sulabenö Dios öpöjödi̧ jawa omukwatadöja, ja̧danö kwekachaduwii̧tenia suli̧ waedadöja, kwekachaduwaja̧ okobe söbebö loawemida ji̧bi̧nö.

Romanos 3:15

Juluwanö kwabö lobadö jojodönöma.